YEREMIA 40:8 - KITAB NU TUMPU ALLA LELE MA'IMAI'

⁸ Sahingga i Ismael anak i Netanya, i Yohanan anak i Kareah, i Seraya anak i Tanhumet, tiba to ana-anak i Efai lengkat mae i Netofa ka' mule' i Yezanya lengkat mae i Maakha nambamo tiba to mia-mian nu aha hi Gedalya kiijo' i Mizpa.

YEREMIA 40:8 ပူးပေါင်းရင်းမြစ်များ

2 SAMUEL 10:6

Lapas aijo' aha mian nu Amon sininsumbu'je saba' kalakuan nu aha aijo' nonsabapimo da i Daud mongka'idekimo aha. Mokonyo aijo' aha nontamboimo ahamian nu Amon 20.000 na mian suludadu nu Siria anu jojoong i Bet-Rehob tiba Zoba, ka' mule' 12.000 na mian suludadu lengkat mae i Tob, tiba tomundo' nu Maakha ka' 1.000 na mian suludadunyo.

2 SAMUEL 10:8

Mian nu Amon nosabatmo mae ka' nomposadiamo suludadu nu aha i ahop nu sabatan daka' nu kota' nua ha aijo'mo kota' Raba ka' suele mian nu Siria, mian nu Tob tiba Maakha nomposadiamo suludadu nu aha i padang.

2 TOMU-TOMUNDO' 25:23

Salatan to sulu-suludadu anu toto tangka-tangkas na pangkatnyo ka' to sulu-suludadu biasa nu Yehuda anu madi' tinunduk' hi Babel nohongomo i Gedalya i hangkatmo, aha iwi-iwi' tinokamo hi Gedalya i Mizpa. Suludadu anu toto tangka-tangkas na pangkatnyo aijo'mo i Ismael anak i Netanya, i Yohanan anak i Kareah, i Seraya anak i Tanhumet mian anu lengkat mae i kota' Netofa, ka' i Yazanya mian anu lengkat mae i kota' Maakha.

2 TOMU-TOMUNDO' 25:25

Panyo kinona i bitu'on ko popitu'nyomo taun aijo' i Ismael anak i Netanya lee' mae i Elisama anu daagi' mae lee' nu tomundo', nambamo tiba aha 10 na mian nu Mizpa. Tinumbuhanmo nu aha ka' pinateanmo nu aha na i Gedalya tiba mian nu Yehuda ka' mian nu Babel anu kiijo' hi Gedalya.

1 TAWARIKH 2:48

I Kaleb kino ambuhue' sangga'at sanggonyo i Makha. Tiba boune aijo' i Kaleb nohumpak anak boune ua'aha, sanggo nu aha i Seber tiba i Tirhana;

1 TAWARIKH 2:54

I Salma aijo'mo na anu nombau kota' Betlehem, iamo na mompolee' mae nu mian Netofa, mian nu Atarot-Bet-Yoab, ka' mian nu Zori, aijo'mo sala' sa'angu' na aha sa'anakan mae anu ohua' aijo' anu jojoong i Manahti.

EZRA 2:2

To pola-polaya' nu aha aijo'mo, i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum tiba i Ba'ana. Aiyamo na daputan nu aha sa'anakan mae bansa Israel ka' konjoo'nyo nu mian toto sa'angu' na tulunan anu ninsusule'mo lengkat mae i Babel pinomboan aha:

NEHEMIA 7:26

To mia-mian mompolee' nu aha anu jinojoong i kota' haha aiya, anu suele ninsusule'mo lengkat mae i Babel pinomboan aha: Kota' Betlehem ka' Netofa – 188 Anatot – 128 Bet-Asmawet – 42 Kiryat-Yearim, Kefira tiba Beerot – 743 Rama tiba Gaba – 621 Mikhmas – 122 Betel tiba Ai – 123 Nebo sangga'at – 52 Elam sangga'at – 1.254 Harim – 320 Yerikho – 345 Lod, Hadid tiba Ono – 721 Senaa – 3.930

YEREMIA 37:15

Aha notambuha'mo hondo hi belengku ka' nompalentahmo da aku opahandokeakon ka' otahanmo i laigan i Yonatan julutulis nu negara. Laigan aijo' pinojadimo salaku talungku'.

YEREMIA 37:20

Uuka aiya belento Tomundo' anu talasanggo, de timbali sanang pe'e mae na mohongo apaa na anu ku kakase aiya. Bolimo mae belento Tomundo' moki boa aku minsusule' italungku' i laigan i Yonatan kiijo' mae, dumo aku matemo kiijo' mae.”

YEREMIA 38:26

Anu opoto'i taalu' beleyum pagala mongkakase aku da aku madi' mokiboa beleyum minsusule' italungku' ka' silakamo kiijo' mae.”

YEREMIA 40:11

Tempo'nyo aitu iwi-iwi' na mian nu Israel anu jojoong ilipu' Moab, Amon, Edom, tiba ilipu sangga'at nohongomo mae taalu' i tomundo' Babel nompobee'mo sambagian na aha mian nu Israel jojoong i Yehuda ka' mule' taalu' ia nohangkatmo i Gedalya binau gubernur.

YEREMIA 40:13

Lapas aijo', i Yohanan tiba to sulu-suludadu anu madi' tina aluk hi sampobali tinokamo mae hi Gedalya kiijo' i Mizpa

YEREMIA 40:14

ka' notatae, “Pa' sinumbu'mo nu beleyum na i Baalis tomundo' nu aha Amon nompalentahmo i Ismael da mompateimo beleyum?” Panyo madi' pinalesaya i Gedalya na potatae nu aha aijo'.

YEREMIA 40:15

Lantas pinohowinimo i Yohanan na nompoto'i hi Gedalya, “Sahanyo mambamo ku patei na i Ismael; madi' ko anu monsumbu' pa' ihe na nompatei. Kadaka' ia opopilayamo mompatei beleyum? Aijo' timbali mongahenakon iwi-iwi' na mian nu Yehuda anu sinihukmo i aiya hi beleyum, moga'a-ga'atmo mule', ka' mule' han aijo' mo mohansunimo ingko-ingkot na mian da'isan anu daagi' tinontuha' i Yehuda.”

YEREMIA 40:6

Aku nambamo hi Gedalya kiijo' mae i Mizpa, ka' jinojoongmo hi ia hi aha mian da'isan anu pinojoongmo ilipu' Yehuda.

YEREMIA 41:1

Ibitu'on kinopopitu'nyomo taunmo ai-aijo' i Ismael anak i Netanya ka' makumpu i Elisama nambamo tiba aha sampulu' na mian nokiijo' i Mizpa da singkabot tiba i Gedalya. (I Ismael te lee' mae nu tomundo', sala' samian na suludadu anu ma' tangkas na pangkatnyo i uno nu kalaja'an). Hau-haunyo aha iwi-iwi' nongkaanmo,

YEREMIA 41:11

I Yohanan anak i Kareah tiba iwi-iwi' na suludadu anu nambamo hingga-hinggat tiba ia nohongomo palabuatan ma'idek i Ismael.

YEREMIA 41:2

i Ismael tiba aha sampulu' aijo' nongkeatmo bajak nu aha ka' nompateimo i Gedalya, gubernur anu ihangkat nu aha mian nu Babel.

YEREMIA 42:1

Ilapas na aijo' iwi-iwi' na mian, anu tu'amo tiba anu daagi' anak tiba to sulu-suludadu anu toto tangka-tangkas na pangkatnyo, tibamo suele i Yohanan anak i Kareah tiba Azarya anak i Hosaya tinokamo mae

YEREMIA 42:8

Sahingga ilagangkumo na i Yohanan tiba to sulu-suludadunyo haha aijo' tiba mian iwi-iwi' sangga'at anu tinokamo mae hingga-hinggat mae tiba ia.

YEREMIA 43:2

Lantas i Azarya anak i Hosaya ka i Yohanan anak i Kareah tiba iwi-iwi' na mian sangga'at anu singkap buulon aijo' notataemo mae hi belengku, “Beleyum baleko'. Tumpu Allah mami madi' nompalentah beleyum da montewa' kami boli mamba jojoong i Mesir.

YEREMIA 43:5

I Yohanan tiba iwi-iwi' na suludadu haha aijo' nomboamo i Mesir iwi-iwi' na mian anu daagi' i Yehuda ka' mule' iwi-iwi' mian anu ninsusule'mo mae lengkat ilipu' sangga'at tampat aha gina'a-ga'atakon.

PO'ULE' INGULIT 3:14

I Yair tulunan mae nu tulunan bansa Manasye nongalamo songko-songko na da'erah Argob, aijo'mo lengkat mae i Argob toka-toka mokiijo' i potempasan nu Gesur tiba Maakha. Ia nonsanggohi kampung haha aijo' binatukakonnyo i sanggonyo, ka' sampe tempo' uuka aiya daagi' talasanggo salaku kampu-kampung i Yair.)

YOSUA 12:5

Da'erah anu nu palentah monsangkup Bungkutnyo nu Hermon, Salkha, tiba songko-songko na Basan kojo'onnyo toka-toka i da'erah nu Gesur tiba Makha; ka' suele monsangkup sambagian na da'erah nu Gilead kojo'onnyo toka-toka i da'erah anu nu kuasai nu tomundo Sihon i kota Hesybon.