YEREMIA 51:2 - KITAB NU TUMPU ALLA LELE MA'IMAI'

² Ku pokauje na to mia-mian anu lengkat mae isalipu'an anu mohansunije Babel susumo mombun montilahabakonmo ota' nu gandum. Toka isinaanyo kato-katokaanmo mae nu balaa' aijo' aha montumbuhimo lipu' aijo' lengkat mae iyaya na tampat ka' monsapuimo sampe belesi'.

YEREMIA 51:2 ပူးပေါင်းရင်းမြစ်များ

YESAYA 41:16

Beleyum montapimo aha lantas aha nu lahabakonmo nu mombun ka' nu sagakonmo nu antong anu daka'. Beleyum lame'mo kalana Aku, Tumpu, ka' bilahimo kalana Aku, Tumpu nu Israel.

YESAYA 43:14

Tumpu na Nomposalamatmo Belemiu, Anu Susi' Israel, notataemo, “Kalana belemiu, Aku nonsaimo suludadu namba i Babel, ka' pinaha idean-Kumo na ponsupati tumban nu talungku': taligala nu aha mian nu Kasdim ingabali'-Kumo nu tando' ka' haang.

YEREMIA 15:7

Toto sa'angu' na kota ilipu' aiya, na pongalapan-Ku anu o alin susumo haat. Maumo ahi' belemiu mian anu palesayamo hi beleng-Ku panyo Ku silakaimo na belemiu tiba to ana-anak nu belemiu kalana belemiu madi'mo mongka'oho' mongabali jalan nu kantumuu'an nu belemiu.

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEREMIA 50:32

Bansa nu beleyum anu talalo buulon aijo' tosumpunmo ka' tombahangkangmo. Madi'mo daagi' ko samin na anu montulungi beleyum da po ule' tuminjo. Sinin na kota' nu beleyum Ku papumo, ka' iwi-iwi' na daerahnyo ohansunimo.”

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”