YEREMIA 4:5 - KITAB NU TUMPU ALLA LELE MA'IMAI'

⁵ Puuhimo na tolompet isongko-songko na lipu'! Poloboo'mo nasa-nasa. Palentah na mian anu jojoong i Yehuda tiba Yerusalem popalaimo lako' mamba ikota-kota' anu ko bentengnyo.

YEREMIA 4:5 ပူးပေါင်းရင်းမြစ်များ

YESAYA 28:19

Belemiu nu tokaimo mae nu kasusa'an anu madi'ko kamingkotannyo ka' otanggungmo ahi' nu belemiu na aijo' sansina-sinaa, daagi' subu ka' mule' de pihimo. Belemiu nulakatmo bau nu buhuk de belemiu mompahamimo potuunon nu Tumpu.

YEREMIA 11:2

“Palahatikan na atulannyo na palajanjian anu binaung-Kumo hi aha mian anu palesayamo hi beleng-Ku. Poto'i hi aha mian nu Yehuda tiba hi aha mian anu jojoong i Yerusalem taalu',

YEREMIA 35:11

Panyo salatan i Tomundo' Nebukadnezar nontumbuhimo lipu' aiya kami nopalaimo namba da madi' nu patei nu suludadu nu Babel tiba suludadu nu Siria jinojoongmo i Yerusalem. Aijo' na sababnyo sahingga kami uuka aiya jinojoongmo i aiya.”

YEREMIA 5:20

Tumpu nompalentahmo mae aku da mompoto'i potuunon-Nyo aiya hi lee' i Yakub anu jojoong i Yehuda,

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

YEREMIA 8:14

“Kadaka' kita madi'mo noko ala nombau apa-apaa?” na koonyo nu mian anu palesayamo hi Tumpu Allah. “Imbo' kita' mopalaimo mamba ikota-kota' anu ko bentengnyo, bakas da kita silakaje kiijo' mae. Noko putuskanmo nu Tumpu Allah na kita tionyo ahi' silakamo. Binee'an-Nyomo na kita lasung da o'inum kalana kita binaladosa'mo hi Ia.

YEREMIA 9:12

Aku nompokilawamo, “Tumpu kadaka' lipu' aiya opojohokmo da kunmo ka' manggasmo susumo padang tampat anu mateges sahingga madi'mo daagi' ko anu montulu? Pa' daagi' ko anu pande hondo monsumbu' iwi-iwi' aiya? Hihe na pinompoto'ianmo nu belento katalangan da ia timbali mule' ahi' mompoto'i hi mian sangga'at?”

YEHEZKIEL 7:14

Tolompet ingumonyi'mo ka' iwi-iwi' na mian nosadiamo. Panyo mau pe'e samian madi' ahi' ko anu namba nahampate itampat pahampatean, kalana tambuha' nu Tumpu nongkonamo iwi-iwi' na mian.

HOSEA 8:1

Tumpu notatae, “Po'onyi'mo na tanda kalana ko lobosmo mae montumbuhi. Sampobali' montumbuhimo mae lipu'-Ku susumo bonyia' monsabutmo kaanonnyo! Mian-Ku anu palesayamo nolanggaimo palajanjian-Ku tiba aha ka' madi'mo nontuluti pangajalan-Ku.

YOËL 2:1

Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

AMOS 3:8

De singa molohu', ihe na madi' mabuhuk? De Tumpu Anu Matangkas na kuasanyo notatae, ihe na ola momohokot madi' mombebaakon potuunon-Nyo?

NOMBILANGMO 10:2

“Pombau ohua' na tolompet salaka na otutuk da bau polaga mian da'isan sihuk mae kabai da bau ponsai aha da mambamo.

NOMBILANGMO 10:3

De pinduan na mompuuhi manta-mantan na onyi'nyo, alati'nyo iwi-iwi' na mian tionyo ahi' sihuk hi beleyum titiikub i ahop nu sabatan nu Kemah-Ku.

YOSUA 10:20

I Yosua ka' aha mian nu Israel nompateimo aha mian nu Amori haha aijo', panyo aha daagi' ahi' ko anu nopalai i kota nu aha natisuluk sahingga madi' pinatean.