YEREMIA 48:2 - KITAB NU TUMPU ALLA LELE MA'IMAI'

² Moab madi'mo tinalasanggo. Sampobali' nompatundu'mo Hesybon ka' ikiijo' mae aha binala tanga'mo da ohopu'imo ingko-ingkot na bansa Moab. Ingko-ingkot na potatae ikota' Madmen otewa'mo, kalana kota' aijo' nu tumbuhimo nu suludadu.

YEREMIA 48:2 ပူးပေါင်းရင်းမြစ်များ

YESAYA 15:1

Sumo uuka na potuunon nu Tumpu mongkona aha Moab. Kota' Ar tiba Kir ohansunimo ola oposampahu, ka' lipu' Moab timbalimo liing.

YESAYA 15:5

Aku molibosmo hi aha Moab! Mian anu jojoong ikiijo'nopalaimo namba ikota' Zoar tiba Eglat-Selisia. Daagi' ko anu nindako nontulu jalan mamba i Luhit ka' sola' humang; daagi' ko anu nalai namba i horonaim ka' sola'mo molokihis kalana tinokanmo nu balaa'.

YESAYA 16:14

Ka' uuka aiya Tumpu notataemo, “Pas daagi' totolu' nataun iwi-iwi' nakakaya'an anu nunu kabubunakaon nu Moab lanyapmo. Mian da'isan nu aha Moab timbalimo me sangkiding ka' madi'mo mahoson.”

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

YEREMIA 25:15

Tumpu, Tumpu Allah nu aha Israel, notataemo mae hi belengku, “Ala na galas nu anggur aiya anu ingisian-Kumo nu anggur tambuha'-Ku. Boamo hi iwi-iwi' na bansa pa' iya na kalambanan ponsaian-Ku beleyum mamba, ka' pokau na aha da monginum anggur aiya.

YEREMIA 25:17

Sahingga ingalang-Kumo na galas aijo' hi lima nu Tumpu dan nambamo hi sinin na bansa anu pinonsaian nu Tumpu kalambananku, lantas ingusahakonkumo da nu inum nu aha na anggur aijo'.

YEREMIA 31:36

Tumpu binalajanji'mo “De daagi' atulan nu dunia aiya ma'isa mongabali' saba' Israel suele daagi' ahi' sabole-bole tataap salaku bansa.

YEREMIA 33:24

“Pinalahatikanmo nu beleyum apaa na anu pinoto'imo nu mian mongkona aijo' Israel tiba Yehuda? Aha nontaloakonmo tukoonyo nu aha Aku nongalinmo ohu-ohua' na bansa aijo' anu pinile'an-Kumo. Mokonyo aijo' nu toa nu aha na mian anu palesayamo hi Belengku aijo' madi'mo kinokaliangan-Nyo, ka' madi'mo daagi' monganggap aha salaku sa'angu' na bansa.

YEREMIA 46:28

Jadi bolimo daagi' mabuhuk, o mian anu palesayamo hi beleng-Ku Aku tokamo mae momposalamat belemiu. To bansa-bansa, tampat pipinongga'a-gaa'takonan-Kumo belemiu iwi-iwi' Ku silakaimo, panyo belemiu na madi' ahi' sumo aijo'. Memang belemiu madi' ahi' bebas ihukuman panyo hukuman-Ku anu onabu'akon hi belemiu na adin ahi' madi' mompahasala' tiba anu tinantukanmo. Aku, Tumpu, notataemo.”

YEREMIA 48:17

O, belemiu negara-negara anu mompaha ohani Moab anu nonsumbu'mo kamajuannyo, haangimo na ia! Taloakon, ‘Moab madi'mo daagi' balakuasa, kaholomatan tiba kahosonannyo imadi'anmo!’

YEREMIA 48:42

Moab hansunmo ka' madi'mo daagi' susumo sa'angu' na bansa kalana aha binulonmo mae hi beleng-Ku.

YEREMIA 48:45

Aha mian anu nalaimo madi'mo noko ala nombau apa-apaa aha nambamo nolio paninsulukan kiijo' mae i Hesybon, panyo kota' aijo' suele ahi' pinapumo ka' laigan i Tomundo' Sihon kinaanmo nu apu. Apu nontanggotimo daerah potempasan tiba bungkutnyo nu Moab, lipu' nu to mia-mian anu mongka'ima'i mahampate.

YEREMIA 49:3

O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

YEREMIA 49:37

Ku pojadimo na aha mian nu Elam da mabuhuk hi sampobali' nu aha anu kahanda'mo mompatei aha. Aku notambuha'mo hondo hi aha ka' mohansunimo aha. Ku pokaumo na suludadu anu mamba mompahampateakon aha sampe aha mingkotmo ahi' iwi-iwi'.

NOMBILANGMO 32:37

Tulunan nu bansa Ruben po'ule'mo nombau kota Hesbon, Eleale, Kiryataim,