YEREMIA 4:4 - KITAB NU TUMPU ALLA LELE MA'IMAI'

⁴ Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 4:4 ပူးပေါင်းရင်းမြစ်များ

2 TAWARIKH 34:25

Aha nohikumo aku ka' nonsombahkonmo koloban hi iwi-iwi na pilogot nu aha. Iwi-iwi' na anu binaumo nu aha nomposumongkelekmo aku. Aku pinusamo hi Yerusalem ka' pusang-Ku aijo' madi'mo Ku poko intim.

YESAYA 10:17

Tumpu anu susi', Jingka nu aha Israel, timbalimo susumo moak nu apu anu ola i uno nu sansinaa timbalimo montanggoti iwi-iwi na apaa ka' mule' iwi-iwi na kuhat anu kohii'nyo.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YESAYA 51:17

Pobulamo, o, Yerusalem, pobulamo! Hukuman anu inabu'akonmo nu Tumpu kalana tambuha'-Nyo ingoa'anmo nu beleyum sampe iningkot.

YEREMIA 15:14

Ilipu' nu mian anu isalipu'an ka' madi' nusumbu' nu aha, Ku pojadimo na aha posaihon nu to sampo-sampobali' nu aha, kalana tambuha'-Ku kinosuhu-suhutmo susumo apu anu binanggelo-gelosmo ka' madi'mo mongka'oho' mopoho'.”

YEREMIA 21:5

Akumo ahi' na mompahampateakon belemiu tiba kahosonan anu memang ahi' mahosonmo totu-totu'u, kalana tambuha' anu taha-tahahumo.

YEREMIA 23:19

Tambuha' nu Tumpu sumomo ahi' antong anu nonsantipmo to mia-mian anu ko palabuatannyo ma'idek.

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEREMIA 9:25

Tumpu notatae, “Tokaje mae na tempo'nyo Kuhukumo na aha mian nu Mesir, Yehuda, Edom, Amon, Moab, tiba mian anu jojoong ipadang tampat anu mateges anu monggunting ubaknyo opokodo'. Aha iwi-iwi' sinunat pokakana susumo mian Israel, panyo maunyomo ahi' aha mau bansa Israel kalakuan nu aha sumomo ahi' to mia-mian anu madi' sinunat, kalana aha madi' ahi' montuluti palajanjian anu ilambangkan nu sunat aijo'.”

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 16:38

Beleyum Ku hukumo kalana saja'mo nasala' ka' saja'mo nompatei bibinaumo nu beleyum. Kalana pusang-Ku ka' mule' tambuha'-Ku beleyum Ku hukumo mate.

YEHEZKIEL 18:31

Bolimo daagi' mombau iwi-iwi' na palabuatan ma'idek anu sola'mo binau nu belemiu, ka' sahanyo kinyonyoa tiba pikilan nu beleyum timbalimo ahi bu'ou. Kadaka' belemiu tionyo ahi' silaka?

YEHEZKIEL 20:33

“Atas sanggong-Ku, Aku, Tumpu anu tumuu', Tumpu Anu Matangkas na Kuasanyo, Ku pokinde'i na belemiu saba' kalana Aku notambuha'mo, belemiu Ku kensengimo na mompalentah sahingga nu oa'imo nu belemiu na kuasang-Ku. Belemiu ku posihukmo ka' po ule'mo Ku boa mae lengkat mae isinin na lipu' tampat pipinongga'a-ga'atakonanmo belemiu.

YEHEZKIEL 21:17

Aku suele mohapa'imo lima lantas madi'mo Aku motambuha'. Aku, Tumpu notataemo.”

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

YEHEZKIEL 24:8

Baso' aijo' pinojohok-Kumo ikiijo' sahingga timbali otoa ka' montuntutmo bau pombalosi.”

YEHEZKIEL 44:7

Aha nohumimi'imo Laigan-Ku, kalana hau-haunyo lompo'nyo tiba baso'nyo nu koloban osombahkonmo hi beleng-Ku aha mompobee'mo to mia-mian anu isalipu'an mae minsoopmo i unonyo padahan madi' sinunat ka' anu madi' montuluti Aku. Kalana palabuatan-palabuatan nu aha anu okahenyui aijo', aha nolanggaimo palajanjian-Ku tiba aha.

YEHEZKIEL 6:12

Aha iwi-iwi' mongoa'imo tambuha'-Ku anu taha-tahahumo. Aha tomia-mian anu majo'on kiijo' mae i pinomboan ka' pinompojoongan masakitmo lantas silakamo; anu aiya ohani silakamo kalana mahampate, ka' tuha'nyo silakamo kalana madi'mo ko anu okaan.

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

IMAMAT 26:41

sahingga Aku nongalamo kaputusan molaa'mo aha momboamo ka' opojoongmo i lipu' nu anu monsampobali' aha. Ahennyo, de lee' nu belemiu matundu'mo ka' montalimamo hukuman kalana dosa' ka' kalana noto idekmo na aha.

AMOS 5:6

Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

ZEFANYA 2:2

da ma'isa pe'e belemiu magayou ka' manggas susum bunga-bunga! Sinsumbu'mo da ma'isa pe'e toka na sinaa potambuha'an nu Tumpu anu ko suhu-suhutmo aijo'.

ROMA 2:25

De kita Utus mombatuki hondo-hondo atulan nu agama Yahudi yo sunat nu kita Utus ko kaliangannyo ahi. Panyo de kita Utus madi' moko batuki anu pinalentakon i uno nu atulan aijo', yo sunat nu kita Utus madi' hondo ko kaliangannyo.

PO'ULE' INGULIT 10:16

Jadi mulai uuka aiya belemiu tionyo ahi' tulu-tulutan hi Tumpu ka' bolimo daagi' panggaga.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

KOLOSE 2:11

Kalana nosa'angu'mo tiba i Kristus komiu sinunatmo, misa' sumo sunat anu binau nu mian, panyo sunat anu binau i Kristus, anu nompobebasmo komiu i kuasa nu tabiat anu baladosa'.