YEREMIA 42:5 - KITAB NU TUMPU ALLA LELE MA'IMAI'

^5-6 Aha notataemo mae hi belengku, “Opoita mami da kita Tuuma balado'amo hi Tumpu Allah-nto, kalana kami montulutimo Ia, da kantumuu'an mami jadimo ma'ima'. Jadi, ma'ima' kabai ma'idek na anu nu poto'i nu Tumpu aijo', otulutimo mami. Tumpumo ahi' na timbali sakisi anu madi' tageo' ka' madi' mongkolilimi mae kami de maluanyo kami madi' montuluti iwi-iwi' na palentah anu binee'mo nu Tumpu hi kami nunu poto'i mae nu belento Tuuma.”

YEREMIA 42:5 ပူးပေါင်းရင်းမြစ်များ

KAJADIAN 31:50

I Laban po'ule 'mule' notatae, “De beleyum mombau anu ma'idek hi to ana-anakku kabai mongosoai to bou-boune sangga'at, mau mule' madi' ko anu monsumbu', o inau', Tumpu Allah na monjagai mae kita.

NOSABATMO 20:19

Aha notataemo hi Musa, “Beleyumo na motatae mae hi kami, kami mohongoje; panyo boli Tumpu Allah na motatae mae hi kami dumo kami mate.”

NOSABATMO 20:7

Boli ola bau kasanggoan na sanggong-Ku, kalana Aku, Tumpu Allah nu belemiu, mohukum mau mule' pa' ihe na anu mombia-biangakon sanggong-Ku.

YEREMIA 42:20

aijo'mo belemiu nombaumo sa'angu' na kasala'an daka'. Pinoita nu belemiu da aku balado'a hi Tumpu Allah-nto guna belemiu, ka' belemiu binalajanji'mo montulutimo iwi-iwi' na anu pinoto'imo nu Tumpu.

YEREMIA 43:2

Lantas i Azarya anak i Hosaya ka i Yohanan anak i Kareah tiba iwi-iwi' na mian sangga'at anu singkap buulon aijo' notataemo mae hi belengku, “Beleyum baleko'. Tumpu Allah mami madi' nompalentah beleyum da montewa' kami boli mamba jojoong i Mesir.

YEREMIA 43:4

Mau i Yohanan kabai iwi-iwi' na suludadu tiba mian da'isan madi'mo nontuluti palentah nu Tumpu da jojoongmo ahi' i Yehuda.

YEREMIA 5:2

Belemiu natataemo, koonyo nu belemiu nonsombahmo Tumpu pada hal tanga'an nu belemiu na madi' ahi' sumo aijo'.

MIKHA 1:2

Potombihing mae o bansa-bansa! Opalahatikan belemiu mian anu jojoong i songko-songko na dunia! Tumpu Anu Matangkas na kuasanyo tokamo mae susumo sakisi mongahopimo belemiu iwi-iwi'! Potombihing na Ia motataemo lengkat mae i Laigan-Nyo anu susi' kiita i suluga'.

MALEAKHI 2:14

Belemiu nompokilawamo kadaka' Ia madi'mo nontalima. Kalana sinumbu'mo nu Tumpu na belemiu madi' mompalakai ima-ima' boune anu inika'anmo nu belemiu daagi tempo'nyo olitau na belemiu. Boune aijo' sangalu nu belemiu i uno nu kantumuu'nu belemiu, panyo belemiu nongkabisa'imo ia, maumo ahi' ia aijo' i ahop nu Tumpu jinanji'mo nu belemiu sabole-bole ahi' tataap montuluti Ia.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

ANU PINOTO'I HI YOHANES 3:14

“Toka hi malaikat anu kiijo' hi jama'at nu Laodikia; tulismo sumo uuka: Aiyamo na potuunon lengkat mae hi Sang, Amin, sakisi anu mohongo-hongo ka' anu totu'u, pinolengkatan mae nu iwi-iwi' apaa anu pinotimbalimo nu Tumpu.

TO MIA-MIAN KOPIAN 11:10

Tinaaman nu aha, “Kami mongka'oho'mo. Tumpu na timbali sakisi.”

1 SAMUEL 12:5

Lantas notataemo na i Samuel, “Sinaa uuka aiya Tumpu ka' tomundo' anu pinile'an-Nyomo na timbali sakisi saba' aku memang madi' ko kasala'an maumo ola ise-ise'.” “Memang totu'u Tumpu na bau sakisinto,” tinaaman nu aha.

1 SAMUEL 20:42

Lapas aijo' notataemo na i Yonatan hi Daud, “O'amalakon da Tumpu Allah montulungi beleyum. Tumpu saja' mombee'i kahosonan kita tiba lee'to da saja' montoongi palajanjian nu kita ohua' i ahop nu Tumpu Allah.” Lapas aijo' nambamo na i Daud, ka' i Yonatan suele ninsusule'mo i kota.