YEREMIA 5:3 - KITAB NU TUMPU ALLA LELE MA'IMAI'

³ Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 5:3 ပူးပေါင်းရင်းမြစ်များ

KAJADIAN 19:34

Dodododopnyo anak anu tumpe notataemo hi utusnyo ise', “Na' utu pihi-pihi aku noduhusmo tiba tuumanto! De saidi' malomo po'ule' mule' olanguinto na ia. Lantas beleyumo na moduhus tiba ia. Da kita toto samian mohumpak anak.”

1 TOMU-TOMUNDO' 13:33

I Tomundo' Yerobeam sabole-bole madi' mongka'oho' mombabali'i kalakuannyo anu ma'idek aijo'. Anu mongkalesang iwi-iwi' na tampat ponsomban anu binaunyomo aijo', ia sabole-bole mompile'i mian anu bau imam hi aha sa'anakan mae anu misa' lee' mae nu imam. Maumo pa'ihe asan ia mongka'oho', nuhangkatmo bau imam.

2 TOMU-TOMUNDO' 1:13

Po'ule' mule' sinai i tomundo' na samian na suludadu anu matangkas na pangkatnyo tiba aha limampulu' na to sulu-suludadu sangga'at. Suludadu anu matangkas na pangkatnyo nindakomo i bungkutnyo ka' salatan tinokamo i ahop i Elia, ia tinolodadupumo ka' notatae, “Ampuniakon mae na kami, o pos posaihon nu Tumpu Allah! Kalibosiakon mae na aku ka' iwi-iwi' sangko suludadungku aiya. Boli opatei mae na kami.

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

2 TAWARIKH 28:22

I uno nu han anu talalomo hondo sinusa' aijo', i Ahas ola mule' ahi' nompaka baladosa'mo hi Tumpu.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

MAZMUR 51:8

Belento montutut kinyonyoa anu hodi'; isi mae na kinyonyoangku nu kapandean lengkat mae hi Belento.

MAZMUR 55:20

Tumpu anu nompalentahmo salatanmo pe'e dunia, Ia na mompotombihing mae aku ka' mompatundu'mo aha. Kalana aha madi' mongka'oho' balatobat, ka' madi' mabuhuk hi Tumpu.

AMSAL 21:29

Mian anu madi' tageo' na kinyonyoanyo nu palesaya totu-totu'u na butongnyo; mian anu ma'idek na kinyonyoanyo madi' mosumbu' ma'ambang.

AMSAL 22:12

Momponyata kabaleko'an nu mian anu geguan, nu halagai nu Tumpu da ilimu' anu totu'u tataap ma'ima'.

AMSAL 23:35

Lantas beleyum motatae mo, “Ugaat aku jinagun ka'i hapa' nu mian, panyo madi'mo sinumbu-sumbu'ku pa'apaa na anu jinadimo. Ibeh, aku natatundu' mo hondo! Aku daagi' palalu po'ule' monginum!”

AMSAL 27:22

Mau pe'e odoke hoso-hoson na mian anu ponga'; madi' mingkot na kaponga'annyo.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

YESAYA 48:4

Ku sumbu' na beleyum panggaga ahi' hondo madi' hondo mohongo-hongo.

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YEREMIA 15:7

Toto sa'angu' na kota ilipu' aiya, na pongalapan-Ku anu o alin susumo haat. Maumo ahi' belemiu mian anu palesayamo hi beleng-Ku panyo Ku silakaimo na belemiu tiba to ana-anak nu belemiu kalana belemiu madi'mo mongka'oho' mongabali jalan nu kantumuu'an nu belemiu.

YEREMIA 17:23

Panyo mompolee' nu belemiu madi' mongka'oho mohongo-hongo kabai mompalahatikan apaa na anu tinaloakon-Kumo. Aha panggaga hondo ka' madi' mongka'oho' montuluti kabai opokinde'i.

YEREMIA 19:15

koongku Tumpu Anu Mahakuasa Tumpu Allah nu Israel nompoto'imo mae sumo uuka, “Kalana belemiu panggaga hondo, ka' madi' mongka'oho' mohongo-hongo, saba' taalu' Ku potokamo mae ikota' aiya ka' hi iwi-iwi' na kampung anu toto ise-ise' anu minsoop daerah aiya, sinin na balaa' anu memang pinoto'ing-Kumo.”

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 32:19

Sinin na tanga'an nu Belento opalias hondo ka' apa-apaa na anu nu bau nu Belento akabangangi hondo; Nu toa iwi-iwi'na anu nu bau nu manusia ka' mombalosakon aha sitimbang tiba palabuatan nu aha.

YEREMIA 44:10

Panyo sampe toka sinaa uuka belemiu madi' ahi' mangaku sala'. Belemiu madi'mo mae nongadati Aku ka' madi'mo tinumuu' montuluti atulan anu pinalentahkon-Kumo hi belemiu ka' hi mompolee' mae nu belemiu.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

YEREMIA 7:28

Jadi poto'i hi aha taalu' aha sa'angu' na bansa anu madi' mongka'oho' tulu-tulutan hi beleng-Ku, Aku, Tumpu Allah nu aha. Aha madi' mongka'oho' monginau' hukuman anu ingoa'anmo nu aha. Tulu-tulutan hi beleng-Ku imadi'anmo, pakalaus madi'mo daagi' binisalakon.”

YEREMIA 8:5

Panyo kadaka' na belemiu mian anu palesayamo hi beleng-Ku na sabau-baunyo ahi' palabuatan anu ma'idek ka' mohikumo mae Aku? Belemiu nontoongimo hondo-hondo ipilogot nu belemiu ka' madi'mo mae minsusule' hi beleng-Ku.

YEHEZKIEL 2:4

Aha panggaga hondo ka' mule' madi'mo mae moholomati Aku. Beleyum Ku saimo mamba hi aha da mompotokakon apaa na anu kahanda' Ku poto'i aiya, Aku, Tumpu Anu matangkas na Kuasanyo mompoto'i hi aha,

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

DANIEL 9:13

Iwi-iwi' na balaa' anu tinulismo i uno nu atulan i Musa binee'mo mae nu belento hi kami. Panyo maumo ahi' sumo aijo' o, Tumpu mami daagi' ahi' saja' kami madi' mombau anu momposanang kinyonyoa nu Belento. Kami daagi' sabole-bole madi' mongka'oho' mompala'i iwi-iwi na dosa' mami ka' madi mule' mongka'oho' mompalahatikan to panga-pangajalan nu Belento.

IMAMAT 26:23

De lapasmo na mongoa'i hukuman aijo' iwi-iwi', belemiu madi' ahi' mohongo-hongo Aku, ka' daagi' ahi' sabole-bole panggaga hi beleng-Ku,

AMOS 4:10

Ku pakatuimo panyakit anu molele hi belemiu susumo anu pinakatung-Ku nokiijo' i Mesir. To oli-olitau ka' to lalangkoyang nu belemiu pinatean-Kumo i pahampatean, ka' to aja-ajahan nu belemiu ingagoanmo. Inguna'an-Ku mo na kemah nu belemiu – tiba to maya-mayat anu nabusikmo nonsongutmo suung. Maumo sumo aijo' belemiu madi' ahi' minsusule' mae hi beleng-Ku.

AMOS 4:11

Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

AMOS 4:6

Akumo na anu mombee'i balaa' ka ohopan hi belemiu iwi-iwi' na kota' nubelemiu, panyo belemiu madi' po'ule' minsusule' mae hi beleng-Ku.

AMOS 4:8

To pia-piangkuka na kota', miannyo anu jojoong i lundengmo nu megot, aha molio uee i kota' sangga'at, panyo uee ikiijo' madi' sukup. Maumo sumo aijo', belemiu madi' ahi' minsusule' mae hi beleng-Ku.

AMOS 4:9

Ku puhakon mae na mombun mapanas ka' Ku pakatui panyakit anu mongidei anu sinu'an, ka' ale' nu anggur nu belemiu. To kau-kau' ara ka' to kau-kau' zaitun nu belemiu ningkotmo na kinaan nu kihi-kihi'. Maumo sumo aijo' belemiu madi' ahi' minsusule' mae hi beleng-Ku.

ZEFANYA 3:7

Aku bapikin, ‘Uuka aiya tantu mian-Ku anu pinalesayamo moholomatimo Aku ka' mompajulimo iwi-iwi' na pokinde'-Ku. Tantu aha monginau'mo pangajalan anu binee'-Kumo hi aha.’ Panyo taalu' aha ola mule' lebe ahi' mombau anu ma'idek lebemo molingkudui anu u'utu mae.

ROMA 2:2

Osumbu'to de Tumpu monabu'akon hukuman hi to mia-mian anu mombau hia sumo aijo', pomputusi nu Tumpu aijo' totu'u.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.