YEREMIA 51:12 - KITAB NU TUMPU ALLA LELE MA'IMAI'

¹² Bee'i tanda de montumbuhimo pagan mesen nu Babel. Pohoson na ponjaga'an. Po una'i mian anu monjaga. Potouka na mian anu montumbuhi!” Tumpu momposidamo apaa na anu tinanga'an-Nyomo obau hi aha mian nu Babel.

YEREMIA 51:12 ပူးပေါင်းရင်းမြစ်များ

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 11:12

Tumpu mompotinjomo sa'angu' na bandela' bau pontoan nu to bansa-bansa. Aijo'mo na tandanyo taalu' Ia po ule'mo nomposihuk bansa Israel, tiba bansa Yehuda anu noga'a-ga'atmo iyaya mae i dunia aiya ka' monsule'akonmo mae aha.

YESAYA 13:2

Paha hangkat na bandela' aita' ipuge'nyo mai-maimadi' ko anu montumuu'i salaku tanda mahampatemo. Poto'i hi aha to sulu-suludadu ka' tangkakon na lima nu beleyum da aha montumbuhimo iwi-iwi na sabatan daka' nu kota' anu bubuulon aijo'.

YEREMIA 23:20

Tambuha'-Nyo madi' momohokot de ma'isa pe'e iwi-iwi' jadi na anu tinanga'an-Nyomo. Saidi' mae imihinyo mian anu palesayamo hi Tumpu mangalati'je totu-totu'u han aijo'.”

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

YEREMIA 50:25

Gudang nu sanjatang-Ku binuka'-Kumo ka' kalana tambuha'-Ku, sinabatakon-Kumo na sanjata haha aijo', kalana Aku Tumpu Anu Matangkas na Kakuasa'an tionyo ahi' mompojalanmo sa'angu' na kalaja i Babel.

YEREMIA 51:11

Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!

YEREMIA 51:27

“O, tomundo' anu lengkat mae isasu utara! Bee'imo mae tanda da otumbuhimo! Po onyi'mo na tolompet da nu hongomo nu to bansa-bansa! Tipaha'imo na to bansa-bansa da mahampatemo mongewa Babel! Palentahmo na kalaja'an Ararat, Mini tiba Askenas da montumbuhimo. Pohangkatmo samian na bau talenga' da mompimpin belemiu montumbuhi aijo'. Tipaha'imo na ajahan anu konjoo'nyo sumo gombuan nu kihi-kihi'.

YEREMIA 51:29

Tano' gayu'anmo ka' tananggahanmo kalana Aku momposidamo tanga'an-Ku da opojadimo na Babel tampat anu kunmo anu madi'mo daagi' nu jojoongi nu manusia.

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

NAHUM 2:1

O Ninewe Potombihing pe'e mae! Anu mongka'oho' mongidei beleyum ningkotmo! Ojagai na to bente-benteng ponjagaian! Ojagai na jalan! Posadiamo da mahampatemo. (

YOSUA 8:14

Salatan i tomundo Ai nontoamo suludadu anu monsangalui i Yosua, ia sampamo lia-lia' nogogia'. Ia ka' iwi-iwi' na mian nosabatmo ka' nambamo i bangka'nyo nu Yordan da montumbuhimo aha mian nu Israel i tampat anu u'utu mae. Ia madi' monsumbu' saba' gagana' uuka ia otumbuhimo lengkat mae i hiku nu kota.