YEREMIA 48:12 - KITAB NU TUMPU ALLA LELE MA'IMAI'

¹² Panyo saidi' mae tokaje ahi' na tempo'nyo Ku palentahmo da Moab olambe'akonmo susumo anggur ka' tampat pinongisian opolongkangmo ka' opahamposo'akonmo.

YEREMIA 48:12 ပူးပေါင်းရင်းမြစ်များ

MAZMUR 2:9

Aha iwi-iwi' nu pato'imo nu tokon besak ka' nu biha'mo susumo kuhon tano'.’ ”

YESAYA 16:2

Aha to mia-mian nu Moab nontanda'imo isonibi nu Kaunyo Arnon ka' lewa'mo nahalajangan kalana biningongmo sumomo tomonsi' anu sinieanmo aijo' i petaanyo.

YESAYA 30:14

Belemiu mohintutumo susumo kuhon tano' anu moposo'mo ka' motatabumo, sahingga anu nohintutumo aijo' madi'mo ahi timbali opake mau ola ponsake'an mae oba aijo' itolukun kabai mau ola bau pontauk uee aijo' ibak nu uee.”

YEREMIA 14:3

To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

YEREMIA 19:10

Lapas aijo' Tumpu nompalentahmo aku da momposo'mo selekan tano' aijo' i ahop nu to mia-mian anu nombatukimo mae aku.

YEREMIA 25:34

O to pola-polaya', o to pola-polaya' nu mian anu palesayamo hi Tumpu! Haangmo hoso-hoson! Pingkaleade'mo i abu', kalana tinokamo na tempo'nyo belemiu opateimo, ka' anu madi' opatei oga'a-ga'atakonmo mamba iyaya mae. Belemiu sumomo ahi' kuhon anu mahan na olinyo nanabu'mo ka' noposo'mo.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 48:11

Tumpu notatae, “Salatanmo pe'e naipuan mae na kantumuu' nu Moab madi' ko anu nompoposia. Ma'isa toho' ia binoa itampat pinompojoongan. Ia sumomo ahi' anggur anu pinotendamo ka' madi' toho' ilambe'akon itampat nu anggur sangga'at. Anggurnyo daagi' ahi' singongohan ka' ma'ima'.

YEREMIA 48:13

Moab mososonmo hi Kamos te pilogot nu aha, sumomo mian nu Israel nososonmo hi Babel anu nutakabunakon nu aha aijo'.

YEREMIA 48:15

Moab tiba iwi-iwi' na kota'nyo ihansunanmo ka' to oli-olitaunyo toto ima-ima' hondo pinateanmo. Aku notataemo, Aku tomundo', Tumpu Anu Mahakuasa.

YEREMIA 48:38

Aita' mae isundap nu laigan iwi-iwi' ka' isongko-songko na tanah lapang me saja haang na ohongo. Kalana Moab pinoso'-Kumo susumo gumbang anu madi'mo oka'ima'i.

YEREMIA 48:8

Iwi-iwi' na kota' hansunmo, madi'mo daagi' ko sa'angu' na madi' hansun. Bangka'nyo tiba hatanyo ingko-ingkot hansunmo. Aku, Tumpu notataemo.

NAHUM 2:2

Totu-totu'u Tumpu po'ule'mo mompokopiani Israel da timbali po'ule' ma'ima' susumo u'utu mae tempo'nyo ma'isa pe'e binulingan nu sampo bali'.)