YEREMIA 51:11 - KITAB NU TUMPU ALLA LELE MA'IMAI'

¹¹ Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!

YEREMIA 51:11 ပူးပေါင်းရင်းမြစ်များ

1 TOMU-TOMUNDO' 11:14

Sahingga Tumpu nonsungkelekmo kinyonyoa i Hadad lee' mae nu tomundo' Edom da monsampo bali'mo i Tomundo' Salomo.

1 TOMU-TOMUNDO' 11:23

Tumpu Allah nonsungkelek mule' suele kinyonyoa i Rezon anak i Elyada da monsampo bali' i Salomo. I Rezon posaihon anu nopalaimo nompala'imo tuannyo aijo'mo i Tomundo' Hadadezer tomundo' nu aha Zoba.

1 TAWARIKH 5:26

Kalana aijo' Tumpu Allah nompotuka'mo hi kinyonyoa i Pul tomundo' nu aha Asyur, sahingga i lambanannyomo tinumbuhan na lipu' aijo'. I Pul suele salakumo i Tiglat-Pileser. Lantas aha tulunan nu bansa Ruben, Gad, tiba tulunan nu bansa Manasye anu i sasu kabete'an Kaunyo nu Yordan binoamo nu aha salaku anu i hakop ka' mambamo pinojoong nu aha i Halah, i Habor, i Hara, ka' sa'angu' na tampat koko Kaunyo Gozan. I Kiijo' mae aha tinataapmo na jinojoong sampe sinaa uuka aiya.

2 TAWARIKH 36:22

Taun anu momonanyo salatan i Kores nompalentahmo, tomundo nu Persia, Tumpu nombaumo apaa na anu pinoto'inyomo hi Nabi Yeremia. Tumpu nompotuka'mo hi kinyonyoa i Kores da ia mombebakonmo palentah anu obasa'akon toka hi songko-songko na kalaja'annyo. Onyi'nyo sumo uuka:

EZRA 1:1

Taun momonanyo salatan i Kores tomundo nu Persia nompalentahmo. Tumpu nombaumo apaa na anu pinoto'i-Nyomo hi Nabi Yeremia. Kinakeha'mo nu Tumpu na kinyonyoa i Kores da nombee'mo sulat palentah anu binasa'akonmo hi songko-songko na kalaja'an. Onyi'nyo sumo uuka:

YESAYA 10:26

Aku Tumpu Anu Daka' na Kuasanyo mondokemo aha nu pondoke, susumo Aku nontahutu'mo aha mian nu Midian ibungkutnyo nu batu Oreb. Aha Asyur Ku hukumo susumo Aku nohukumo Mesir.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 21:5

Aku nontoa mule' bau-bauon mongkakaan anu pinosadiamo; tampat kasuhangan nu anu tinaang pinosadiamo. Aha nongkaanmo ka' mule' nonginumo. Monti-montiik nohongomo palentah: “O, tosulu-suludadu anu toto tangka-tangkas na pangkatnyo! Posadiamo na kanta nu belemiu!”

YESAYA 41:25

Aku nompotukamo samian anu lengkat mae i sasu kabete'an; Ilagang-Kumo na ia da montumbuhimo mae lengkat mae sasu utara. To mia-mian anu balakuasa nu pahampeja'akonmo susumo hensek, susumo mian anu lewa' mombau kuhon tano' mompahampeja'akonmo tano' ponto.

YESAYA 45:1

Tumpu nompile'imo i Kores binau tomundo'; ia tinantukanmo da mompatundu'mo to bansa-bansa, ka' mompota'alukmo kakuasa'an nu to tomu-tomundo'. Tumpu montuhe'akonmo tumban toto daka-daka' nu kota' da bau pinsoopannyo, madi'mo daagi' ko sa'angu' na madi' tontuhea'. Hi ia Tumpu motataemo,

YESAYA 45:5

Akumo na Tumpu madi'mo daagi' kosangga'atannyo, Akumo na Tumpu anu Sa'a-sa'angu'nyomo Beleyum binee'an-Kumo toongon, maumo ahi' beleyum madi' monsumbu' Aku.

YESAYA 46:11

Ku lagamo me na samian anu balakuasa lengkat mae isasu kabete'an ia toka mae pokakanamo susumo sa'angu' na tomonsi' anu baani hondo na mombaumo apaa na anu pinutusan-Kumo. Apaa na anu tinaloakon-Kumo tionyo ahi' Ku baumo, apaa na anu tinanga'an-Kumo tionyo ahi' kalajamo.

YEREMIA 46:3

“To sulu-suludadu nu Mesir anu toto tangka-tangkas na pangkatnyo nongaisakonmo ais da mosadiamo na to sulu-suludadu nu aha, ‘Boitmo na talombo', Pusokmo na baju' besak tiba songko anu ko aja'nyo! Posadiamo na kanta ka' pinsoopmo ibalisan! Belemiu, suludadu anu monsake'i ajahan, pokonamo na bau kasake'an! Sake'imo na ajahan nu beleyum, lako'mo mamba pahampate!’

YEREMIA 46:9

Popadeka'mo o to aja-ajahan! Bagalagimo o to kare-kareta! Donganmo mamba o to sulu-suludadu anu montoongi kanta lengkat mae i Sudan tiba Libia. Ka' suele belemiu o to mia-mian anu toto pande-pande na mompana' lengkat mae ilipu' Lidia.’ ”

YEREMIA 50:25

Gudang nu sanjatang-Ku binuka'-Kumo ka' kalana tambuha'-Ku, sinabatakon-Kumo na sanjata haha aijo', kalana Aku Tumpu Anu Matangkas na Kakuasa'an tionyo ahi' mompojalanmo sa'angu' na kalaja i Babel.

YEREMIA 50:3

Sa'angu' na bansa lengkat mae isasu utara tokamo mae montumbuhi Babel ka' mompojadimo lipu' aijo' timbali padang tampat anu kunmo. Manusia tiba binatang anu ikiijo' mopalaimo, ka' madi'mo daagi' ko anu jojoong ikiijo' mae.”

YEREMIA 50:45

Mokonyo aijo', potombihing mae apaa na anu tinanga'an-Kumo hi kota' Babel, ka' apaa na anu kahanda'mo Ku bau hi aha mian anu jojoong ikiijo'. To ana-anak nu aha suele oboamo ahi' da mambamo, ka' iwi-iwi' na mian mabuhukmo.

YEREMIA 50:9

Ku tipaha'imo na to bansa-bansa anu toto hoso-hosan lengkat mae isasu utara da nu tumbuhimo nu aha na Babel. Nu atunje nu aha na balisan montumbuhi mongewa Babel ka' mompopatundu'mo aha. Aha atina'mo na to mia-mian anu toto pande-pande na mompana' ka' hihisnyo madi' toho' panseon.

YEREMIA 51:12

Bee'i tanda de montumbuhimo pagan mesen nu Babel. Pohoson na ponjaga'an. Po una'i mian anu monjaga. Potouka na mian anu montumbuhi!” Tumpu momposidamo apaa na anu tinanga'an-Nyomo obau hi aha mian nu Babel.

YEREMIA 51:24

Tumpu notatae, “Posi sakisimo mosia na Aku uuka aiya mombalosimo Babel tiba mian anu jojoong ikiijo' ka' mule' iwi-iwi' na palabuatan ma'idek nu aha anu binaumo nu aha hi Yerusalem.

YEREMIA 51:35

O, mian anu jojoong i Sion, poto'i, “Da Babel o'amalakon nu tokai mae nu kasinggian susumo anu binaunyomo mae hi kita!” O, mian anu jojoong i Yerusalem, poto'i, “Da Babel o'amalakon nu tokai mae nu kasansala'an susumo anu pinokonanyomo mae hi kita!”

YEREMIA 51:36

Mokonyo aijo' pinoto'imo nu Tumpu hi aha mian anu jojoong i Yerusalem, “Aku montinjohimo palakala nu beleyum ka' mombalosakonmo palabuatan nu sampobali' nu beleyum anu binaumo nu aha hi beleyum. Iwi-iwi' na mata nu uee tiba kaunyo iwi-iwi' anu daagi' i Babel Ku paha otimo.

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

YOËL 3:10

Tutukmo na mata nu pajeko ka' baumo bajak, ka' piso' anu bau pongkiis potimbalimo bau ponjalo' ka' suele mian anu lupe tionyo ahi' motatae, ‘Aku timbali mamba mahampate susumo suludadu!’

YOËL 3:9

Bebakonmo na anu pinoto'imo aiya hi aha to bansa-bansa. Posadiamo na mahampate ka' osabung na butong nu belemiu! Potumbumo mae na anu toto babaani tiba to tale-talenga', posihukmo mae na suludadu iwi-iwi' ka' pahampatemo!

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

ZAKHARIA 14:12

Tumpu mompotokamo mae panyakit anu okabuhuk hi aha iwi-iwi' na bansa anu nompahampateakonmo nongewa Yerusalem. Mata tiba jila' nu aha ka' mule' songko-songko na butong nu aha mabusikmo maumo ahi' daagi' tutuu'.

ZAKHARIA 14:2

Nu posihukmo nu Tumpu iwi-iwi' na bansa da montumbuhimo Yerusalem. Kota' aijo' opatundu'mo ka' iwi-iwi' na laigannyo otololangimo ka' mule' to bou-bounenyo suele opasala'imo nu aha. Mintonga' na bagian na aha mian anu jojoong kiijo' oboamo i tampat pompojoongan, panyo labinyo na jinojoong ahi' i kota' aijo'.