YEREMIA 4:27 - KITAB NU TUMPU ALLA LELE MA'IMAI'

²⁷ Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)

YEREMIA 4:27 ပူးပေါင်းရင်းမြစ်များ

2 TAWARIKH 36:21

Sumo aijo'mo na tinimbali susumo apaa na anu pinoto'imo nu Tumpu hi Yeremia tukoonyo lipu' aijo' timbalimo tano' mateges 70 taun na kopinnyo salaku bau pombolosi taun-taun Sabat anu madi'mo kinali-kalinga.

NEHEMIA 9:31

Panyo kalana kalibosan nu Belento talalo ahi' daka', madi' ahi' pinojohok nu Belento kabai pinatean nu Belento na aha. Memang Belentomo na Tumpu Allah anu madi' ko gampanyo; Belento talalo ahi' mongkanonongi, saja' mongkalibosi!

YESAYA 17:6

Susumo kau' zaitun anu noko tipuanmo na bua'nyo ka' me tinontuha' pa' sangkuka itutuu'nyo nu panga'nyo sumo aijo'mo na Israel me sangkiding na miannyo na salamat. Aku, Tumpu, Tumpu nu aha Israel nompoto'imo.”

YESAYA 24:1

Tumpu monsilakaimo tano' sahingga mategesmo ka' mule' liingmo. Nu bali-balikakonmo na aita' kilitnyo nu tano' ka' mule' mongga'a-ga'atakonmo miana nu monjojoongi.

YEREMIA 18:16

Lipu' aiya pinotimbalimo nu aha tampat anu okabuhuk hondo ka' saja'mo timbali bau sisik anu okokojoi. Iwi-iwi' na anu motulu ikiijo' mahalilokanmo ubak kalana mabuhukmo.

YEREMIA 25:11

Songko-songko na lipu' aiya Ku pojohokmo da hansunmo ka' liingmo. Bansa-bansa anu mompaha ohani saidi' mae tulutmo hi tomundo' Babel pitumpulu' na taun na kopinnyo.

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

YEREMIA 4:20

Balaa' me saja' tinoka mae nohansunimo songko-songko na lipu'. Monti-montiik ahi' kemahku ingideanmo, hudenyo iwi-iwi' pinaha bea-beakmo.

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 44:6

Mokonyo aijo' pinobuntung-Kumo na tambuha'-Ku tiba idek nu kinyonyang-Ku hi kota-kota' Yehuda tiba jalan-jalan kiijo' i Yerusalem. Iwi-iwi' pinapung-Kumo sahingga tinimbalimo ihansun ka' kinunmo susumo anu tinoamo tempo' uuka aiya.

YEREMIA 46:28

Jadi bolimo daagi' mabuhuk, o mian anu palesayamo hi beleng-Ku Aku tokamo mae momposalamat belemiu. To bansa-bansa, tampat pipinongga'a-gaa'takonan-Kumo belemiu iwi-iwi' Ku silakaimo, panyo belemiu na madi' ahi' sumo aijo'. Memang belemiu madi' ahi' bebas ihukuman panyo hukuman-Ku anu onabu'akon hi belemiu na adin ahi' madi' mompahasala' tiba anu tinantukanmo. Aku, Tumpu, notataemo.”

YEREMIA 5:10

Ku saimo na sampobalinyo da nu ideimo nu aha na ale' nu anggur nu aha, panyo madi' ahi' da mohopu'imo aha. Ku palentahmo na sampobali'nyo aijo' da montutu'i panga' nua anggur nu aha kalana panga'nyo haha aijo' misa' anung-Ku.

YEREMIA 5:18

Tumpu notatae, “Maumo ahi' sumo aijo' toka itempo' aijo' mian anu palesayamo hi beleng-Ku madi' ahi' Ku hopu'i.

YEREMIA 7:34

Lipu' aiya saidi' mae timbalimo padang tampat anu kunmo. Lewo'nu mian anu lame' tiba lewo' nu mian anu nombaumo bau-bauon nonika' Ku pobelentimo i kota-kota' Yehuda tiba i to jala-jalan nu Yerusalem.

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MOHAANGI 2:7

Tumpu madi'mo nontalima mezbah-Nyo anu susi-susi' aijo' ka' nompala'imo Laigan-Nyo; pinojohok-Nyomo na sampobali' nohobo'akon pagannyo mesen iwi-iwi'. Itampat naipuan mae pogalejaan ka' mombau-bauon, sampobali' lewa'mo nolo ais kalana inguntungmo na nahampate.

YEHEZKIEL 11:13

Hau-haunyo aku montaloakon potatae aijo', monti-montiik ahi' i Pelaca notua'mo ka' sinilakamo. Sahingga aku mule' tinolodadupumo nonsombah ka' notatae daka-daka', “Ibeh Tumpu Anu Matangkas na Kuasanyo! Pa' iwi-iwi' na Israel anu tinon tuha' aiya nu pateimo nu Belento?”

YEHEZKIEL 20:17

Panyo lapas aijo' Aku po ule'mo nolibos hi aha sahingga aha madi'mo tinotu'uan-ku pinatean ipadang tampat anu kaho bone'nyo aijo'.

YEHEZKIEL 33:28

Lipu' aijo' Ku pojadimo padang tampat anu mateges ka' liingmo, ka' kakuasa'an nu kabubunakon nu aha aijo' mingkotmo. To bungku-bungkutnyo nu Israel timbalimo liing hondo, sahingga madi' ko mian anu baani motulu ikiijo'.

YEHEZKIEL 6:14

Memang Ku tangkakonmo na limang-Ku ka' mohansunimo lipu' nu aha, sahingga timbalimo liing hondo lengkat pe'e mae itampat anu Mateges sasu Salatan toka-toka ikota' Ribla anu isasu utara. Itampat-tampat anu nu jojoongi nu aha mian Israel madi' ko samian na anu oposalamat. Sahingga nu sumbu'je nu aha mian iwi-iwi' taalu' Akumo ahi' na Tumpu.”

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

IMAMAT 26:44

Panyo mau mule' daagi' kiijo' mae i lipu' nu anu monsampobali', aha madi' Ku pojohok kabai Ku silakaimo iwi-iwi'! Kalana de aha Ku silakaimo Aku madi'mo montotu'ui palajanjian-Ku hi aha, padahan Aku aiya Tumpu, Tumpu Allah nu aha.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.