YEREMIA 43:3 - KITAB NU TUMPU ALLA LELE MA'IMAI'

³ I Barukh anak i Neria aijo'mo ia na pagala nonsale'i beleyum da boli montuluti kami da mian nu Babel mongkuasaimo kami ka' mompateimo kabai momboamo kami i Babel.”

YEREMIA 43:3 ပူးပေါင်းရင်းမြစ်များ

MAZMUR 109:4

Aha montuuk mae aku mau mule' aku mongkalibosi aha, ka' nondo'akonmo aha.

YEREMIA 32:12

Ka' ohu-ohua' na sulat aijo' binee'kumo hi Barukh anak i Neria makumpu i Mahseya. Aku nombee' aijo' i ahop i Hanameel tiba sakisi-sakisi anu nontandatanganimo sulat haha aijo' ka' i ahop nu to mia-mian anu sika-sika suhang ipopasan aijo'.

YEREMIA 36:10

Lantas binasa'akonmo i Barukh na kitab anu ilulun aijo' iwi-iwi' na anu kiijo' ikitab apaa na anu pinoto'ingkumo ka' iwi-iwi' na mian nohongomo. Nombasa' aijo' binau kiijo' i uno nu Laigan nu Tumpu ikantoon i Gemarya anak i Salum julutulis nu negara. Kantoon aijo' binau ipopasan sasu aita' mae, koko jalan pinsoopan i Sabatan Daka' Bu'ou kiijo' i Laigan nu Tumpu.

YEREMIA 36:26

Itomundo' ola mule' ahi' nompalentah anaknyo momo'ane, aijo'mo i Yerahmeel tiba i Seraya anak i Azriel tiba i Salemya anak i Abdeel da mohakop aku tiba i Barukh julutulisku. Panyo kami pinosulukmo nu Tumpu.

YEREMIA 36:4

Kalana aijo' ilagangkumo na i Barukh anak i Neria ka' nonsisikmo hi ia iwi-iwi' na anu pinoto'imo nu Tumpu hi belengku. Sahingga tinulismo i Barukh iwi-iwi' ikitab anu ilulun aijo'.

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

YEREMIA 43:6

To momo'ane, to bou-boune, to ana-anak, ka' to lalangkoyang anak nu tomundo' anu binee'mo i Nebukadnezar da nu jagai i Gedalya tibamo aku ka' i Barukh, iwi-iwi' binoamo i Mesir.

LUKAS 6:26

Silaka na komiu de iwi-iwi' mompuji' belemiu; kalana sumo aitu suele na mompolee' nu aha nompuji'mo to nabi-nabi anu baleko' tempo'nyo u'utu mae.”