YEREMIA 5:26 - KITAB NU TUMPU ALLA LELE MA'IMAI'

²⁶ O mian anu palesayamo hi beleng-Ku, atina' hi belemiu daagi ko to mia-mian anu ma'idek na kinyonyoanyo. Susumo mian anu mondoyoni so'o anu pinota'annyo bau pohakop tomonsi'sumo aijo'mo na aha nonta'an so'o bau pohakop manusia.

YEREMIA 5:26 ပူးပေါင်းရင်းမြစ်များ

MAZMUR 64:5

I tampat paninsulukan nu aha, nubebakonmo mae nu aha na sisi-sisik anu madi' totu'u, aha madi' mabuhuk na lewa' mompobau-bau mian anu madi' ko sala'nyo.

AMSAL 1:11

De bisuannyo aha motatae, “Imbo', da kita molio mian ka' obandahi na ia. Imbo' da osoba-sobanto o tumbuhintomo na mian anu madi' ko sala'nyo.

YESAYA 32:7

Ka' mule' mian anu saja' mongakali mompopikilakon ka' mombau palabuatan anu ma'idek. Ia molio kapandean pa' mosia na monsilakai mian anu kasiasi nu potataenyo anu toto bale-baleko' ka' montewa' aha da madi' mohumpak hak' nu aha.

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

YEREMIA 18:22

Palentah mae da nu potolokengkeng mae nu tololang na molambani mae laigan nu aha, sahingga aha lewa'mo mahakihisan kalana mabuhukmo. Aha nongkekemo bolo' da aku manabu'mo i unonyo, ka'aha nompota'anmo so'o bau pohakop nu aha aku.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

MIKHA 6:10

I laigan nu to mia-mian anu ma'idek na palabuatannyo daagi' ko halata' anu i humpak kalana lewa' nongakali. Aha mompake takalan anu madi' totu'u, aijo' sa'angu' na palabuatan anu Ku ka'ideki. Mian anu mombau sumo aijo' Ku hukum.

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

LUKAS 5:10

Sumo aitumo mule' na to sanga-sangalu i Simon, aijo'mo i Yakobus ka' i Yohanes, to ana-anak i Zebedeus. I Yesus notatae hi Simon, “Boli mabuhuk! Mulai uuka, beleyum timbalimo pombuani' mian.”