YEREMIA 48:7 - KITAB NU TUMPU ALLA LELE MA'IMAI'

⁷ O, Moab! Beleyum montakabunakon kabaanian tiba kakaya'an nu beleyum. Panyo uuka aiya beleyum opatundu'mo. Kamos, pilogot nu beleyum tiba to ima-imam nu beleyum ka' to mia-mian anu kopangkatnyo ikiijo' oboamo itampat pompojoongan.

YEREMIA 48:7 ပူးပေါင်းရင်းမြစ်များ

2 SAMUEL 5:21

Suludadu nu aha mian Filistin nopalaimo madi'mo noko ala nongala ka' nompopalaihakon patong bapilogotan nu aha haha aijo'. Patong haha aijo' ingalamo i Daud tiba suele suludadunyo nongalamo patong haha aijo'.

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

1 TOMU-TOMUNDO' 11:7

Aita i bungkutnyo sasu kabete'an Yerusalem ia nombaumo bau ponsomban Kamos pilogot nu aha mian Moab, ka' mule' bau ponsomban Molokh pilogot nu aha mian Amon – ohu-ohua' aijo' pilogot anu okabaati.

MAZMUR 40:4

Ingajan-Nyomo na aku manyanyi nyanyian anu salaje' o'ajan, nyanyian bau pompuji' Tumpunto. Manjoo' na mian nontoa ka' nabuhukmo, lantas nompalesayamo Tumpu.

MAZMUR 52:7

Panyo beleyum nu silakaimo nu Tumpu sampe toka sidu-sidutu'; beleyum ohakopmo ka' ohela'mo lengkat atina' mae ilaigan nu beleyum, ka' o'alinimo da madi'mo jojoong idunia nu mian anu tumuu'.

YEREMIA 13:25

Sumo aijo'mo na uki' nu belemiu anu tinantukan-Kumo kalana belemiu nongkolilimimo mae Aku, ka' pinalesayamo hi to pilo-pilot anu madi' totu'u.

YEREMIA 43:12

Aku momposulimo apu ilaigan nu to pilo-pilogot nu aha Mesir, ka' i tomundo' Babel mompapuimo patong iwi-iwi' nu pilogot ilaigan nu pilogot kabai momboamo ilipu'nyo. Susumo samian na polaya' nu binatang mombaso'imo baju'nyo da bolimo ko kutunyo, sumo aijo'mo na i tomundo' Babel monsapuimo sampe belesi'mo na Mesir lantas po ule' mule' mamba madi'mo daagi' ko anu molingkang ia.

YEREMIA 48:13

Moab mososonmo hi Kamos te pilogot nu aha, sumomo mian nu Israel nososonmo hi Babel anu nutakabunakon nu aha aijo'.

YEREMIA 48:46

Silakamo na Moab! Mian anu jojoong kiijo' monsombah Pilogot Kamos pinateanmo ka' to ana-anak nu aha binoamo salaku anu ihakop.

YEREMIA 49:3

O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

YEREMIA 49:4

O, belemiu anu madi' tulu-tulutan! Kadaka' belemiu nontakabunakonmo bangka'nyo haha atina' nu belemiu anu toto lumba-lumba'? Apaa na sababnyo belemiu nontaha'imanimo kakaya'an nu belemiu? Iya na jadi na belemiu montaloakon, au' aitu madi' ko samian anu baani montumbuhi belemiu?

YEREMIA 9:23

Tumpu notatae, “Mian anu pade madi' timbali buulon kalana kapandeannyo aijo' ka' mule' mian anu mahoson kalana kahosonannyo aijo' ka' mian anu kaya kalana kakaya'annyo aijo'.

HOSEA 10:13

Panyo beleyum nombaumo anu sabenannyo misa' aijo' na obau; beleyum ola nombau palabuatan anu ma'idek ka' nompadakmo palabuatan anu madi' adin. Beleyum nongkaanmo bua'nyo nu palabuatan hasin nu kabaleko'an nu beleyum.” Tumpu notatae mule', “O bansa Israel, kalana belemiu montakabunakonmo kareta haha aijo' anu opake mahampate ka' mule' konjoo'nyo nu suludadu nu belemiu,

NOMBILANGMO 21:29

Paya' na bansa Moab, belemiu silakamo! Anu monsombah Kamos, beleyum silakamo! Beleyum nupojohokmo nu Tumpu Allah nu beleyum da timbalimo anu saja' mopalai, to bou-boune nu belemiu nuhakopmo nu Tomundo Amori.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’

TO MIA-MIAN KOPIAN 11:24

Ka' tempo' uuka aiya tantu ko kahanda'mo na beleyum po'ule' mongala? Tano' anu binee'mo i Kamos, aijo'mo pilogot nu belento hi belemiu na tataap ahi' belemiu na tumpunyo. Panyo apaa na anu binee'mo nu Tumpu, Tumpu Allah mami hi kami, sabole-bole ahi' o ala mami.