YEREMIA 47:5 - KITAB NU TUMPU ALLA LELE MA'IMAI'

⁵ Aha mian nu Gaza tinokanmo nu kasusa'an anu daka' hondo; mian anu jojoong i Askelon nomohokotmo. Sampe toka hipian na kopinnyo na aha mian nu Filistin anu daagi' tinontuha' me saja' susa' na kinyonyoanyo?

YEREMIA 47:5 ပူးပေါင်းရင်းမြစ်များ

1 TOMU-TOMUNDO' 18:28

Nabi haha aijo' binalado'a lebe mule' pinohoson nu aha. Ka' susumo anu saja'mo nu bau nu aha, butong nu aha binoyo-boyotmo nu aha nu bajak kabai talombo', sahingga bi baso'onmo.

YESAYA 15:2

Aha mian anu jojoong i Dibon mindakomo mamba ipuge'nyo da humangmo itampat ponsomban pilogot. Aha mian anu jojoong i Moab talalomo susa' na kinyonyoa kalana aitu aha montando'imo kota' Nebo tiba Medeba. Kinismo nu aha na ubak tiba jangkut nu aha salaku tanda kinyonyoa talalomo hondo' sinusa'.

YEREMIA 16:1

Tumpu po ule' mule' mae notatae hi belengku, Ia notatae,

YEREMIA 16:6

Mian anu kaya tiba mian anu kasiasi ilipu' aiya saidi' mae de silakamo madi'mo daagi' ko anu molamun aha. Madi'mo daagi' kosamian anu monsakisa butongnyo kabai mongkis ubaknyo salaku tanda susa' kalana ko anumo sinilaka na aha.

YEREMIA 41:5

tinokamo mae na mian aha ualumpulu' lengkat mae i Sikhem, Silo, tiba Samaria. Aha nongkiismo mae jangkut nu aha, nonggea-geatmo mae baju nu aha ka' nongkudulimo mae butong nu aha. Aha nomboa mae gandum tiba kamangian da osombahkon i Laigan nu Tumpu.

YEREMIA 47:1

Ma'isa pe'e itomundo' nu Mesir nontumbuhi Gaza, Tumpu nompoto'imo mae hi belengku apaa na jadi saidi' mae hi lipu' nu Filistin.

YEREMIA 47:4

Tinokamo na tempo'nyo bansa Filistin osilakaimo ingko-ingkot sahingga Tirus tiba Sidon madi'mo daagi' ko anu montulungi. Aku, Tumpu, monsilakaimo iwi-iwi' na aha mian nu Filistin anu daagi' tinontuha' lengkat mae i Kreta.

YEREMIA 48:37

Aha iwi-iwi' nongkiismo ubak tiba jangkut, nombelaimo botokon ka' nompusokmo hude kalung salaku tanda sinusa'mo.

YEHEZKIEL 25:16

Kalana aijo' Ku bebakonmo taalu' Aku montumbuhimo aha to mia-mian nu Filistin ka' mule' mompateimo aha. Iwi-iwi' na mian anu daagi' tinontuha' i sonibi nu bone' daerah nu aha Filistin Ku pateimo.

YEHEZKIEL 7:18

Aha mompusokmo hude kalung ka' songko-songko nu aha langkakatanmo. Ubak nu aha singkapmo okiismo ka' mule' aha opopo ambangmo.

IMAMAT 19:28

Boli momboyo-boyot kilit nu belemiu kahanda' bau pontandai kabai mombelai butong nu belemiu salaku tanda sinusa'mo kalana ko anumo sinilaka. Akumo na Tumpu.

IMAMAT 21:5

Samian na imam madi' timbali mongkis sambagian na ubaknyo ka' madi' timbali monggunting jangkutnyo kabai momboyo-boyot butongnyo nu balang anu matajom bau pompotoa saba' ia hau-haunyo susa' kalana ko anumo sinilaka.

MIKHA 1:16

O, mian nu aha Yehuda guntingimo na ubak nu belemiu da bau salaku tanda saba' to ana-anak nu belemiu anu okalibosi hondo nu belemiu silakamo. Kiismo na ubak nu belemiu sampe longkung susumo tomonsi' anu pangkaan bangke' nu binatang kalana to ana-anak nu belemiu oboamo itampat anu bau pompojoongan aha.

MARKUS 5:5

Sinaa ka' pihi ia mahalajangan i kubulan ka' i to bungku bungkutnyo, maha-maha poloboo'an ka' mombelai butongnyo nu batu.

PO'ULE' INGULIT 14:1

“Belemiu mian anu pinalesayamo hi Tumpu Allah nu belemiu. Jadi de belemiu ko anumo sinilaka, ka' mombaumo adatnyo kona hi mian anu sinilakamo, boli mombelai butong miu kabai mongkis siakan nu belemiu susumo anu nubau nu aha bansa sangga'at.

TO MIA-MIAN KOPIAN 1:18

Tumpu nontulungimo aha mian nu Yehuda sahingga aha noko alamo nompatundu' da'erah anu i bungkutnyo. Panyo aha madi' noko ala nompatundu' Gaza, Askelon kabai Ekron, tiba da'erahnyo iwi-iwi' anu ikiijo', kalana bansa haha aijo' jojoong iwi-iwi' i sonibi nu bone' ko kareta bau pahampate besak na binau; kalana aijo' aha mian nu Yehuda madi' noko ala nolaa' aha.