YEREMIA 42:1 - KITAB NU TUMPU ALLA LELE MA'IMAI'

¹ Ilapas na aijo' iwi-iwi' na mian, anu tu'amo tiba anu daagi' anak tiba to sulu-suludadu anu toto tangka-tangkas na pangkatnyo, tibamo suele i Yohanan anak i Kareah tiba Azarya anak i Hosaya tinokamo mae

YEREMIA 42:1 ပူးပေါင်းရင်းမြစ်များ

2 TOMU-TOMUNDO' 25:23

Salatan to sulu-suludadu anu toto tangka-tangkas na pangkatnyo ka' to sulu-suludadu biasa nu Yehuda anu madi' tinunduk' hi Babel nohongomo i Gedalya i hangkatmo, aha iwi-iwi' tinokamo hi Gedalya i Mizpa. Suludadu anu toto tangka-tangkas na pangkatnyo aijo'mo i Ismael anak i Netanya, i Yohanan anak i Kareah, i Seraya anak i Tanhumet mian anu lengkat mae i kota' Netofa, ka' i Yazanya mian anu lengkat mae i kota' Maakha.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

YEREMIA 37:3

I Tomundo' Zedekia nompokaumo i Yukhal anak i Salemya, tiba i Imam Zepanya anak i Maaseya da momoita aku balado'a hi Tumpu bau kapentingan nu bansa.

YEREMIA 40:13

Lapas aijo', i Yohanan tiba to sulu-suludadu anu madi' tina aluk hi sampobali tinokamo mae hi Gedalya kiijo' i Mizpa

YEREMIA 40:8

Sahingga i Ismael anak i Netanya, i Yohanan anak i Kareah, i Seraya anak i Tanhumet, tiba to ana-anak i Efai lengkat mae i Netofa ka' mule' i Yezanya lengkat mae i Maakha nambamo tiba to mia-mian nu aha hi Gedalya kiijo' i Mizpa.

YEREMIA 41:11

I Yohanan anak i Kareah tiba iwi-iwi' na suludadu anu nambamo hingga-hinggat tiba ia nohongomo palabuatan ma'idek i Ismael.

YEREMIA 41:16

Lapas aijo' i Yohanan tiba to sulu-suludadunyo anu toto tangka-tangkas na pangkatnyo nomposihukmo to sulu-suludadunyo, boune, to ana-anak tiba to paga-pagawe nu laigan nu tomundo' anu ihakop ka' binoa mae i Ismael salatan pinoko pateannyomo na i Gedalya.

YEREMIA 42:20

aijo'mo belemiu nombaumo sa'angu' na kasala'an daka'. Pinoita nu belemiu da aku balado'a hi Tumpu Allah-nto guna belemiu, ka' belemiu binalajanji'mo montulutimo iwi-iwi' na anu pinoto'imo nu Tumpu.

YEREMIA 42:8

Sahingga ilagangkumo na i Yohanan tiba to sulu-suludadunyo haha aijo' tiba mian iwi-iwi' sangga'at anu tinokamo mae hingga-hinggat mae tiba ia.

YEREMIA 43:2

Lantas i Azarya anak i Hosaya ka i Yohanan anak i Kareah tiba iwi-iwi' na mian sangga'at anu singkap buulon aijo' notataemo mae hi belengku, “Beleyum baleko'. Tumpu Allah mami madi' nompalentah beleyum da montewa' kami boli mamba jojoong i Mesir.

YEREMIA 44:12

Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

YEHEZKIEL 11:1

Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

YEHEZKIEL 8:11

Aha pitumpulu' na to pola-polaya' nu bansang Israel daagi' ikiijo' tua-tuangmo suele ikiijo' na i Yaasaya anak i Safan. Toto samian montoongi sa'angu' na anu pinompapuanmo kamangian anu kinopuha-puhamo na tibuknyo.

MATIUS 15:8

‘Sumo uuka na koonyo nu Tumpu: To mia-mian haha aijo' ola ahi' monsombah Aku nu potatae, panyo kinyonyoa nu aha majo'on lengkat hi beleng-Ku.

SISIKON NU TO RASUL-RASUL 8:10

Sahingga iwi-iwi' na mian da'isan i kota aijo' talalomo hondo nompalahatikan ia. “Mian aiya ko kahosonan lengkat hi Tumpu Allah anu talalo talasanggo, salaku ‘Kahosonan anu Daka'’ aijo',” na koonyo nu aha.