YEREMIA 4:3 - KITAB NU TUMPU ALLA LELE MA'IMAI'

³ Tumpu notatae hi aha mian anu jojoong i Yehuda tiba Yerusalem, “Kalajamo na tano' nu belemiu anu ma'isa kinalaja; boli monsu'an bibit itampat anu nu tumuu'i nu hemput anu ko hii'nyo.

YEREMIA 4:3 ပူးပေါင်းရင်းမြစ်များ

KAJADIAN 3:18

Tano' mompotumuu'mo kuhat ka' anu ko hii'nyo anu o'oa'ije nu belemiu, ka' anu tumuu' i kuhat timbalimo kaanon miu.

NOSABATMO 23:11

Panyo i taun ko popitu'nyo tano' aijo' bolimo daagi' osu'ani. Sataun aijo' na kopinnyo belemiu madi' timbali mongala apa-apaa, anu mosi tumuu' i ale' nu belemiu aijo'. Bakasmo na aijo' da baumo bagi nu mian anu kasiasi, ka' tuha'nyo baumo bagi nu binatang anu ma'ela'. Baumo suele sumo aijo' na ale' nu anggur, ka' to kau-kau' zaitun anu nu belemiu.

HOSEA 10:12

Aku motatae, ‘O Israel! Pombau ale' na beleyum anu salaje obuka nu belemiu, sauimo bine' nu ka adilan ka'o padak na balakat, bukutinyo beleyum mongka'ima'i mae Aku totu-totu'u. Kalana tempo'nyomo na beleyum molio mae Aku, Tumpu nu beleyum. Aku tokamo mae ka momponjoo'mo balakat-Ku hi belemiu.’

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MATIUS 13:7

Daagi' mule' ko bine' anu nanabu' i totonga' nu tano' anu sompiniton. Sompinit anu hii'on aijo' tumuu' ka' mongepet anu sala'je tumuu' aijo' sampe ia mate.

MARKUS 4:7

Daagi' mule' ko bine' anu nanabu' i totonga' nu hemput anu kohii'nyo. Hemput anu kohii'nyo tumuu' ka' mongipidi sumpenyo anu sala'je tumuu' aijo' sahingga madi' mimbua'.

LUKAS 8:14

Bine' anu nanabu' i totonga' nu hemput hii'on, sumomo mian anu mohongo lele aijo', panyo bata-bata i kantumuu'an nu aha, ka' mongindi tumuu' molabi ka' sanang i dunia aiya. Iwi-iwi' aijo' mompeedi aha sahingga madi' mohasinakon bua' matantu.

LUKAS 8:7

Daagi' mule' ko bine' anu ola nanabu' i uno nu hemput anu ko hii'nyo. Hemput mihii' aijo' tinumuu' hingga-hinggat tiba bine' aijo', ka' nombolungi sampe i nanggas.