YEREMIA 5:27 - KITAB NU TUMPU ALLA LELE MA'IMAI'

²⁷ Susumo mian anu saja' mohakop tomonsi' nongisimo kalatannyo nu tomonsi' sumo aijo'mo na aha nongisi laigan nu aha nu bala-balang anu ihumpak kalana lewa' mongakali. Sumo aijo' na aha sahingga binalakuasamo ka' kinayamo.

YEREMIA 5:27 ပူးပေါင်းရင်းမြစ်များ

ANU PINOTO'I HI YOHANES 18:2

Potataenyo daka' hondo ia noloboo'mo, “Nahungku'mo! Babel anu daka' nahungku'mo! Tempo' uuka ia tinimbalimo tampat nu to setan-setan ka' roh-roh ma'idek. I unonyo daagi' ko tomonsi' anu manjoo' na ngahanannyo anu mahenyu ka' anu nuka'ideki nu mian.

MIKHA 1:12

Balaa' anu lengkat mae hi Tumpu tinokamo i ahop nu sabatan daka' nu Yerusalem! Kalana aijo' madi'bisa na mian nu aha Marot taha'iman au'aitu ko anu mae montulungi.

YEREMIA 8:5

Panyo kadaka' na belemiu mian anu palesayamo hi beleng-Ku na sabau-baunyo ahi' palabuatan anu ma'idek ka' mohikumo mae Aku? Belemiu nontoongimo hondo-hondo ipilogot nu belemiu ka' madi'mo mae minsusule' hi beleng-Ku.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

ZEFANYA 1:9

Ku hukumo na mian iwi-iwi' anu monsombah susumo mian anu madi' monsumbu' Aku, ka' anu mombuling ka' anu lewa' mompatei da bau pongalapan bau pomposukup isi nu laigan nu tuan nu aha tiba to bala-balang anu ingagoan.”

AYUB 12:6

Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

HOSEA 12:9

Kita uuka aiya kinayamo na koonyo nu aha. ‘Kita inguntungmo! Madi' ko samian pe'e na anu monsangka tukoonyo kita nohumpak kakaya'an kalana katageo'anto'.’