YEREMIA 42:2 - KITAB NU TUMPU ALLA LELE MA'IMAI'

² hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

YEREMIA 42:2 ပူးပေါင်းရင်းမြစ်များ

1 TOMU-TOMUNDO' 13:6

Lantas notataemo na i Tomundo' Yerobeam hi nabi aijo', “Tulungiakon mae do'akon hi Tumpu Allah nu beleyum na aku. Poitakon da Nu kalibosi mae ka' mompo'alinakonmo limangku!” Nabi aijo' nondo'akonmo hi Tumpu, lantas na'alinmo na lima i tomundo'.

MAZMUR 119:170

De timbali da potataengku mongkakase aiya toka hi Belento, posalamatakon mae na aku susumo anu jinanji'mo nu Belento.

NOSABATMO 8:28

I tomundo notataemo, “Ma'ima'mo, ku pobee'mo na belemiu mamba i padang bolaa monsombahkon koloban hi Tumpu, Tumpu Allah nu belemiu, asan belemiu boli mamba majo'on. O'inau do'akon mae na aku!”

NOSABATMO 9:28

Balado'amo hi Tumpu; kami sinampemo na nongoa'i sansala kalana gohung ka' ujan eis aiya. Ku pobee'mo na belemiu mamba. Bolimo belemiu jojoong i aiya.”

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

YESAYA 42:20

O, Israel, manjoo'mo na anu tinoa nu beleyum panyo madi' nu palahatikan, bihing nu beleyum tabuka' panyo madi' beleyum mohongo.”

YEREMIA 15:11

O Tumpu de aku madi' ahi' nompojalan pakalaja'anku na'i-na'ima' ka' madi' ahi' nontinjohi sampobali' i ahop nu Belento tempo'nyo aha nohumpakmo balaa' ka' kasusa'an, yo bakasmo da pinongkutuki mae nu mian haha aijo' totu-totu'u jadimo mae. (

YEREMIA 2:27

Belemiu saidi' me opopo ambangmo kalana sangkolong na kau' olaga nu belemiu na tuuma, ka' sa'angu' na batu olaga nu belemiu na tina. Belemiu madi' ahi' toka mae hi belengku, panyo ola mule' ahi' mompala'i Aku. Panyo de tokamo na tempo' nu kasusa'an, Akumo ahi' na olaga nu belemiu da tokamae momposalamat belemiu.

YEREMIA 21:2

“Pompoita pokinde' hi Tumpu guna kapentinganto, kalana i Nebukadnezar tomundo' nu aha Babel tibamo suludadunyo hau-haunyomo mae montumbuhi kota'to. Ihe na monsumbu' pa' Tumpu timbali mombau mae hi kita han anu okabangangi ka' mompakisa i Nebukadnezar po ule' mompalentah suludadunyo minsusule'.”

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEREMIA 37:20

Uuka aiya belento Tomundo' anu talasanggo, de timbali sanang pe'e mae na mohongo apaa na anu ku kakase aiya. Bolimo mae belento Tomundo' moki boa aku minsusule' italungku' i laigan i Yonatan kiijo' mae, dumo aku matemo kiijo' mae.”

YEREMIA 37:3

I Tomundo' Zedekia nompokaumo i Yukhal anak i Salemya, tiba i Imam Zepanya anak i Maaseya da momoita aku balado'a hi Tumpu bau kapentingan nu bansa.

YEREMIA 38:14

Daagi' kinosansinaan sangga'at, i Tomundo' Zedekia nompalentahmo mian da momboa aku mangadap hi ia i sabatan daka' anu ko totolu'nyo i Laigan nu Tumpu. Ia notataemo mae hi belengku, “Aku mompokilawamo hi beleyum ka' beleyum tionyo ahi' montaami mae nu pontaami anu sahondo-hondonyo. Boli ko anu opohowini.”

YEREMIA 40:15

Lantas pinohowinimo i Yohanan na nompoto'i hi Gedalya, “Sahanyo mambamo ku patei na i Ismael; madi' ko anu monsumbu' pa' ihe na nompatei. Kadaka' ia opopilayamo mompatei beleyum? Aijo' timbali mongahenakon iwi-iwi' na mian nu Yehuda anu sinihukmo i aiya hi beleyum, moga'a-ga'atmo mule', ka' mule' han aijo' mo mohansunimo ingko-ingkot na mian da'isan anu daagi' tinontuha' i Yehuda.”

YEREMIA 42:20

aijo'mo belemiu nombaumo sa'angu' na kasala'an daka'. Pinoita nu belemiu da aku balado'a hi Tumpu Allah-nto guna belemiu, ka' belemiu binalajanji'mo montulutimo iwi-iwi' na anu pinoto'imo nu Tumpu.

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

YEHEZKIEL 12:16

Ola sangkiding na bagian na aha aijo' na Ku posalamat da madi' silaka i uno nu pahampatean, kabai silaka nu ohop, ka' panyakit anu molele, da kiijo' mae hi aha bansa-bansa nu mian anu isalipu'an aijo' aha sinsumbu'je taalu' aha nombaumo anu mahumimi' hondo. Sahingga aha mongakuije taalu' Akumo ahi' na Tumpu.”

HOSEA 8:10

Maumo sumo aijo' Ku posihukje na aha ka' obee'i hukuman. Madi'mo daagi pin aha monguntukakonmo sakit de aha nu palentahmo i tomundo' Asyur.

IMAMAT 26:22

Ku potokamo mae na to bina-binatang anu mahangas atina' hi belemiu. Binatang haha aijo' monsa'umo to ana-anak nu belemiu, mompateimo potuu'on nu belemiu, ka' mohopu'imo belemiu, sahingga konjoo'nyo nu belemiu memo sangkiding hondo ka' to jala-jalan i lipu' nu belemiu liingmo.

AMOS 7:2

Kihi-kihi' haha aijo' boli' nongkaanmo iwi-iwi' na anu sinu'an i tano'. Lantas aku notatae, “Tumpu Anu Matangkas na Kuasanyo, ampuniakon na mian anu palesayamo hi Belento Aha talalo ise' ka' lupe, mosia na timbali aha moko ala montahan?”

MATIUS 24:22

De Tumpu madi' mompokodo' tempo'nyo; saba' madi' ko samian pe'e anu salamat. Panyo kalana mian, anu palesayamo hi Ia Tumpu, nompokodo'mo tempo'nyo aijo'.

SISIKON NU TO RASUL-RASUL 8:24

Lantas i Simon notatae hi Petrus ka' hi Yohanes, “Tulungi pe'e poitakon hi Tumpu da madi' ko sa'angu' pe'e na anu tinaloakonmo nu to utu-utus aijo' jadi hi belengku.”

PO'ULE' INGULIT 28:62

Mau mule' konjoo'nyo nu belemiu sumomo mandala' aita' i langit, me sangkiding na anu atina' hi belemiu na daagi' tumuu', kalana belemiu madi' tulu-tulutan hi Tumpu Allah nu belemiu.

PO'ULE' INGULIT 28:63

Susumo Tumpu sanang na mombee'i kabilahian hi belemiu ka' montuangi da belemiu manjoo', Ia mule' sanang na monsilakai ka' mohopu'i belemiu. Belemiu po'ule' mule' osabatakon i lipu' anu madi'mo pin kajojoonganmo nu belemiu.

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

1 SAMUEL 12:19

Lantas notataemo na aha hi Samuel, “Tulungi mae kita Tuuma, do'akon mae na kami aiya hi Tumpu Allah nu belento da kami madi' silaka. Uuka aiya sinumbu'mo mami taalu' kami po'ule'mo nombau dosa susumo dosa' mami naipuan mae kalana nompoitamo samian na tomundo'.”

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.

1 SAMUEL 7:8

Aha notataemo hi Samuel, “Sabole-bole pe'e mae balado'a hi Tumpu Allah-nto da kita nu posalamat boli nu poposia nu aha mian Filistin.”