YEREMIA 5:9 - KITAB NU TUMPU ALLA LELE MA'IMAI'

⁹ Apaa madi' pantasmo ahi' na Aku mohukumo bansa anu susumo aijo' ka' mombalosimo apaa na anu binaumo nu aha?

YEREMIA 5:9 ပူးပေါင်းရင်းမြစ်များ

AMSAL 6:29

Aijo' pokakanamo na bahayanyo tiba bakusinta bengkele' nu mian sangga'at. Ihe na mombau sumo aijo' madi'mo luput ihukuman.

YESAYA 1:24

Kalana aijo' Tumpu Anu Daka' na Kuasanyo, Tumpu Israel notatae, “O, mian anu monsampobali' Aku, Ku balosakonmo na idekku hi belemiu sahingga belemiu madi'mo monsusa'i Aku.

YESAYA 57:6

Jadi pantas belemiu nolimu'mo batu malonde lengkat i aijo'. Aijo'mo na bagian nu belemiu! I batu-batumo haha aijo' na pondudu'akonan nu belemiu anggur ka' monsombahkon gandum. Osangka nu belemiu Kuka'ima'i na aijo' iwi-iwi'?

YEREMIA 32:31

Salatanmo pe'e kota' aiya binau miannyo nonsaduakonmo Aku da pinusamo hondo. Aku nontantukanmo da monsilakaimo aha,

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEREMIA 5:10

Ku saimo na sampobalinyo da nu ideimo nu aha na ale' nu anggur nu aha, panyo madi' ahi' da mohopu'imo aha. Ku palentahmo na sampobali'nyo aijo' da montutu'i panga' nua anggur nu aha kalana panga'nyo haha aijo' misa' anung-Ku.

YEREMIA 5:29

Panyo, Aku, Tumpu, mohukumje aha kalana palabuatan haha aijo' iwi-iwi'; Ku balosimo na palabuatan-palabuatan nu bansa aiya.

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEREMIA 6:6

Tumpu Anu Mahakuasa nompalentahmo aha anu balakuasa haha aijo' da montaa'i kau' ka' mombau puge'nyo nu palatahanan pontumbuhian Yerusalem. Tumpu notatae, “Kota' aiya Ku hukumo kalana kiijo' i unonyo manjoo'mo hondo na nomabu palabuatan monsuka-sukai na mompalentah.

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

YEREMIA 9:9

Te misa'o konanyo na bansa susumo aiya ka' madi' Ku nabu'akon na hukuman anu memang konanyomo ahi'? Ku balosakonmo na palabuatan nu aha Aku, Tumpu, notataemo!”

MOHAANGI 3:42

“Kami binaladosa'mo ka' notomuhukmo hi Belento, O Tumpu, ka' Belento madi'mo nongampuni mae.

MOHAANGI 4:22

Sion nonta'upmo hukumannyo kalana iwi-iwi na dosa' anu binaumo nu aha; uuka aiya kami madi' ola nupojohok nu Tumpu ka' madi'mo daagi' oboa mamba i tampat pompojoongan. Panyo beleyum, o Edom, nuhukumje nu Tumpu. Iwi-iwi' na dosa' nu beleyum oponyata'mo.

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

IMAMAT 18:25

Aha nombaumo iwi-iwi' na palabuatan anu moko pahumimi' aijo', sahingga tano' nu aha tinimbalimo nahumimi'. Sahingga Tumpu nohukumo aha ka' madi'mo nompobee' aha jinojoong ikiijo' mae. Panyo belemiu boli hondo-hondo mombau palabuatan anu sumo aijo'. Belemiu iwi-iwi', mian nu Israel tiba mian anu lengkat mae i salipu'an anu tataapmo jojoong tiba belemiu, tionyo ahi' montuluti atulan ka' palentah nu Tumpu,

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

NAHUM 1:2

Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

PO'ULE' INGULIT 32:35

Tumpuje na mombalosakon ka' mohukum aha, madi'mo pin aha osilakaimo; aha osilakai madi'mo pin na tempo'nyo.

PO'ULE' INGULIT 32:43

O bansa iwi-iwi', puji' na mian anu pinalesayamo hi Tumpu, kalana Tumpu mohukum iwi-iwi' na anu mompatei aha. Ia na mombalosakon hi sampobali' nu aha panyo mongampuni dosa' nu mian anu pinalesayamo hi Ia.”