YEREMIA 40:9 - KITAB NU TUMPU ALLA LELE MA'IMAI'

⁹ I Gedalya notataemo hi aha, “Belemiu madi' palalu mabuhuk ka' ta'aluk hi aha mian nu Babel. Jojoongmo ilipu'to aiya, ka' timbalimo ahi' botuan i tomundo' Babel. Ku taha'imani belemiu saidi' mae jadi' ma'ima'.

YEREMIA 40:9 ပူးပေါင်းရင်းမြစ်များ

KAJADIAN 49:15

Nu toa ma'ima' hondo na tampat aijo' ka' nu toa ma'ima' hondo na lipu' aijo', sahingga natidukumo na ia ka' sanang na oposake'i boaon, ka' opakisa na mokalaja susumo posaihon.

2 TOMU-TOMUNDO' 25:24

Pinoto'imo i Gedalya hi aha iwi-iwi' “Belemiu bolimo mabuhuk hi pamalentah nu aha Babel. Jojoongmo i lipu'to aiya ka' bakasmo da timbalimo posaihon i tomundo' Babel. Ku pangakuimo na belemiu da madi' osilakai.”

MAZMUR 128:2

Beleyum mongkaanmo hasin nu anu nu kalaja, kantumuu'an sukupmo ka' mongoa'imo kasanangan.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

YEREMIA 27:11

Panyo bansa anu mongka'oho' ahi' tundu' ka' mongka'oho' ahi' tulut hi tomundo' Babel na Ku pobee' ahi' jojoong itano' kinahampean nu aha, ka' mongale' ikiijo'. Aku, Tumpu notataemo.”

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 5:9

I sambiha' nu kota', anu lewa' mompatei memo ahi' saja mololo; butong mami kahanda'mo nupatei nu aha de kami mamba molio mongkaan.