YEREMIA 5:24 - KITAB NU TUMPU ALLA LELE MA'IMAI'

²⁴ Madi' toho' belemiu tinolotuka mongadati mae Aku, padahan Aku na nombee'i mae ujan maumo ipalatamanyo nu lonu nu ujan kabai ikamingkotannyo mo nu lonu nu ujan. Aku mule' ahi' na nombee'i belemiu lonu nu mongala isi nu ale' sataun toka sataun.

YEREMIA 5:24 ပူးပေါင်းရင်းမြစ်များ

KAJADIAN 8:22

Salatanmo pe'e dunia aiya daagi' ko tempo'nyo mosu'an, ka' mongala bua'nyo, tempo'nyo nu bakin ka' tempo'nyo nu panas, tempo'nyo nu posinaa ka' tempo'nyo nu ehua, sina ka' malom.”

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

AYUB 29:23

Iwi-iwi' na mian sanang hondo na mahongo potataengku sumomo mian topo ale' molabotmo ujan de tempo'mo nu mimbuhak na sosu'anon.

AYUB 38:37

Ihe na anu pande hondo na bapikin moko ala mombilang kundom ka' mombalikakon da tudun na ujan,

AYUB 5:10

Ia nontudunakonmo mae ujan i dunia aiya, sahingga ale' ka' padang i humpismo na dinudu'an-Nyo.

MAZMUR 147:8

Iamo na nompobi kundom aita' i langit; Iamo na nompotouka ujan pongujani tano', ka' nompotumuu' hemput i puge'nyo.

MAZMUR 65:9

Iwi-iwi' na anu jojoong i dunia aiya nabuhukmo ka' no holomatimo kalana nontoamo apa-apaa na anu binaumo nu Belento anu madi' hondo kogampanyo. Songko-songko na dunia lengkat mae i puusnyo sa'angu' toka-toka i puusnyo sa'angu', pinolame'mo nu Belento ka' lewa'mo nontaligalai.

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

YEREMIA 10:13

Ola pinalentah-Nyo binuhokanmo na uee aita' ilanga Lengkat mae ipuusnyo nu tano' pinotoka-Nyomo mae na kundom, ka' pinojadi-Nyomo na kilat pojingkalap i uno nu ujan, ka' sinai-Nyomo mae na mombun lengkat itampat pinompo una'an-Nyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.

YEREMIA 50:5

Aha molelekimo jalan mamba i Sion, lantas mambamo mompatui jalan aijo'. Aha mombaumo palajanjian anu sampe toka sidu-sidutu' tiba Aku, ka' sabole-bolemo nu toongi nu aha.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

ZAKHARIA 10:1

De tempo'nyomo nu kau' mimbuhak pompoitamo ujan hi Tumpu. Da nu posihukmo nu Tumpu na kundom anu tinumatampokmo ka' montudunakonmo ujan anu daka' hondo, sahingga iwi-iwi' na ale' molumba'mo na anu sinu'an ka' iwi-iwi' na mian sanangmo na montoa.

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

PO'ULE' INGULIT 28:12

Tumpu montudunakonje ujan de tokamo na lonunyo lengkat mae itampat pinompo'una'an-Nyo anu mabohos hondo aita'mae i langit. Ia mombalakatije iwi-iwi' apaa na anu obau nu belemiu, sahingga belemiu momposabonakonmo hi to bansa-bansa, panyo belemiu madi'mo palalu monsabon.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.