YEREMIA 40:11 - KITAB NU TUMPU ALLA LELE MA'IMAI'

¹¹ Tempo'nyo aitu iwi-iwi' na mian nu Israel anu jojoong ilipu' Moab, Amon, Edom, tiba ilipu sangga'at nohongomo mae taalu' i tomundo' Babel nompobee'mo sambagian na aha mian nu Israel jojoong i Yehuda ka' mule' taalu' ia nohangkatmo i Gedalya binau gubernur.

YEREMIA 40:11 ပူးပေါင်းရင်းမြစ်များ

KAJADIAN 36:8

Sahingga i Esau anu osanggohi suele i Edom, tinataapmo i da'erah bungkutnyo nu Seir.

YESAYA 11:14

Aha mosa'angu'mo ka' hingga-hinggat montumbuhimo Filistin anu isasu kinsoban ka' mule' lewa'mo mompahuhuakon to bansa-bansa anu isasu kabete'an. Aha mompatundu'mo bansa Edom tiba Moab, ka' mule' bansa Amon ta'alukmo hi aha.

YESAYA 16:4

Pobee' mae na kami jojoong madi' pin ilipu' nu belemiu. Jagaiakon mae na kami da madi' nu silakai nu to mia-mian anu kahanda'mo mompatei mae kami.” (Ponsakisan ka' mule' pompateian belentimo, ka' aha to mia-mian anu lewa' mohansuni ka' lewa' monsakisa lipu' Israel lanyapmo.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 41:10

Lapas aijo' i Ismael nohakopmo to lalangkoyang anak nu tomundo' ka' iwi-iwi' na mian anu daagi' i Mizpa anu binee'mo i Nebuzaradan da nu jagai i Gedalya. I Ismael nomboamo aha tiba ia hingga-hinggat nambamo i daerah Amon.

YEREMIA 43:5

I Yohanan tiba iwi-iwi' na suludadu haha aijo' nomboamo i Mesir iwi-iwi' na mian anu daagi' i Yehuda ka' mule' iwi-iwi' mian anu ninsusule'mo mae lengkat ilipu' sangga'at tampat aha gina'a-ga'atakon.

YEREMIA 43:6

To momo'ane, to bou-boune, to ana-anak, ka' to lalangkoyang anak nu tomundo' anu binee'mo i Nebukadnezar da nu jagai i Gedalya tibamo aku ka' i Barukh, iwi-iwi' binoamo i Mesir.

YEHEZKIEL 25:12

Tumpu Anu Matangkas na Kuasanyo notataemo, “Bansang Edom nombaumo kasala'an daka' hondo kalana nombaumo palabuatan ma'idek anu taha-tahamo hi aha Yehuda salaku palabuatan mombalosakon.

YEHEZKIEL 25:2

“O, manusia anu madi' tumuu' batu, kutukimo na lipu' nu aha Amon.

YEHEZKIEL 25:6

Tumpu Anu Matangkas na Kuasanyo notatae, “Belemiu mohapa'imo lima ka' lame'mo na monsalelei. Belemiu madi'mo mompajuli tano' nu Israel.

YEHEZKIEL 25:8

Tumpu Anu Matangkas na Kuasanyo notataemo, “Moab nontaloakon koonyo Yehuda aijo' pokakanamo ahi' susumo bansa-bansa sangga'at.

YEHEZKIEL 34:6

Sahingga dombang-Ku haha aijo' lewa'mo namba ito puge-puge'nyo anu matangkas ka' mule' ito bungku-bungkutnyo. Aha noga'a-ga'atmo namba isongko-songko na dunia, madi' kinosamian na anu mompalahatikan aha kabai molio aha.

YEHEZKIEL 35:15

pokakanamo susumo belemiu sinanangmo tempo'nyo nontoamo Israel anu Aku na tumpunyo iliingmo hondo. Iwi-iwi na bungkutnyo nu Seir ka' mule' songko-songko na tano' nu Edom timbalimo liing hondo. Sahingga nu sumbu'je nu mian iwi-iwi' taalu' Akumo ahi' na Tumpu.’ ”

YEHEZKIEL 35:5

Salatanmo pe'e naipuan mae na belemiu monsampobali' Israel ka' mompojohok aha opatei tempo'nyo aha nu tokaimo nu balaa' salaku hukuman mo nu aha kalana dosa' nu aha.

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

YEHEZKIEL 5:3

Po'una' sangkiding na ubak aijo' ka' opo isi i uno nu lipatan nu juba' nu beleyum.

NOMBILANGMO 22:1

Bansa Israel po'ule'mo namba ka' nombaumo kemah i hatanyo nu Moab, i da'erah santoa nu Kaunyo Yordan, koko kota Yerikho.

NOMBILANGMO 25:1

Hau-haunyo bansa Israel jinojoongmo i Bangka'nyo nu Sitim, to momo'ane nu aha nasala'mo tiba to bou-boune nu aha Moab anu jojoong ikiijo'.

NOMBILANGMO 25:2

To bou-boune ikiijo' lewa'mo nonsale'i da mamba i lamean monsombahkon koloban bau pongadati pilogot nu aha. Mian nu Israel suele nongkaanmo koloban aijo' ka' nonsombahmo pilogot nu aha mian Moab.

1 SAMUEL 11:1

Lapas aijo' i Nahas tomundo' nu aha mian nu Amon nompalentahmo suludadunyo ka' nontumbuhimo kota Yabesh idaerah Gilead. Mian anu jojoong i Yabesh nompoitamo hi Nahas, de timbali, “Pombau mae palajanjian tiba kami da kami tulu-tulutan hi palentah nu belento.”

1 SAMUEL 12:12

Panyo salatan belemiu nontoamo taalu' belemiu nu tumbuhimo i Nahas tomundo' nu aha Amon, belemiu madi'mo nongakui Tumpu salaku tomundo' nu belemiu ka' nompoto'imo hi belengku, 'Kami mongka'oho' mo da opalentahmo nu samian na tomundo.'