YEREMIA 49:3 - KITAB NU TUMPU ALLA LELE MA'IMAI'

³ O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

YEREMIA 49:3 ပူးပေါင်းရင်းမြစ်များ

2 SAMUEL 11:1

To tomu-tomundo' biasanyo mamba mahampate kakona pilondekanmo nu kau'. Tempo'nyo taun aitu kau' ni londekmo i Daud nompalentahmo i Yoab da mambamo mahampate hingga-hinggat tiba to sulu-suludadu anu matangkas na pangkatnyo ka' aha iwi-iwi' na suludadu nu Israel; lantas aha nompatundu'mo mae mian nu Amon ka' nontumbuhimo mule kota' Rama. Panyo i Daud na jinojoong ahi' i Yerusalem.

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

1 TOMU-TOMUNDO' 11:5

I Salomo nonsombahmo Asytoret pilogot boune nu bansa Sidon, ka' suele Molokh pilogot mo'ane anu nu sombah nu bansa Amon.

2 TOMU-TOMUNDO' 23:13

Ka' suele mezbah haha aijo' anu i sasu kabete'an Yerusalem, i sasu salatan Bungkutnyo nu Ka'idekan i humimi'anmo. Mezbah haha aijo' binau i Tomundo' Salomo bau ponsomban to pilo-pilogot anu mahumimi' – aijo'mo Asytoret pilogot boune bansa Sidon, Kamos pilogot nu bansa Moab, tiba Milkom pilogot nu bansa Amon.

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 14:31

Polotando'mo na humang, ka' mule' poloboo'mo momoita tulung o, belemiu kota-kota' Filistin! Tionyo ahi' belemiu iwi-iwi' kalangkabutmo ka' mule' mabuhukmo! Abu' susumomo kundom na kopuha-puha lengkat mae i sasu utara montandaimo katokaan mae nu gombuan nu suludadu nu aha sampobali'; madi' ko anu tolokondon' na kinyonyoa nu aha aijo'.

YESAYA 15:2

Aha mian anu jojoong i Dibon mindakomo mamba ipuge'nyo da humangmo itampat ponsomban pilogot. Aha mian anu jojoong i Moab talalomo susa' na kinyonyoa kalana aitu aha montando'imo kota' Nebo tiba Medeba. Kinismo nu aha na ubak tiba jangkut nu aha salaku tanda kinyonyoa talalomo hondo' sinusa'.

YESAYA 16:7

Kalana aijo' bakas da bansa Moab mompaha hahangimo. Bakas da aha tonginau' ikaanon anu to tami-tami bia-biasa nu kaan nu aha ikota' Kir-Hareset. Bakas da aha hentemo na montutugi apa-apaa ka' sola' nu bapisala.

YESAYA 23:1

Sumo uuka na potuunon mongkona Tirus. O, to mia-mian nu Spanyol anu lewa' balayan motaap indalangon toto daka-daka' haangmo! Tempo'nyo ninsusule'mo mae lengkat i Siprus pinoto'imo hi belemiu na kota' Tirus ihansunmo. Labuan nu kapan nu belemiu tiba laigan nu belemiu iwi-iwi' kahomo na'idek.

YESAYA 23:6

Hangmo, ka' palaimo mamba i Spanyol, o, belemiu mian anu jojoong isonibi nu ambai!

YEREMIA 4:8

Mokonyo aijo' haangmo ka' tando'imo pompusokmo hude kalung salaku tanda ko anumo sinilaka. Kalana tambuha' nu Tumpu anu kinosuhu-suhutmo ma'isa mule' naga'a lengkat mae i Yehuda.

YEREMIA 46:25

Tumpu Anu Mahakuasa, Tumpu Allah Israel, nompoto'imo, “Aku mohukumo Amon, pilogot lengkat mae i Tebe, tiba iwi-iwi' na Mesir ka' mule' to pilo-pilogot tiba to tomu-tomundo'nyo. Tomundo' nu aha Mesir tiba aha iwi-iwi' na mian anu nontakabunakonmo ia

YEREMIA 48:2

Moab madi'mo tinalasanggo. Sampobali' nompatundu'mo Hesybon ka' ikiijo' mae aha binala tanga'mo da ohopu'imo ingko-ingkot na bansa Moab. Ingko-ingkot na potatae ikota' Madmen otewa'mo, kalana kota' aijo' nu tumbuhimo nu suludadu.

YEREMIA 48:20

Nu taamije nu aha, ‘Moab pinatundu'mo ka' na ambangmo, kalana aijo' haangimo na ia. Bebakonmo itutuus Kaunyo nu Amon taalu' Moab ihansunmo.’ ”

YEREMIA 48:37

Aha iwi-iwi' nongkiismo ubak tiba jangkut, nombelaimo botokon ka' nompusokmo hude kalung salaku tanda sinusa'mo.

YEREMIA 48:7

O, Moab! Beleyum montakabunakon kabaanian tiba kakaya'an nu beleyum. Panyo uuka aiya beleyum opatundu'mo. Kamos, pilogot nu beleyum tiba to ima-imam nu beleyum ka' to mia-mian anu kopangkatnyo ikiijo' oboamo itampat pompojoongan.

YEREMIA 49:1

Sumo uuka na koo-Nyo nu Tumpu na aha Amon, “Kadaka' tano' nu aha tulunan nu bansa Gad ingalamo ka' jinojoonganmo nu aha to mia-mian anu monsombah Pilogot Milkom?

YEREMIA 51:8

Panyo mamanga ahi' Babel tinontuamo ka' noposo'mo. Haangimo na ia ka' lioakon pakuli' da bau pompakuli'i belanyo haha aijo', toho' pisa ia daagi' ahi' ma'alin.

YEREMIA 6:26

Tumpu notataemo hi mian anu palesayamo hi Ia, “Pusokmo na hude kalung ka' pingkaliade'mo i uno nu abu'. Oa'imo na kasusa'an ka' hangimo tala-talalo susa' susumo mian mohangi kalana ko anumo sinilaka na anaknyo anu tumpenyo, kalana anu mompatei montumbuhimo mae belemiu nu potolokengkeng mae.”

AMOS 1:15

Tomundo nu aha ka' to paga-pagawe nu pamalentahnyo oboamo i sa'angu' na tampat pompojoongan. Aku na Tumpu anu notataemo.”

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

YAKOBUS 5:1

To Utu-utus, mian anu toto kaya-kaya! Potombihing mae na pokinde'ku. Tionyo ahi' komiu humang ka' montando'i kalana kasansala'an o'oa'imo miu!

YOSUA 7:2

Tempo'nyo aitu i Yosua nompokaumo tinopia-piangkuka na mian lengkat mae i Yerikho namba i Ai, sa'angu' na kota sasu kabete'an Betel, koko Bet-Awen. Mian haha aijo' binee'anmo palentah da mamba mompalesa pa' mosia na balu-balu'nyo na da'erah aijo'. Salatan aha noko pojalanmo palentah aijo',

YOSUA 8:1

Tumpu notataemo hi Yosua, “Posihuk mae na suludadu nu beleyum iwi-iwi', ka' lako'mo tiba aha mamba i Ai. Boli hente na kinyonyoa ka' boli mabuhuk! Ku bee'mo hi belemiu na tomundo nu Ai, kalana opatundu'mo nu belemiu na aha. Layatnyo, kota'nyo, lipu' nu aha opatundu'mo nu belemiu.

YOSUA 8:28

I Yosua nompapuimo Ai ka' nompojohokmo tinimbalimo tambulan nu abu' sampe tempo' uuka aiya.