YEREMIA 4:22 - KITAB NU TUMPU ALLA LELE MA'IMAI'

²² Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 4:22 ပူးပေါင်းရင်းမြစ်များ

KAJADIAN 39:16

Lantas bengkele' i Potifar nonguna'mo juba' aijo' sampe langkai'nyo ninsusule' mae.

2 SAMUEL 13:3

I Amnon ko bela'nyo samian anu pande hondo, sanggonyo i Yonadab, anak i Simea utus tu'a i Daud.

MAZMUR 36:3

Ia monsangka butongnyo ihebatmo hondo, sahingga madi'mo nu oa'i na kasala'annyo ka' madi' ahi' nu ka'ideki na palabuatannyo.

MAZMUR 36:4

Potataenyo saja' anu toto ide-idek ka' kaho potatae anu mongakali ia madi'mo daagi mombau anu ma'ima' ka' madi'mo montiho kalakuan nu mian anu pande.

MAZMUR 53:4

Panyo iwi-iwi' na mian noteba'mo na kinyonyoa nu aha ka' pinalagantamo, madi'mo daagi' ko samiannyo na nombau anu ma'ima'.

MAZMUR 82:5

Belemiu madi' ko anu opisumbu-sumbu', ponga' ka' sala' na bapikin, kalana belemiu, sahingga atulan nu kantumuu'an nu mian da'isan tinabuntala'mo.

AMSAL 28:5

Ka'adilan madi' nu sumbu' nu mian palaganta, panyo mian anu monsombah Tumpu, totu-totu'u monsumbu' ka'adilan.

YESAYA 1:3

Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 13:23

Te toho' mule' mian anu mo itom timbali mombali'i buhit nu kilitnyo, kabai harimau moko ala mongalini belongka'nyo? Tantu madi' ahi'! Sumo aijo'mo na belemiu anu biasamo mombau palabuatan anu ma'idek, susa'mo hondo na mombau palabuatan anu ma'ima'.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 4:21

Sampe toka hipian na aku tionyo monsakisi mian mahampate taha-tahahumo? Sampe toka hipian na tionyo aku mohongo onyi' nu tolompet anu talalomo na onyi'nyo?

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEREMIA 5:4

Aku binapikinmo, “Ah aha olamo ahi' mian popololo anu madi' monsumbu' apa-apaa. Aha mombau apa-apa ponga' kalana madi' osumbu' pa' apaa na anu okahanda'i ka' pa' apaa na anu nu tuntut nu Tumpu Allah hi aha.

YEREMIA 9:2

Uuka aiya ipadang tampat anu mateges timbali ku kabot na tampat sinso'an male' nu mian anu ilumambanan! Sahingga ku pala'imo na bansangku ka' malaimo mamba kiijo' mae da matikojo'onmo madi'mo ohani hi aha. Aha iwi-iwi' saja' mombau palabuatan anu ma'idek sa'angu' na posa'angu'an nu mian anu madi' tulu-tulutan,

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

YEREMIA 9:5

Iwi-iwi' mompaha aka-akalimo madi'mo ko anu motatae sahondo-hondonyo. Nganga' nu aha kinobisa'nyomo nu baleko' madi'mo nu poko pala'i nu aha na dosa' nu aha. Buhingison nompaka buhingisonmo mongakali nompaka pongakalimo sabole-bolemo saja nu bau nu aha aha madi'mo hondo-hondo montalima Tumpu.

YEHEZKIEL 16:30

Tumpu Anu Matangkas na Kuasanyo notatae, “Iwi-iwi' aijo' binaumo nu beleyum susumo mian anu saja' masala' mai-madi'mo monsumbu' ambang.

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 5:4

Palabuatan ma'idek anu binaumo nu mian Israel nonsaduakonmo aha madi'mo po ule' namba hi Tumpu Allah nu aha. Aha kinuasanmo hondo nu monsombah pilogot sahingga aha madi'mo daagi nompajuli Tumpu.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

MIKHA 7:3

Iwi-iwi' aijo' pande hondo na mombau palabuatan anu ma'idek. Mian anu ko pangkatnyo tiba mian kopian momoita doi bau ponsogo' ka' to tu'a-tu'anyo mompakisakon pongka'oho' nu aha, sumo aijo' na aha nombau kasangaja'an hingga-hinggat.

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”

YOHANES 16:3

Aha mombau sumo aijo' hi komiu kalana aha ma'isa monsumbu' Tuuma tiba suele Aku.

ROMA 1:22

Aha mongoa'i butong pande, yo aitu aha ponga'.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 16:19

Iwi-iwi' na mian nonsumbu'mo, komiu mohongo-hongo hondo pangajalan mongkona Lele Ma'ima' anu nolengkat mae hi Tumpu. Ka' aku mule' sanang i han anu sumu aijo' hi komiu. Kugagan da komiu pande i hahan anu ma'ima', ka' ponga' i hahan anu ma'idek.

ROMA 3:11

madi' ko samian pe'e na anu monsumbu' ka' madi' ko samian pe'e na anu monsombah hi Tumpu.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

PO'ULE' INGULIT 32:28

Israel sa'angu' na bansa anu madi' ko pikilan; aha madi' monsumbu' mongalati'i.

PO'ULE' INGULIT 32:6

Te sumo aijo' na belemiu mombalosi kanonongan nu Tumpu, o to mia-mian anu pinonga'mo ka' madi'mo ko utoknyo? Te misa' Iamo aijo' na Tuuma nu belemiu, anu Nompotimbalimo belemiu, anu nompojadimo belemiu sa'angu' na bansa?