YEREMIA 51:22 - KITAB NU TUMPU ALLA LELE MA'IMAI'

²² Beleyum Ku pakemo da mompateimo mo'ane tiba boune anu langkai'mo kabai anu daagi' olitau, langkoyang kabai anu ma'isa langkoyang.

YEREMIA 51:22 ပူးပေါင်းရင်းမြစ်များ

2 TAWARIKH 36:17

Tumpu nompotuka'mo kinyonyoa i tomundo Babel da montumbuhimo aha. Tomundo aijo' nompateimo mian nu Yehuda anu toto oli-olitau ka' toto lalangkoyang tibamo aha anu kiijo' i Laigan nu Tumpu. Mau pe'e samian madi' ko anu kinalibosannyo, mau anu langkai'mo ka' bengkele'mo, kabai anu daagi' olitau ka' langkoyang, to momo'ane kabai to boboune, anu masakit kabai anu madi' masakit. Aha iwi-iwi' binee'mo nu Tumpu Allah hi tomundo Babel.

YESAYA 13:15

Maumo pa' ihe na ohakop ojalo'mo sampe mate.

YESAYA 13:16

Nu sakisimo nu aha na to bunga-bunga mea' nu aha ohansunimo, ka' mule' laigan nu aha iwi-iwi' otongkalimo ka' mule' to bengke-bengkele' nu aha opakisamo na mompatiduhusi.”

YESAYA 13:18

Tiba pompelet nu aha ka' mule' hihisnyo nu pateimo nu aha na to oli-olitau. Aha madi' mongkalibosi bunga mea' ka' mule' madi' molibos hi to ana-anak.

YESAYA 20:4

Tomundo' nu Asyur saidi' mae mohakopmo to mia-mian anu hi ohua' na lipu' aijo' ka' aha oboamo langgo-langgo na lumajang. Anu motu'amo kabai anu ma'isa motu'a iwi-iwi' lumajang madi' mompusok baju ka' sapatu suele madi' mompusok jadi ahop nu aha kinantoaanmo salaku bau pongambangi aha Mesir.

YEREMIA 44:7

Ka' uuka aiya Aku, Tumpu Anu Balakuasa hondo, Tumpu Allah Israel mompokilawamo kadaka' belemiu nombaumo palabuatan anu timbali monsaduakon kasilaka'an anu daka' aijo' hi butong nu belemiu. Te belemiu kahanda'mo monsilakai iwi-iwi' na mian – mo'ane, boune, to ana-anak, tiba bungamea' – sahingga madi'mo daagi' ko samian na bansa nu belemiu na daagi' tontuha'?

YEREMIA 50:37

Hansunimo na ajahan tiba kareta anu nupake nu aha mahampate! Silakamo na to sulu-suludadu anu nu tamboi nu aha! Talalomo ilupe na aha! Hansunimo na kakaya'an nu aha Babel! Pahuhuakonmo na halata' nu aha!

YEREMIA 51:23

Beleyum Ku pakemo da monsilakaimo to pola-polaya' binatang tiba potuu'onnyo, mian anu topo ale' tiba sapi' anu bau pompajekonyo, anu balakuasa tiba to sulu-suludadu anu matangkas na pangkatnyo.”

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

MOHAANGI 2:11

Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.

1 SAMUEL 15:3

Jadi lako'mo ka' tumbuhimo na aha mian nu Amalek ka' o idei na apa-apaa na anu nu aha iwi-iwi'. Boli opotuha' maumo pa' apa-apaa; patei iwi-iwi' na to momo'ane, to bou-boune tiba to ana-anak, ka' mule' to bunga-bungamea'; ka'suele sapi', domba, unta tiba keledai.”