YEREMIA 5:12 - KITAB NU TUMPU ALLA LELE MA'IMAI'

¹² Mian anu palesayamo hi Tumpu nontaloakonmo han anu madi' totu'u hi Tumpu. Aha nontaloakon, “Ah, Ia madi' mule' mombau apa-apaa. Kita madi' mule' nu kona nu balaa' ka' madi' mule' monta'up pahampatean kabai kasusa'an i anu okaan.

YEREMIA 5:12 ပူးပေါင်းရင်းမြစ်များ

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

MAZMUR 10:6

Koonyo i uno nu kinyonyoanyo, “madi' ola palasuma na aku, ka' molundu-lundu na tulunannyo sumomo ahi' suele mian anu madi' mombau anu ma'idek i uno nu kantumuu'annyo.”

MAZMUR 14:1

Anu mongkapalai panyanyi. Mazmur i Daud. Mian anu ponga' motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati madi'mo ko anu mombau anu ma'ima'.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 28:4

Aku mule' momboamo mae i Yoyakhin anak momo'ane i Yoyakim tomundo' nu Yehuda tiba iwi-iwi' na mian da'isan nu Yehuda anu binoamo i Babel. Memang totu'u Ku lepo'imo na kahosonan nu Babel, Aku, Tumpu notataemo.”

YEREMIA 4:10

Lantas aku notataemo, “Tumpu Anu Matangkas na Kuasanyo, Belento nongakalimo mian nu Yehuda tiba mian anu jojoong i Yerusalem! Belento notataemo, koonto saidi' mae ko kadameanmo, padahan uuka aiya nyawa mami opateimo nu bajak.”

YEREMIA 43:1

Potuunon nu Tumpu Allah Israel, anu tionyo ahi' ku poto'i hi aha mian da'isan noko poto'ingkumo iwi-iwi'.

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEHEZKIEL 13:6

Iwi-iwi' na anu tinoamo nu aha madi' totu'u ka' mule' anu sola' nu kila-kila nu aha leko' ahi' samata-mata. Aha nongakuimo nomboamo potuunon lengkat mae hi belengku padahan Aku madi' toho' nonsai aha. Mosia na aha montaha'imani kila-kila' nu aha bisa jadi?

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

PO'ULE' INGULIT 29:19

Atina' hi belemiu anu nohongomo palentah anu maboat susumo aijo' boli ko anu bapikin tukoonyo sisi'nyo saja'mo na'ima' mau ia sabole-bole ahi' mombatuki posi pongka'oho'nyo. Han aijo' mongideimo belemiu iwi-iwi', to mia-mian anu ma'idek ka' mule' anu ma'ima'.

1 YOHANES 5:10

Kalana aijo', mian anu palesayamo hi Anak nu Tumpu nontalimamo anu sinakisian aijo' i uno nu kinyonyoanyo; panyo mian anu madi' mompalesaya Tumpu, mombata-bataimo au'aitu Tumpu baleko', kalana ia madi' palesaya apaa na anu pinoto'imo nu Tumpu mongkona Anak-Nyo.

1 SAMUEL 6:9

Opotoakon na kajalanannyo; De Peti' Palajanjian aijo'nu boa mompanjolongi posi lipu'nyo, aijo'mo kota' Bet-Semes, aijo' onyata'mo taalu' Tumpu Allah nu aha mian Israel mompotokamo mae balaa' anu daka' hondo hi kita. Panyo de loda aijo' madi' mokiijo' atina' osumbu'tomo saba balaa' aijo' misa nolengkat mae hi Tumpu Allah nu aha mian Israel, panyo nosi toka mae.”