YEREMIA 45:4 - KITAB NU TUMPU ALLA LELE MA'IMAI'

⁴ O Barukh! Aku, Tumpu hau-haunyomo mohobo'akon anu pinotinjong-Kumo ka' mule' hau-haunyomo monggautakon anu sinu'an-Kumo. Songko-songko na dunia Ku baumo susumo aijo'.

YEREMIA 45:4 ပူးပေါင်းရင်းမြစ်များ

ANU MOMPOLELE POTATAE NU TUMPU 3:3

tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

YEREMIA 1:10

Sinaa aiya Ku bee'mo hi beleyum na kusa da mongkuasai bansa-bansa tiba kalaja'an-kalaja'an – kuasa da timbali montua'akon ka' timbali mohobo'akon, da timbali mompobahangkang ka' da timbali monsilakai, da timbali mompotinjo, ka'da timbali monsu'an.”

YEREMIA 11:17

Akumo na nompotinjo Israel tiba Yehuda, Aku, Tumpu Anu Mahakuasa. Panyo uuka aiya Aku ko kahanda'mo mompotoka mae balaa' hi aha. Posi ahamo ahi' iwi-iwi' na nonsaduakon aijo', kalana aha nombaumo palabuatan anu ma'idek, aijo'mo nonsombahkonmo koloban hi Baal sahingga Aku pinusamo.”

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

MOHAANGI 2:6

Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

HOSEA 2:14

Tumpu notataemo, “Kalana aijo' Aku momboamo ia mamba i padang mateges; ikiijo' mae ia Ku hase'je nu potatae sindua'an.

PO'ULE' INGULIT 28:63

Susumo Tumpu sanang na mombee'i kabilahian hi belemiu ka' montuangi da belemiu manjoo', Ia mule' sanang na monsilakai ka' mohopu'i belemiu. Belemiu po'ule' mule' osabatakon i lipu' anu madi'mo pin kajojoonganmo nu belemiu.