YEREMIA 51:16 - KITAB NU TUMPU ALLA LELE MA'IMAI'

¹⁶ Ola pinalentah, binuhokanmo na uee aita' ilangit. Lengkat mae ipuusnyo nu tano' songko-songko pinotoka-Nyomo mae na kundom, ka' pinojadinyomo na kilat da pojohonjit i uno nu ujan, ka' pinokau-Nyomo mae na mombun lengkat mae itampat pinompo una'annyo.

YEREMIA 51:16 ပူးပေါင်းရင်းမြစ်များ

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

AYUB 37:13

Tumpu Allah nombee'imo mae ujan da bau pohumpisi tano', kabai mule' da bau pohukum manusia; ka' ugaat mule' da opotoa hi aha, na kalibosan-Nyo anu talalo hondo anu tataap sampe toka sidu-sidutu'.

AYUB 38:22

Pa' toho'mo beleyum namba nontoa gudang-Ku iwi-iwi' tampat nu eis ka' ujan batu,

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

MAZMUR 104:7

Salatan sineganmo nu Belento, uee aijo' no'ilimo mabohos hondo na no'ili kalana talalo ahi' daka' na potatae nu Belento.

MAZMUR 135:7

Lengkat mae i puus nu tano' Ia nompotokamo mae kundom, pinokilaton-Nyomo de tudun na ujan. Lantas Ia nompalentahmo mombun da mosabat mae i tampat pinompo'una'an-Nyo.

MAZMUR 147:18

Lantas kalana palentah-Nyo eis aijo' na timbalimo uee; Ia nompuhakonmo mombun sahingga uee no'ilimo.

MAZMUR 18:13

Kilat anu aita' i ahop-Nyo, nosabatmo mae na kundom, ujan eis ka' apu.

MAZMUR 46:6

Tumpu jojoong kiita' mae, sahingga kota aijo' madi' hansun; Ia na montulungi mae salatan jingka bete'mo mae.

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

MAZMUR 78:26

Ia suele nompokaumo mae mombun sasu mae kabete'an da tinobung mae, ka' mule' kalana kuasa-Nyo mombun sasu salatan tinobungmo mae.

NOSABATMO 10:13

I Musa nohangkatmo tokonnyo, ka' Tumpu nompotimbalimo mombun lengkat i kabete'an aijo'mo na nonsongkohi lipu' aijo' toka sansina-sinaa ka' sampahu-pahu. De subu-subumo mombun aijo' mompuhakonmo mae kihi-kihi' haha aijo'

NOSABATMO 10:19

Sahingga binali'anmo nu Tumpu na jalan nu mombun nu kinsoban anu makansang hondo. Kihi-kihi' haha aijo' pinuuhakonmo nu mombun ka' binoanyomo nokiijo' i Ambai Gelagah. Sa'angu' pe'e madi' ko anu tinontuha' i songko-songko na tano' nu Mesir.

NOSABATMO 14:21

Lantas tinangkakonmo i Musa na limanyo nokiijo' i ambai, sahingga Tumpu nompotimbalimo baleba' nu kabete'an anu makansang hondo so'mo nompuuhakon sahingga ambai nokekesmo. Sinampahu na pinuuhan nu baleba' aijo' sahingga ambai nongabali'mo, tinimbalimo katano'an.

YEHEZKIEL 10:5

Onyi' nu polipik nu malaekat haha aijo' de mompapa'imo kahongoan toka-toka ipopasan anu isambiha'nyo, sumomo ahi' potatae nu Tumpu Anu Mahakuasa.

AMOS 9:7

Tumpu notatae, “O mian nu Israel, Ku palahatikan na mian nu Sudan pokakanamo susumo Aku mompalahatikan belemiu. Binoang-Kumo na mian nu Filistin lengkat i Kreta ka' mian nu Siria lengkat i Kir pokakanamo susumo Aku nomboa belemiu lengkat i Mesir.

YUNUS 1:4

I Yunus nintatau'mo kaiyong mae sasu lunasa'nyo ka' kino mamale'mo ikaiyong, lantas ihoyotmo bobobogon. Lapas aijo' Tumpu nompotokamo mae antong anu makansang hondo i ambai ka' jinadimo na antong anu makansang hondo aijo' nontintip kapan aijo' sahingga kiniboli' ihansunmo. To mia-mian pangalaja nu kapan nabuhukmo hondo ka' lewa'mo noloboo' na aha toto samian momoita tulung hi posi-posi pilogot nu aha. Da mongkulangi bahaya dumo tompu, pinaha lumbu'akonmo i ambai na to bala-balang anu pinosake'.

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”