YEREMIA 50:9 - KITAB NU TUMPU ALLA LELE MA'IMAI'

⁹ Ku tipaha'imo na to bansa-bansa anu toto hoso-hosan lengkat mae isasu utara da nu tumbuhimo nu aha na Babel. Nu atunje nu aha na balisan montumbuhi mongewa Babel ka' mompopatundu'mo aha. Aha atina'mo na to mia-mian anu toto pande-pande na mompana' ka' hihisnyo madi' toho' panseon.

YEREMIA 50:9 ပူးပေါင်းရင်းမြစ်များ

2 SAMUEL 1:22

Pana' i Yonatan moko ala hondo mompatei. Bajak i Saul madi' monsumbu' kalibosan mompatei sampo bali', mohopu'i anu mongewa.

NYANYIAN ANU TALASANGGO 3:8

anu monsumbu'mo mosia na mahampate. Aha iwi-iwi' nontakosmo bajak, sasadiamo mongahopi mian anu montumbuhi mae de maluannyo pihi.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 41:25

Aku nompotukamo samian anu lengkat mae i sasu kabete'an; Ilagang-Kumo na ia da montumbuhimo mae lengkat mae sasu utara. To mia-mian anu balakuasa nu pahampeja'akonmo susumo hensek, susumo mian anu lewa' mombau kuhon tano' mompahampeja'akonmo tano' ponto.

YEREMIA 15:14

Ilipu' nu mian anu isalipu'an ka' madi' nusumbu' nu aha, Ku pojadimo na aha posaihon nu to sampo-sampobali' nu aha, kalana tambuha'-Ku kinosuhu-suhutmo susumo apu anu binanggelo-gelosmo ka' madi'mo mongka'oho' mopoho'.”

YEREMIA 25:14

Iwi-iwi' na palabuatan nu aha mian nu Babel Ku balosimo; aha nu botuanimo nu to tomu-tomundo' toto daka-daka' na kakuasa'annyo ka' mule' manjoo' na to bansa-bansa anu mombotuani'.’ ”

YEREMIA 50:14

O, belemiu anu toto pande-pande na mompana'! Atunmo na balisan nu belemiu da olambanimo ka' otumbuhimo na Babel. Peletakonmo iwi-iwi' na hihis nu pana' nu belemiu mokiijo' i Babel, kalana ia binaladosa'mo hi beleng-Ku.

YEREMIA 50:21

Tumpu notataemo hi sa'angu' na bansa anu lengkat mae i utara, “Tumbuhimo na mian anu jojoong i Merataim tiba Pekod. Pateimo ka' hansunimo na aha. Sampa bau na anu pinalentahkon-Kumo. Aku, Tumpu, notataemo.”

YEREMIA 50:26

Tumbuhimo na Babel iyaya na tampat pinsoopan ka' hobo'akonmo na gudang iwi-iwi' anu ko gandumnyo! Tambunmo na santo bala-balang anu ingagoanmo susumo belemiu nontambunmo gandum! Hansunimo na lipu' aijo'! Bolimo daagi' ko anu opotuha'.

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEREMIA 50:3

Sa'angu' na bansa lengkat mae isasu utara tokamo mae montumbuhi Babel ka' mompojadimo lipu' aijo' timbali padang tampat anu kunmo. Manusia tiba binatang anu ikiijo' mopalaimo, ka' madi'mo daagi' ko anu jojoong ikiijo' mae.”

YEREMIA 51:11

Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!