YEREMIA 40:10 - KITAB NU TUMPU ALLA LELE MA'IMAI'

¹⁰ Jojoongmo ikota-kota' anu nu ka'ima'i nu belemiu ka' pongalamo ka' mule' pompo una'mo anggur, bua' nu kau' anu okaan tiba lanya' nu zaitun. Aku suele jojoongmo i Mizpa ka' timbalimo wakin nu mian da'isan de aha mian nu Babel tokamo mae.”

YEREMIA 40:10 ပူးပေါင်းရင်းမြစ်များ

2 SAMUEL 16:1

Ma'isa pinin na i Daud noliu-liu bawo nu puge'nyo monti-montiik tinokamo na i Ziba posaihon i Mefiboset kahanda' singkabot tiba ia, nomboa mae sapaan na keledai anu ko sosake'onnyo ua atu na batuan nu roti, ka' sa atu na pumpungan nu anggur anu nahamo, sa atu na' segotan nu bua-bua' anu salaje' ingala, ka' sa angu' na botutu nu anggur anu o inum.

1 TOMU-TOMUNDO' 10:8

Nohumpakmo hondo dale' na to bengke-bengkele' nu belento Tuan! Ka' suele nohumpakmo hondo dale' na to mia-mian anu ko pangkatnyo anu saja' mokalaja hi belento Tuan, sahingga saja' mohongo hi belento Tuan iwi-iwi' na pokinde' anu mompopande!

AMSAL 22:29

Toho'mo beleyum nontoa mian anu pande na mombau pakalaja'annyo? Mian aijo' opokalajamo i jojoongan nu to tomu-tomundo, misa'mo ola i laigan nu mian biasa.

AMSAL 27:25

Hemput i ale' tiba i bungkutnyo olepas ka' olimu' bau pompakan potuu'on nu beleyum aijo' panyo hau-haunyo aijo' po ule' mule' tumuu' na hemput sangga'at.

YESAYA 16:9

Uuka aiya aku mohangimo anggur anu kiijo' i Sibma susumo aku nohangimo Yaezer Aku nonjujuhakonmo lolu'ku kalana Hesybon tiba Eleale, kalana isi nu ale'nyo ingingkotanmo nu sampobali'.

YEREMIA 35:19

Mokonyo aijo', Aku, Tumpu Anu Mahakuasa, Tumpu Allah Israel, balajanji'mo saba' lee' mae i Yonadab anak i Rekhab tionyo ahi' saja' daagi' ko samian na mo'ane na anu mombau apa-apaa na anu Ku palentahkon.”

YEREMIA 39:10

Sambagian na aha mian da'isan anu kasiasi hondo ka' anu madi' kohalata' pinojoongmo nu aha i Yehuda ka' binee'anmo ale' nu anggur tiba tano' bau pongale'an.

YEREMIA 40:12

Kalana aijo' pinala'ianmo nu aha na tampat anu pinongga'a-ga'atakonan aha lantas ninsusule'mo i Yehuda. Aha nambamo hi Gedalya kiijo' i Mizpa, ka' nongalamo manjoo' hondo na anggur ka' bua' nu kau' anu okaan.

YEREMIA 40:6

Aku nambamo hi Gedalya kiijo' mae i Mizpa, ka' jinojoongmo hi ia hi aha mian da'isan anu pinojoongmo ilipu' Yehuda.

YEREMIA 43:5

I Yohanan tiba iwi-iwi' na suludadu haha aijo' nomboamo i Mesir iwi-iwi' na mian anu daagi' i Yehuda ka' mule' iwi-iwi' mian anu ninsusule'mo mae lengkat ilipu' sangga'at tampat aha gina'a-ga'atakon.

YEREMIA 48:32

Aku lebe mule' ahi' mohangi mian anu jojoong i Sibma nu lingkudui na pohangingku Yaezer. Kota' Sibma sumomo ahi' sosu'anon anggur anu to panga-panga'nyo nolelemo toka-toka isantoa nu Ambai Mate, kojo'onnyo tinokamo i Yaezer. Panyo uuka aiya bua'nyo iwi-iwi' anu itempo' nu posinaa tiba bua' nu anggurnyo ingideanmo.

MIKHA 7:1

Silakamo na aku! Aku sumomo mian anu no'ohopmo mamba montipu bua' nu kau' padahan nokolapasmo natempo'nyo nimbua'. Madi'mo daagi' ko bua'nyo na to kau-kau' Bua' nu anggur tiba bua' kau' ara anu toto ima-ima' iwi-iwi' iningkotmo tinipuan.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

PO'ULE' INGULIT 1:38

Panyo' patotongakon na kinyonyoa nu pombantum Yosua anaki Nun. Ia mo na kapala nu Israel mompatundu'i lipu' aijo.

PO'ULE' INGULIT 16:13

“Salatan iwi-iwi' na gandum nu belemiu opoko ututmo ka' iwi-iwi' na bua'nyo opoko tapimo nu belemiu, belemiu tionyo ahi' molame'akonmo Lamean Tahon o atopi nu Hon nu kau' pitun sinaa na kopinnyo.