YEREMIA 4:31 - KITAB NU TUMPU ALLA LELE MA'IMAI'

³¹ Ihongongkumo na mongkadede'akon sumomo boune anu kahanda'mo monganak; sumomo langkoyang anu ai-aituje na monganak, sumo aijo'mo na haang nu Yerusalem anu binusokmo na mingkinyonyoa. Limanyo maha kaweanmo ka' ia mompele-pele'mo, “Silakamo na aku – aku nu pateimo nu sampobali'!”

YEREMIA 4:31 ပူးပေါင်းရင်းမြစ်များ

KAJADIAN 27:46

Sahingga notataemo na i Ribka hi Ishak, “Aku, ma'osamo na montoa to bengke-bengkele' i Esau anu lengkat mae i bansa salipu'an aijo'. De i Yakub suele mo'osoa tiba langkoyang nu Het, sahanyo aku silakamo.”

AYUB 10:1

Na'osamo na aku ka' monguahimo na ku oa'i montutugi kantumuu'anku, sahingga ku taloakonmo iwi-iwi' na kasansala'an nu kinyonyoangku.

MAZMUR 120:5

Silakamo na aha kalana tumuu'mo hingga-hinggat tiba beleyum; madi' sala' sumomo ahi' jinojoong i Mesekh, kabai hi aha mian nu Kedar.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YESAYA 13:8

Aha iwi-iwi' jadimo mabuhuk anu taha-tahahumo, ka' lewa'mo maha piosan nu buhuk susumo boune anu kahanda'mo mompohampe anak. Aha mompaha didinmo ka' bata-batamo, ohup nu aha mohahamo kalana na ambangmo.

YESAYA 21:3

Anu tinoangku aijo' nompobingungmo hondo aku sampe aku madi'mo noko ala nontoa kabai nohongo. Aku nabuhukmo ka' mule' nasakitmo sumomo ahi' samian na boune anu kahanda'mo monganak.

YESAYA 26:17

Susumo boune anu kahanda'mo mompohampe anak mongka'oa'imo ka' mondede'akonmo sakitnyo, sumo aijo'mo na kami i ahop nu Belento, o, Tumpu.

YESAYA 42:14

Tumpu notatae, “Pininmo hondo na Aku madi'mo notatae; Aku nomohokotmo ka' sinabaanmo. Uuka aiya tinokamo na tempo'nyo da mombaumo apa-apaa, Aku moloboo'mo susumo boune anu mompohampemo anak.

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YEREMIA 10:19

Mian anu jojoong i Yerusaem notataemo daka-daka', “Kami binelaonmo daka' hondo ka' madi'mo opoko ala opakuli'i da ma'alin. Momonanyo sinangka mami saba' kasansala'an aiya opoko ala ahi' osimbu mami, padahan madi' ahi'.

YEREMIA 13:21

Daagi' apaa na anu otaloakon nu belemiu, de to mia-mian anu binaumo nu belemiu salaku sangalu nu belemiu, mompatundu'mo ka' mongkuasaimo belemiu? Memang belemiu mongoa'imo sakit susumo boune anu mohampeakon anak.

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

YEREMIA 15:18

Kadaka' aku saja'mo mongoa'i sansala? Kadaka' belangku talalomo ahi' tinadok ka' madi'mo dongan ma'alin? Pa' Belento ko kahanda'mo ahi' mompopato kinyonyoangku susumo kaunyo anu mo'otimo itempo' nu posinaa?”

YEREMIA 18:21

Panyo uuka aiya, Tumpu, bakasmo da to ana-anak nu aha matemo nu ohop kabai silakamo i uno nu pahampatean. Bakasmo da to bou-boune nu aha madi'mo ko langkai' nu aha ka' mule' madi'mo ko anak nu aha; bakasmo da to momo ane nu aha silakamo kalana panyakit anu molele ka' mule' to oli-olitau nu aha silakamo i uno nu pahampatean.

YEREMIA 22:23

Belemiu jojoong madi' ko anu mompoposia nu tikubi nu ohii' kau' lontio' lengkat mae i Libanon, panyo saidi' mae de belemiu nu tokaimo mae nu kasusa'an belemiu mongoa'imo kasansala'an susumo boune anu kahanda'mo monganak.”

YEREMIA 30:6

Soba ahi' potutugakon ka' selidiki! Te toho' mule' mo'ane mohampeakon bungamea'? Yo de sumo aijo', kadaka' Ku toa na to momo'ane toto samian ohupnyo talalomo ahi' ine'es ka' nu toongi nu limanyo na kompongnyo sumomo boune anu kahanda'mo mompohampe anak?

YEREMIA 45:2

na potatae nu Tumpu, Tumpu Allah Israel. Tumpu notatae, “O Barukh,

YEREMIA 48:41

Sinin na kota'nyo tiba bentengnyo iwi-iwi' opatundu'mo ka' suludadunyo singkapmo mabuhuk sumomo boune anu kahanda'mo mompohampe anak.

YEREMIA 49:22

Susumo bonyia' monsabut nu boka na polipiknyo, sumo aijo'mo na sampobali' toka mae ka' monsabut Bozra. Toka isinaa aijo' suludadu nu Edom mabuhukmo susumo boune anu kahanda'mo mompohampe anak.”

YEREMIA 49:24

Mian anu jojoong i Damsyik madi'mo nahoson ka' nopalaimo kalana nabuhukmo.

YEREMIA 50:43

Salatan nohongo lele aijo' itomundo' Babel madi'mo daagi' noko ala nombau apa-apaa. Ia tinokanmo nu buhuk anu taha-tahahumo, ka' nongoa'imo sakit susumo boune anu kahanda'mo mompohampe anak.

YEREMIA 6:2

Kota' Sion handa hondo, panyo nu hansunimo nu Tumpu;

MOHAANGI 1:17

I hangkatku na lima da momoita tulung panyo madi' ko anu mombee'i potatae anu moko sanang. Lengkat mae iya'a Tumpu nonsaimo mae sampobali'; aha tinokamae nompahampateakonmo aku. Aku binaumo susumo duhehe, balang anu okahegati aijo' hi aha.

MOHAANGI 1:20

O, Tumpu! Palahatikan mae na aku, kinyonyoangku madi' sanang ka' pinusingmo i hansunmo kalana palabuatan mai-ma'idek u'utu mae. I songko-songko na jalan daagi' ko anu monsilakai, i uno nu laigan daagi' ko anu sinilakamo.

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

MIKHA 4:10

O, mian anu jojoong i Yerusalem, uminyohatmo ka' tolo odosmo susumo boune anu kahanda'mo mongaanak! Kalana uuka aiya belemiu tionyo ahi' mompala'imo kota' ka' jojoongmo i padang. Belemiu memang ahi' mambamo i Babel, panyo ikiijo' mae Tumpu molapasakonmo belemiu da madi'mo nu pahampateakon nu mian anu monsampobali' belemiu.

MIKHA 4:9

Kadaka' humangmo na beleyum hoso-hoson? Kadaka' beleyum nongoa'imo kasansala'an susumo boune anu kahanda'mo monganak? Pa' ugaat kalana beleyum madi' ko tomundo'nyo ka' mule' anu lewa' mompokinde'i beleyum sinilakamo?

MIKHA 7:1

Silakamo na aku! Aku sumomo mian anu no'ohopmo mamba montipu bua' nu kau' padahan nokolapasmo natempo'nyo nimbua'. Madi'mo daagi' ko bua'nyo na to kau-kau' Bua' nu anggur tiba bua' kau' ara anu toto ima-ima' iwi-iwi' iningkotmo tinipuan.

MATIUS 21:5

“Taeakon hi Sion, Tomundo'um tinokamo hi komiu. Ia madi' kotige-tige ka' sinumake' i sa'angu' na keledai, sa'angu' anak nu keledai anu daagi' ise'.”

1 KORINTUS 9:16

Kalana de aijo' ola han mompolele Lele Ma'ima' lengkat mae hi Tumpu, tantu aku madi' ko hak kobubuun, kalana Tumpu nompalentahmo aku, da mompojalan aijo'. Silaka na aku de aku madi' mompolele Lele Ma'ima' aijo'!

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.