YEREMIA 43:2 - KITAB NU TUMPU ALLA LELE MA'IMAI'

² Lantas i Azarya anak i Hosaya ka i Yohanan anak i Kareah tiba iwi-iwi' na mian sangga'at anu singkap buulon aijo' notataemo mae hi belengku, “Beleyum baleko'. Tumpu Allah mami madi' nompalentah beleyum da montewa' kami boli mamba jojoong i Mesir.

YEREMIA 43:2 ပူးပေါင်းရင်းမြစ်များ

KAJADIAN 19:14

Lantas i Lot nambamo nompahakabot ua'aha na dohoi nu anaknyo, anu ua'aha aijo', ka' nompoto'i, “Sampamo posabatpala'imo na tampat aiya, kalana nuhopu'imo nu Tumpu.” Panyo aha nonsangka i Lot ola basedu'.

2 TAWARIKH 36:13

I tomundo Nebukadnezar nompakisamo i Zedekia da basumpa'mo i uno nu sanggo nu Tumpu Allah tukoonyo da ia tulu-tulutanmo hi Nebukadnezar. Panyo mamanga ahi i Zedekia notomuhukmo hi Nebukadnezar. I Zedekia pinanggagamo hi Tumpu, Tumpu Allah Israel. Ia madi'mo mongka'oho' mompala'i dosa'nyo ka' madi'mo poule' palesaya hi Tumpu.

MAZMUR 119:21

Belento mompisala'i mian anu kobubuun ka' mongkutuki mian anu mosele madi'mo montuluti palentah nu Belento.

MAZMUR 12:3

Aha iwi-iwi' nompaha bale-baleko'imo, nompaha aka-akalimo nu potatae anu toto ima-ima'.

MAZMUR 123:4

Sinukupmo na kami lewa' okokojoi nu mian anu kaya, ka' lewa oletakon nu to mia-mian anu buulon.

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

NOSABATMO 9:17

Mau mule' sumo aijo', belento daagi' ahi' kobubuun ka' madi' mongka'oho' mompobee' mian anu pinalesayamo hi beleng-Ku mamba.

AMSAL 16:5

Iwi-iwi' na mian anu takabun nu ka'ideki nu Tumpu; Ian madi' mompojohok aha da madi' ohukum.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

AMSAL 8:13

Mongadati Tumpu alati'nyo mongka'ideki palabuatan anu ma'idek. Aku madi' mongka'ima'i anu ko bubun ka' anu mosi akui butongnyo. Aku mongka'ideki kalakuan anu ma'idek ka' mule' potatae anu mongakali.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

YESAYA 9:8

Iwi-iwi' na bansa Israel tiba anu jojoong i Samaria saidi' mae monsumbu'je taalu' Tumpu ahi' na mombau aijo'. Uuka aiya aha binulonmo ka' kinobubuunmo. Aha notatae,

YEREMIA 13:15

O mian nu Israel, Tumpu notataemo! Boli buulon potombihing na Ia!

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 40:8

Sahingga i Ismael anak i Netanya, i Yohanan anak i Kareah, i Seraya anak i Tanhumet, tiba to ana-anak i Efai lengkat mae i Netofa ka' mule' i Yezanya lengkat mae i Maakha nambamo tiba to mia-mian nu aha hi Gedalya kiijo' i Mizpa.

YEREMIA 41:16

Lapas aijo' i Yohanan tiba to sulu-suludadunyo anu toto tangka-tangkas na pangkatnyo nomposihukmo to sulu-suludadunyo, boune, to ana-anak tiba to paga-pagawe nu laigan nu tomundo' anu ihakop ka' binoa mae i Ismael salatan pinoko pateannyomo na i Gedalya.

YEREMIA 42:1

Ilapas na aijo' iwi-iwi' na mian, anu tu'amo tiba anu daagi' anak tiba to sulu-suludadu anu toto tangka-tangkas na pangkatnyo, tibamo suele i Yohanan anak i Kareah tiba Azarya anak i Hosaya tinokamo mae

YEREMIA 42:20

aijo'mo belemiu nombaumo sa'angu' na kasala'an daka'. Pinoita nu belemiu da aku balado'a hi Tumpu Allah-nto guna belemiu, ka' belemiu binalajanji'mo montulutimo iwi-iwi' na anu pinoto'imo nu Tumpu.

YEREMIA 42:5

Aha notataemo mae hi belengku, “Opoita mami da kita Tuuma balado'amo hi Tumpu Allah-nto, kalana kami montulutimo Ia, da kantumuu'an mami jadimo ma'ima'. Jadi, ma'ima' kabai ma'idek na anu nu poto'i nu Tumpu aijo', otulutimo mami. Tumpumo ahi' na timbali sakisi anu madi' tageo' ka' madi' mongkolilimi mae kami de maluanyo kami madi' montuluti iwi-iwi' na palentah anu binee'mo nu Tumpu hi kami nunu poto'i mae nu belento Tuuma.”

YEREMIA 43:1

Potuunon nu Tumpu Allah Israel, anu tionyo ahi' ku poto'i hi aha mian da'isan noko poto'ingkumo iwi-iwi'.

YEREMIA 44:16

“Kami madi'mo mongka'oho' mohongo apaa anu nu poto'i mae nu beleyum hi kami atas sanggo nu Tumpu.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”