YEREMIA 45:3 - KITAB NU TUMPU ALLA LELE MA'IMAI'

³ beleyum notusa'mo sumo uuka, ‘Beh memang aku aiya sinoe'mo hondo! Kasusa'anku aiya nanjoo'mo hondo ka' pinaka tuangan mule' nu Tumpu nu kasansala'an. Aku nalawemo hondo na sola' motusa', madi'mo daagi' ko kasanangan nu kinyonyoa!’

YEREMIA 45:3 ပူးပေါင်းရင်းမြစ်များ

MAZMUR 120:5

Silakamo na aha kalana tumuu'mo hingga-hinggat tiba beleyum; madi' sala' sumomo ahi' jinojoong i Mesekh, kabai hi aha mian nu Kedar.

MAZMUR 27:13

Aku palesaya hondo totu-totu'u saidi' mae mongoa'ije kanonongan nu Tumpu i uno nu kantumuu'anku i dunia aiya.

MAZMUR 42:7

Itano' pinomboan mae aiya kinyonyoangku nohintutumo hondo, kalana aijo' aku tinonginau'mo hi Tumpu. Santuu'ku na'anjumo isolok nu kasusa'an aku inganjuhakonmo nuiaba' mompokalangkabut; sumomo ahi' buhok nu uee Kaunyo nu Yordan itampat anu masolok lengkat mae i bungkutnyo nu Hermon tiba Bungkutnyo nu Mizar.

MAZMUR 6:6

Kalana de silakamo madi'mo o'inau' na Belento; madi' ko anu mompuji' Belento i dunia nu mian anu sinilakamo.

MAZMUR 6:7

Aku talalomo hondo nalawe kalana saja'mo notusa' sampahu-pahu na lolu'ku jumuju mohumpisi kahoyotanku.

MAZMUR 69:3

Aku tinopolosmo i tampalang anu maleeng hondo, madi'mo kinopanimpeja'an. Aku tinonu'mo i uee anu maleeng hondo, inganjuhakonmo nu ambai anu binundokmo.

AMSAL 24:10

De beleyum madi' sabaan i uno nu ka'ada'an anu susa'mo hondo saba' beleyum mian anu madi' moko ala mombau apa-apaa.

YEREMIA 45:2

na potatae nu Tumpu, Tumpu Allah Israel. Tumpu notatae, “O Barukh,

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

MOHAANGI 1:13

Lengkat mae i langit tinudunakon-Nyomo mae na apu nompapui toka-toka' i uno nu butongku. Pinokona-Nyo na so'o i ahopku, sahingga aku kinonanyomo ka' notua'mo. Lantas pinojohoknyomo na aku ola sausa'ku, na nongoa'i sansala kopinnyo sansina-sinaa.

MOHAANGI 1:22

Palahatikan iwi-iwi' na ka'idekan nu aha haha aijo', ka' baumo na aha susumo belento nombaumo aku, kalana iwi-iwi' na dosa' anu binaungkumo hi belento, Tina upkumo na kasansala'an kinyonyoangku sinusa'mo ka' butongku ko page-pagesuknyomo.”

MOHAANGI 3:32

Salatan ia nombee'imo mae kasansala'an ia mule' nolibosmo ahi', kalana ia tataap mongkalibosi kita tiba liibos anu madi' ko kahimpusannyo.

2 KORINTUS 4:1

Kami nombau kalaja aiya kalana kanonongan nu Tumpu. Mokonyo aijo' kami madi' ma'osa.

2 KORINTUS 4:16

Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou.

GALATIA 6:9

Kalana aijo', boli kita ma'osa na mombau hahan anu ma'ima', kalana de kita madi' belenti, na mombau hahan aijo', kita mohumpakje hasinnyo.

2 TESALONIKA 3:13

Panyo komiu boli ma'osa na mombau anu ma'ima'.