YEREMIA 5:1 - KITAB NU TUMPU ALLA LELE MA'IMAI'

¹ O mian anu jojoong i Yerusalem, tuusakon na jalan-jalan anu atina' ikota' nu belemiu! Lio iyaya mae ka' posi sakisimo. Soba palesa itampat-tampat anu loas na popasannyo atina' ikota' pa' daagi' ko anu hodi' na kinyonyoanyo anu bala usaha tulu-tulutan hi Tumpu Allah. De daagi' na nu ampuni ahi' nu Tumpu na Yerusalem.

YEREMIA 5:1 ပူးပေါင်းရင်းမြစ်များ

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

MAZMUR 12:1

Anu mongkapalai panyanyi. Lagunyo ingala i lagu anu ko uwalu'nyo. Mazmur i Daud.

MAZMUR 14:2

Lengkat kiita' mae i suluga' Tumpu montoa mokaiyong manusia molio mian anu pande na monsombah Ia.

MAZMUR 14:3

Panyo iwi-iwi' na mian noteba'mo na jalan nu aha ka' pinalagantamo, madi'mo daagi' ko samiannyo na anu mombau anu ma'ima'.

MAZMUR 94:16

Ihe na montinjohi aku mohukum mian anu singkap palaganta? Ihe na monsangaja'i aku mongewa mian anu mombau anu ma'idek?

AMSAL 20:6

Manjoo' na mian anu mangaku butongnyo salaku sangalu panyo anu totu-totu'u tulu-tulutan, mahan na okabot.

AMSAL 23:23

Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.

AMSAL 8:3

I sohipi' nu to saba-sabatan daka', ijalan minsoop ikota', ikiijo' na potataenyo ohongomo.

NYANYIAN ANU TALASANGGO 3:2

Aku kahanda'mo nobula ka' ilumajang sinongko na kota' nolajangi iwi-iwi' na jalan daka' tiba jalan anu toto ise-ise'. Aku noliomo anu ku una' i uno nu kinyonyoangku; iliongku panyo madi' kino hasinnyo.

YESAYA 59:4

Belemiu mongkalak palakala madi' ko sababnyo apa-apaa ka' momputusi palakala madi' adin. Belemiu baleko' ka' montakabunakon anu madi' kogunanyo; belemiu ko tanga'an monsilakai mian sangga'at ka' mombau anu ma'idek.

YEREMIA 2:29

Apaa na anu madi' oka'ima'i nu belemiu hi belengku sahingga belemiu madi'mo montuluti Aku?

YEREMIA 44:15

Lantas nambamo mae hi belengku manjoo' hondo na mian, aijo'mo iwi-iwi' na to momo'ane anu nonsumbu'mo taalu' bengkele'nyo nonsombahkonmo koloban hi pilogot, ka' iwi-iwi' na to bou-boune anu tinjo-tinjo ikiijo' tibamo mian nu Israel anu jojoong i Patros, bahagian sasu salatan Mesir. Aha nompoto'imo mae hi belengku,

YEREMIA 8:6

Aku nompotombihingmo ima-ima' panyo belemiu madi' motatae mae susumo ahi' anu sahondo-hondonyo. Madi' kosamian anu atina' hi belemiu na mompele-pele'mo ipalabuatannyo ma'i-ma'idek aijo'. Madi' ko anu motatae, ‘Apaa na kasala'anku?’ Belemiu iwi-iwi' montulumo posi jalan nu belemiu susumo ajahan montumbuhimo mokiijo' ipahampatean.

YEREMIA 9:2

Uuka aiya ipadang tampat anu mateges timbali ku kabot na tampat sinso'an male' nu mian anu ilumambanan! Sahingga ku pala'imo na bansangku ka' malaimo mamba kiijo' mae da matikojo'onmo madi'mo ohani hi aha. Aha iwi-iwi' saja' mombau palabuatan anu ma'idek sa'angu' na posa'angu'an nu mian anu madi' tulu-tulutan,

YEREMIA 9:7

Kalana aijo' Tumpu Anu Mahakuasa notataemo, “Susumo logam, mian anu palesayamo hi beleng-Ku Ku uji'mo da aha madi'mo daagi' ko galo-galo'nyo. Apaa mule' na daagi' Ku bau hi aha mian anu palesayamo hi beleng-Ku nonombaumo palabuatan anu ma'idek?

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

DANIEL 12:4

Lantas malaekat aijo' notatae mule' hi belengku, “Daniel, tutupmo na kitab atina' uuka aiya ka' pokonaimo segen da tataap tatutup sampe tokamo na tempo'nyo nu kakiamatan. Manjoo' na mian anu kahanda' monsoba monselidiki apaa na anu jinadimo uuka aiya. Panyo usaha nu aha madi' kino gunanyo.”

YOËL 2:9

Aha nontumbuhimo i uno nu kota' ka' nopadeka'mo aita i pagan mesen. Aha noliba'mo i uno nu to lai-laigan; susumo anu mombuling, aha minsoopmo i tolongan.

AMOS 8:12

Mian mambamo iyaya mae lengkat pe'e i utara mokaiyong i selatan, ka' lengkat i kabete'an mokiijo' i kinsoban da mohumpak potuunon-Ku, panyo aha madi' nompahakabot.

ZAKHARIA 2:4

Malaekat anu u'uka momona notataemo hi malaekat anu ko ohu'nyo, “Lako'mo lia-lia' hi olitau aijo', ka' poto'iakon hi ia na Yerusalem po ule'mo da'isan na miannyo tiba potuu'on sahingga madi'mo bisa na po ule' obau na pagan mesennyo titikup.

LUKAS 14:21

Posaihon aijo' ninsusule' ka' nompoto'i han aijo' hi tuannyo. Tuan aijo' notambuha'mo hondo ka' notatae hi pokauhonnyo, ‘Lako' lia-lia' mokiijo' i jala-jalan ka' i panga-panga' nu jalan nu kota'. Boamae na mian kasiasi, mian anu madi' sampa'na butongnyo, mian mapisok, ka' mian lupe.’

2 TESALONIKA 2:10

Ia mompake iwi-iwi' na kapandean anu ma'idek bau pompobingong to mia-mian anu opateimo. Aha tionyo ahi' opateimo sabab madi' montalima ka' madi' mongka'ima'i lele anu totu'u lengkat mae hi Tumpu anu timbali momposalamat aha.