YEREMIA 51:3 - KITAB NU TUMPU ALLA LELE MA'IMAI'

³ Boli obee'i kasampatan na suludadunyo mompeletakon hihisnyo nu pana' nu aha, kabai mombuulakon baju' anu nu pusok nu aha mahampate. To oli-olitau nu aha bolimo daagi' opobee' tumuu'. Hansunimo ingko-ingkot na suludadu nu aha!

YEREMIA 51:3 ပူးပေါင်းရင်းမြစ်များ

MAZMUR 137:9

Mohumpak kantumuu'an ma'ima' na mian anu nongalamo to bunga-bungamea' nu beleyum ka' nongalinmo nokiita' i puge'nyo nu batu!

YEREMIA 50:14

O, belemiu anu toto pande-pande na mompana'! Atunmo na balisan nu belemiu da olambanimo ka' otumbuhimo na Babel. Peletakonmo iwi-iwi' na hihis nu pana' nu belemiu mokiijo' i Babel, kalana ia binaladosa'mo hi beleng-Ku.

YEREMIA 50:21

Tumpu notataemo hi sa'angu' na bansa anu lengkat mae i utara, “Tumbuhimo na mian anu jojoong i Merataim tiba Pekod. Pateimo ka' hansunimo na aha. Sampa bau na anu pinalentahkon-Kumo. Aku, Tumpu, notataemo.”

YEREMIA 50:27

Pateimo iwi-iwi' na suludadu nu aha! Hopu'imo na aha! Silakamo na bansa Babel! Tinokamo na tempo'nyo aha ohukumo!” (

YEREMIA 51:53

Maunyomo ahi' Babel timbali moko ala moliba' mokiita' ilangit ka' mombaumo palatahanan anu madi' opko ala otoka, panyo tataap ahi' Ku pokau na mian da mamba mohansuni. Aku, Tumpu, notataemo.”

YEREMIA 9:21

Kapatean ninsoopmo nontulu tolongan, ka' ninsoopmo i uno nu laigan nu tomundo'; ia nongkaanmo to ana-anak anu aijo' ijalan tiba olitau ka' langkoyang aijo' ilapangan.

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!