YEREMIA 41:1 - KITAB NU TUMPU ALLA LELE MA'IMAI'

¹ Ibitu'on kinopopitu'nyomo taunmo ai-aijo' i Ismael anak i Netanya ka' makumpu i Elisama nambamo tiba aha sampulu' na mian nokiijo' i Mizpa da singkabot tiba i Gedalya. (I Ismael te lee' mae nu tomundo', sala' samian na suludadu anu ma' tangkas na pangkatnyo i uno nu kalaja'an). Hau-haunyo aha iwi-iwi' nongkaanmo,

YEREMIA 41:1 ပူးပေါင်းရင်းမြစ်များ

2 SAMUEL 3:27

Salatan i Abner tinokamo kiijo' i Hebron koko sabatan daka' nu kota' sinalo'anmo i Yoab na ia da mo uuka mae i sohipi'nyo au'aitu daagi ko lahasia anu opohowini. Monti-montiik jinalo'mo i Yoab na kompong i Abner sahingga ia sinilakamo. Sumo aijo' na i Abner pinatean i Yoab bau pinombalosakonnyo utusnyo ise' i Asael anu pipinatean i Abner.

2 TOMU-TOMUNDO' 11:1

Salatan sinumbu'mo i Atalya na i Tomundo' Ahazia, anaknyo sinilakamo, ia nompalentahmo da iwi-iwi' na aha sa'anakan i Ahazia opateimo.

2 TOMU-TOMUNDO' 25:22

Lapas aijo' i Tomundo' Nebukadnezar nohangkatmo i Gedalya anak i Ahikam lee' mae i Safan, binau gubernur i Yehuda da mompalentah aha iwi-iwi' na mian anu daagi' jinojoong kiijo' mae.

2 TOMU-TOMUNDO' 25:25

Panyo kinona i bitu'on ko popitu'nyomo taun aijo' i Ismael anak i Netanya lee' mae i Elisama anu daagi' mae lee' nu tomundo', nambamo tiba aha 10 na mian nu Mizpa. Tinumbuhanmo nu aha ka' pinateanmo nu aha na i Gedalya tiba mian nu Yehuda ka' mian nu Babel anu kiijo' hi Gedalya.

2 TAWARIKH 22:10

Salatan sinumbu'mo i Atalya na i Tomundo Ahazia anaknyo sinilakamo, pinalentahnyomo da iwi-iwi' na aha sa'anakan mae nu tomundo Yehuda opaha pateimo.

MAZMUR 109:5

Kanononganku nubalosakon mae nu aha nu palabuatan anu ma'idek, ka' kalibosanku nubalosakon mae nu aha nu han mongka'ideki mae aku.

MAZMUR 41:9

Aha notatae, “Panyakitnyo tinadokmo hondo, ia madi'mo bisa po ule' mobula.”

AMSAL 13:10

Takabun ola monsaduakon painggagan panyo mian anu pande mongka'oho' montalima pangajalan.

AMSAL 27:4

Tambuha' aijo' buhingison hondo ka mohansuni, panyo mongahopi mian minsihip ihe na moko tahan?

YEREMIA 36:12

Lantas ia nambamo i laigan nu tomundo' ikantoon nu julutulis nu negara. Ikiijo' iwi-iwi' na mian anu ko pangkatnyo hau-haunyo mogombu mombisalakon apa-apaa. I Delaya anak i Semaya, i Elnatan anak i Akhbor, i Gemarya anak i Safan, i Zedekia anak i Hananya, i Eliaama te julutulis tiba to mian anu ko pangkatnyo sangga'at daagi' ikiijo'.

YEREMIA 36:20

To mia-mian anu ko pangkatnyo haha aijo' nompo una'mo kitab anu ilulun aijo' i uno nu salipi' i Elisama, julutulis ai-aijo' lapas aijo' aha nambamo hi tomundo' ka' nompoto'imo iwi-iwi' aijo'.

YEREMIA 39:14

nongalamo aku ipopasan nu laigan nu tomundo'. Lantas aku binee'mo hi Gedalya anak i Ahikam ka' makumpu i Safan, na anu tionyo ahi' momboa aku minsusule' da madi' ko anu mompoposia. Jadi jinojoongmo na aku hi aha mian da'isan.

YEREMIA 40:13

Lapas aijo', i Yohanan tiba to sulu-suludadu anu madi' tina aluk hi sampobali tinokamo mae hi Gedalya kiijo' i Mizpa

YEREMIA 40:5

Ma'isa pe'e namba pinoto'imo i Nebuzaradan, “De mongka'oho', beleyumo timbalimo minsusule' hi Gedalya anak i Ahikam tiba makumpu i Safan, anu ihangkatmo i tomundo' Babel binau gubernur nu kota-kota' Yehuda. Beleyum timbali jojoong tiba ia hi aha mian da'isan kabai mamba maumo pa' moya na kalambanan nu beleyum anu nu ka'ima'i nu beleyum.” Lantas binee'annyomo mae mantu anu okaan tiba palasen hi belengku ka' nompobee'mo aku namba.

YEREMIA 40:6

Aku nambamo hi Gedalya kiijo' mae i Mizpa, ka' jinojoongmo hi ia hi aha mian da'isan anu pinojoongmo ilipu' Yehuda.

YEREMIA 40:7

Itomundo' Babel nohangkatmo i Gedalya binau gubernur kiijo' i Yehuda da mompalentah iwi-iwi' mian anu daagi' jinojoong i Yehuda, aijo'mo aha to mia-mian anu kasiasi hondo. Sambagian na to sulu-suludadu tiba anak buanyo nu suludadu Yehuda anu madi' tina aluk hi Babel, nohongomo i Gedalya aijo' ihangkatmo.

YEREMIA 40:8

Sahingga i Ismael anak i Netanya, i Yohanan anak i Kareah, i Seraya anak i Tanhumet, tiba to ana-anak i Efai lengkat mae i Netofa ka' mule' i Yezanya lengkat mae i Maakha nambamo tiba to mia-mian nu aha hi Gedalya kiijo' i Mizpa.

YEHEZKIEL 17:13

Lantas ia nompile'imo sala'samian na poto utusan mae nu tomundo' Yehuda ai-aijo', ka' nombaumo palajanjian tiba ia, ka' nompokaumo ia binasumpa' da montulutimo ia. Tomundo' nu aha Babel aijo' nontahanmo mian anu toto penti-penting haha aijo',

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’