YEREMIA 4:23 - KITAB NU TUMPU ALLA LELE MA'IMAI'

²³ Sasu aiya idunia tinanggalakonku, ka' tinoangku ilongkangmo ka' kinantisanmo, sasu mokiita' ilangit sinindangku, paya', madi'mo najingka.

YEREMIA 4:23 ပူးပေါင်းရင်းမြစ်များ

KAJADIAN 1:2

dunia ma'isa osumbu-sumbu' na timpasanyo, ka' daagi' mogogalo'an. Ndalangon saja' mimbokon daka-daka' ka' songko-songko nuleetabimo, ka' pikat hondo songko-songko, panyo kuasa nu Tumpu Allah na mongkuasai bawo nu uee.

YESAYA 13:10

Toto saangu' na mandala ka' gombuan nu mandala' madi'mo daagi' kojingkanyo; batu nu sinaa pikatmo de ia bete'mo mae, ka' mule' bitu'on madi'mo daagi' majingka mae.

YESAYA 5:30

Toka isinaa aijo' songko-songko na Israel kahongoanmo na ais nu anu mahampate sumomo buhok nu bokon da ko daka'nyo. Soba toa songko-songko na lipu' aijo' pinikatmo ka' mule' nompaha genso-gensotmo. Jingka pinikatmo hondo.

YEREMIA 2:12

Kalana aijo', o langit, tolotanggamo! Bangangmo ka' langkakatanmo!

YEREMIA 9:10

Aku, i Yeremia notatae, “Aku humangmo ka' susamo na kinyonyoa kalana padang tampat nu hemput anu mateges ka' aita' ibungkutnyo iwi-iwi' anu nanggasmo kinumahengkengmo ka' mule' madi'mo tinulu nu mian. Lewo' nu potuu'on madi'mo daagi' ko anu ihongo, binatang anu lumahap tiba binatang-binatang sangga'at nopalaimo ka' imadi'anmo.”

MOHAANGI 3:2

Nompaka pajo'onmo na aku i hela'-Nyo namba i tampat anu pikat hondomi'.

YOËL 2:10

Hau-haunyo aha mongahopimo tano' i lakatnyomo, ka' langit suele ilakatnyomo. Lantas pinikatmo na batu nu sinaa ka' bitu'on ka' jingka nu to manda-mandala' i madi'mo.

AMOS 8:9

De tokamo na tempo'nyo. Ku bauje na batu nu sinaa sonsu-sonsu'un ia makakinsapmo ka' dunia timbalimo pikat padahan sonsu'un na sinaa. Aku na Tumpu Anu Matangkas na Kuasanyo anu notataemo.

ZAKHARIA 14:6

De sinaa aijo' tokamo mae madi'mo daagi' ko tempo' nu bakin kabai eis.

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.