YEREMIA 51:18 - KITAB NU TUMPU ALLA LELE MA'IMAI'

¹⁸ Bapilogotan haha aijo' madi' ko angga'nyo patut okokojoi ka sola' opopo ambang. De maluanyo tokamo na tempo'nyo, aha memang silakamo.

YEREMIA 51:18 ပူးပေါင်းရင်းမြစ်များ

NOSABATMO 12:12

Pihi aijo' Aku lumajangmo monsongkohi tano' nu Mesir, ka' mompateimo to ana-anak tumpe mo'ane, mau manusia mau pe'e binatang. Ku hukumo na pilogot iwi-iwi' i Mesir, kalana Akumo na Tumpu.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YESAYA 2:18

To pilo-pilogot imadi'anmo ingko-ingkot.

YESAYA 46:1

Uuka aiya na ka ahenannyo nu pilogot nu aha Babel; naipuan mae patong Bel tiba Nebo osombah, panyo uuka aiya oposake'mo ibinatang, timbalimo boaon nu binatang anu malawemo.

YESAYA 57:12

Panyo Ku poto'i hi belemiu; kapalesaya'an nu beleyum atina' madi' totu'u, ka' sinin na palabuatan nu belemiu madi' kogunanyo hi belemiu.

YEREMIA 10:11

Belemiu o manusia tionyo ahi' mompoto'i hi aha taalu' to pilo-pilogot anu madi' nompotimbali langit tiba tano' aijo' opateimo. Aha madi'mo daagi' tumuu' itano' aiya.)

YEREMIA 10:14

Salatan nontoamo aijo' iwi-iwi' nangalati'je na manusia taalu' ia ponga' ahi' ka' madi' ahi' ko anu nu pisumbu-sumbu'. To tuka-tukang anu pande montutuk mosoni madi'mo pinalesaya, kalana patong pilogot anu binaunyo aijo' madi' ko kaliangannyo ka' mule' madi' ko santuu'nyo.

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 46:25

Tumpu Anu Mahakuasa, Tumpu Allah Israel, nompoto'imo, “Aku mohukumo Amon, pilogot lengkat mae i Tebe, tiba iwi-iwi' na Mesir ka' mule' to pilo-pilogot tiba to tomu-tomundo'nyo. Tomundo' nu aha Mesir tiba aha iwi-iwi' na mian anu nontakabunakonmo ia

YEREMIA 48:7

O, Moab! Beleyum montakabunakon kabaanian tiba kakaya'an nu beleyum. Panyo uuka aiya beleyum opatundu'mo. Kamos, pilogot nu beleyum tiba to ima-imam nu beleyum ka' to mia-mian anu kopangkatnyo ikiijo' oboamo itampat pompojoongan.

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

YEHEZKIEL 6:6

Iwi-iwi' na kota' nu aha Israel ohansunimo, iwi-iwi' na mezbah tiba pilogotnyo o'ideimo ka' oposungkehetmo, anu sola'pompapuan kamangian obiha-biha'mo, ka' mule' iwi-iwi apaa na anu binaumo nu aha madi'mo daagi' otoa.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.