YEREMIA 41:10 - KITAB NU TUMPU ALLA LELE MA'IMAI'

¹⁰ Lapas aijo' i Ismael nohakopmo to lalangkoyang anak nu tomundo' ka' iwi-iwi' na mian anu daagi' i Mizpa anu binee'mo i Nebuzaradan da nu jagai i Gedalya. I Ismael nomboamo aha tiba ia hingga-hinggat nambamo i daerah Amon.

YEREMIA 41:10 ပူးပေါင်းရင်းမြစ်များ

NEHEMIA 2:10

Panyo salatan i Sanbalat, mian nu Bet-Horon tiba i Tobia mian anu ko pangkatnyo lengkat mae i Amon, nohongomo aku tinokamo mae kalana kapentingan nu aha bansa Israel, aha nompele-pele'mo ka' aha pinusamo.

NEHEMIA 2:19

Salatan tanga'an mami sinumbu'mo i Sambalat, i Tobia tiba i Gesyem, mian nu Arab kinokojoanmo nu aha ka' pinopo'ambangmo nu aha na kami. Koonyo nu aha, “Apaa na anu kahanda'mo obau miu? Pa' belemiu motomuhutmo hi tomundo?”

YEREMIA 22:30

“Mian aijo' tinantukanmo nu Tumpu madi'mo ko to ana-anaknyo ka' saja' madi' mingkaliangan i uno nu kantumuu'annyo. Sadangkan lee'nyo suele madi'mo daagi' ko anu mingkaliangan na mompalentah i Yehuda salaku tomundo' lee' mae i Daud. Aku, Tumpu notataemo.”

YEREMIA 38:23

Po ule' mule' aku notatae, “Iwi-iwi' na anak tiba bengkele' nu belento Tomundo' osabatakonmo ka' oboamo hi aha Babel. Belento Tomundo' madi'mo daagi' nupotumuu' nu aha. Belento Tomundo' nu hakopmo i tomundo' Babel, ka' kota' aiya opapumo sampe motanggot.”

YEREMIA 39:6

Ikota' aijo' suele to anak-anaknyo pinateanmo i ahopnyo tiba iwi-iwi' na mian anu singkap kopangkatnyo ipamalentahan Yehuda suele pinateanmo.

YEREMIA 40:14

ka' notatae, “Pa' sinumbu'mo nu beleyum na i Baalis tomundo' nu aha Amon nompalentahmo i Ismael da mompateimo beleyum?” Panyo madi' pinalesaya i Gedalya na potatae nu aha aijo'.

YEREMIA 40:7

Itomundo' Babel nohangkatmo i Gedalya binau gubernur kiijo' i Yehuda da mompalentah iwi-iwi' mian anu daagi' jinojoong i Yehuda, aijo'mo aha to mia-mian anu kasiasi hondo. Sambagian na to sulu-suludadu tiba anak buanyo nu suludadu Yehuda anu madi' tina aluk hi Babel, nohongomo i Gedalya aijo' ihangkatmo.