YEREMIA 41:5 - KITAB NU TUMPU ALLA LELE MA'IMAI'

⁵ tinokamo mae na mian aha ualumpulu' lengkat mae i Sikhem, Silo, tiba Samaria. Aha nongkiismo mae jangkut nu aha, nonggea-geatmo mae baju nu aha ka' nongkudulimo mae butong nu aha. Aha nomboa mae gandum tiba kamangian da osombahkon i Laigan nu Tumpu.

YEREMIA 41:5 ပူးပေါင်းရင်းမြစ်များ

KAJADIAN 33:18

Lengkat mae i Mesopotamia na i lumajang, sahingga tinokamo na i Yakub ma'i-ma'ima' i kota Sikhem i lipu' Kana'an, lantas nompotinjomo kemahnyo i sa'angu' na tampat padang bola koko kota.

KAJADIAN 34:2

Salatan i Sikhem, anak i Hemor mian nu Hewi anu tinimbalimo tomundo i da'erah aijo' nontoa i Dina pinalaihakonnyomo na boune aijo', lantas pinasala'nyomo.

KAJADIAN 37:12

Daagi' kino sansinaan tempo'nyo to utu-utusnyo tu'a i Yusuf nambamo nokiijo' i Sikhem molaya' pahasan nu mee' ka' domba nu tuuma nu aha,

2 SAMUEL 10:4

Lantas ihakopmo i Hanun na mian haha aijo' anu sinai mae i Daud ka' kinisnyomo na jangkut nu aha sambiha' ka' mule' kinolongannyomo na baju' nu aha, me toka i peko'an na ko kodo'nyo ka' sinainyomo na aha ninsusule'.

1 TOMU-TOMUNDO' 12:1

I Rehabeam nambamo i Sikhem, kalana iwi-iwi' na mian nu Israel sasu utara sinihukmo i kiijo'mae kahanda'mo mohangkat ia bau tomundo'.

1 TOMU-TOMUNDO' 12:25

Salatan tinimbalimo tomundo' nu Israel, i Yerobeam nompaka pohosonmo kota Sikhem i da'erah bungkutnyo nu Efraim, lantas jinojoongmo kiijo' mae panyo' madi' pinin. Lapas aitu ia namba mule' nompala'i kota aijo' ka' nompohosonmo Pnuel.

1 TOMU-TOMUNDO' 16:24

Panyo' lapas aijo' ia nongolimo sa'angu' na bungkutnyo olinyo 6.000 na doi salaka hi mian sanggonyo i Semer. Lantas ia nombaumo sa'angu' na kota' i bungkutnyo aijo'ka' sinanggohannyo Samaria, pinosanggonyomo hi Semer, tumpunyo u'utu mae nu bungkutnyo aijo'.

1 TOMU-TOMUNDO' 16:29

I taun ko tolumpulu'nyomo ka' ualu' na i Tomundo' Asa nompalentah Yehuda, i Ahab anak i Omri tinimbalimo tomundo' nu Israel, ka' nompalentahmo i Samaria inguampulu' ka' ohua' na taun na kinopinnyo.

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

1 TAWARIKH 19:4

I Tomundo' Hanun nohakopmo posaihon mae i Daud haha aijo', jangkut nu aha kinisnyomo ka' ki longannyomo na baju' nu aha pinokodo'mo me tinoka i lampeokan, ka' sinainyomo na aha ninsusule'.

MAZMUR 102:14

Belentomo tuminjomo mae ka' mongkalibosimo Sion, tempo'nyo tinokamo da mongkalibosi ia.

MAZMUR 78:60

Pinala'ian-Nyomo na Kema'Nyo kiijo' i Silo, anu binau kajojoongan-Nyo sama-sama nosangalu aha.

YESAYA 15:2

Aha mian anu jojoong i Dibon mindakomo mamba ipuge'nyo da humangmo itampat ponsomban pilogot. Aha mian anu jojoong i Moab talalomo susa' na kinyonyoa kalana aitu aha montando'imo kota' Nebo tiba Medeba. Kinismo nu aha na ubak tiba jangkut nu aha salaku tanda kinyonyoa talalomo hondo' sinusa'.

YEREMIA 16:6

Mian anu kaya tiba mian anu kasiasi ilipu' aiya saidi' mae de silakamo madi'mo daagi' ko anu molamun aha. Madi'mo daagi' kosamian anu monsakisa butongnyo kabai mongkis ubaknyo salaku tanda susa' kalana ko anumo sinilaka na aha.

YEREMIA 41:4

Dodododopnyo ma'isa pe'e sinumbu' nu mian na i Gedalya pinatean,

YEREMIA 47:5

Aha mian nu Gaza tinokanmo nu kasusa'an anu daka' hondo; mian anu jojoong i Askelon nomohokotmo. Sampe toka hipian na kopinnyo na aha mian nu Filistin anu daagi' tinontuha' me saja' susa' na kinyonyoanyo?

YEREMIA 48:37

Aha iwi-iwi' nongkiismo ubak tiba jangkut, nombelaimo botokon ka' nompusokmo hude kalung salaku tanda sinusa'mo.

YEREMIA 7:12

Lako'mo mamba i Silo kota' anu naipuan mae pinile'an-Kumo da bau tampat monsombah mae Aku. Soba toa apaa na nu binaung-Kumo kona hi tampat aiya kalana dosa' nu mian anu palesayamo hi beleng-Ku aha Israel.

YEREMIA 7:14

Jadi Laigan-Ku ota-otaha'imani nu belemiu ka' tampat anu binee'-Kumo hi mompolee' nu belemiu ka' mule' hi mompolee' nu belemiu ka' hi belemiu aiya saidi' mae Ku baumo susumo Silo naipuan mae.

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

PO'ULE' INGULIT 14:1

“Belemiu mian anu pinalesayamo hi Tumpu Allah nu belemiu. Jadi de belemiu ko anumo sinilaka, ka' mombaumo adatnyo kona hi mian anu sinilakamo, boli mombelai butong miu kabai mongkis siakan nu belemiu susumo anu nubau nu aha bansa sangga'at.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 24:32

Butongnyo i Yusuf anu sinilakamo aijo' binoa nu aha mian nu Israel lengkat mae i Mesir ka' i lamunmo kiijo' i Sikhem i tano' anu ingolimo i Yakub, olinyo sa'atu na doi salaka hi to ana-anak i Hemor, tuuma i Sikhem. Tano' aijo' binee'mo salaku buden hi lee' i Yusuf.

TO MIA-MIAN KOPIAN 18:31

Patong pilogot anu pinosi bau i Mikha aijo' tataap kiijo' i Lais, sumo aitu mule' na Kemah nu Tumpu tataap kiijo' i Silo.

TO MIA-MIAN KOPIAN 9:1

Daagi' kinosansinaan i Abimelekh anak i Gideon nambamo i Sikhem kajojoongan nu to utu-utus nu tinanyo. Ikiijo' mae ia binasale'mo tiba aha, ia notatae,

1 SAMUEL 1:7

Han aijo' saja' opo uli-ulit sataun-toka sataun de aha mambamo i Laigan Ponsomban Tumpu, i Penina saja monsakiti kinyonyoa i Hana. Toto minsan i Hana humangmo ka' madi'mo mongka'oho' mongkaan kalana ia o ambangimo.