YEREMIA 4:20 - KITAB NU TUMPU ALLA LELE MA'IMAI'

²⁰ Balaa' me saja' tinoka mae nohansunimo songko-songko na lipu'. Monti-montiik ahi' kemahku ingideanmo, hudenyo iwi-iwi' pinaha bea-beakmo.

YEREMIA 4:20 ပူးပေါင်းရင်းမြစ်များ

MAZMUR 42:7

Itano' pinomboan mae aiya kinyonyoangku nohintutumo hondo, kalana aijo' aku tinonginau'mo hi Tumpu. Santuu'ku na'anjumo isolok nu kasusa'an aku inganjuhakonmo nuiaba' mompokalangkabut; sumomo ahi' buhok nu uee Kaunyo nu Yordan itampat anu masolok lengkat mae i bungkutnyo nu Hermon tiba Bungkutnyo nu Mizar.

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 15:5

Aku molibosmo hi aha Moab! Mian anu jojoong ikiijo'nopalaimo namba ikota' Zoar tiba Eglat-Selisia. Daagi' ko anu nindako nontulu jalan mamba i Luhit ka' sola' humang; daagi' ko anu nalai namba i horonaim ka' sola'mo molokihis kalana tinokanmo nu balaa'.

YESAYA 33:20

Tonto'i na Sion tampat bau polame'akonanto lamean nu agama. Tonto'i na Yerusalem! Madi' hondo ko anu mompoposia na tampat aijo' bau kajojoongan sumomo ahi' kemah anu madi' toho' ilali-alin, pinontotoli madi' toho' ginautakon, ka' kahohonnyo madi' toho' nobotu'.

YESAYA 47:9

Panyo ola sasaingoni' i uno nu sansinaa, ohu-ohua' na han aijo' monsainjadi-jadimo hingga-hinggat. Maunyomo ahi' beleyum mompakemo ponsumbu'an tiba do'a-do'a, langkai' nu beleyum tiba anak nu beleyum ohahumbitakonmo ahi' hoso-hoson.

YESAYA 54:2

Po'ewamo na kema kajojoongan nu beleyum; pomantan na ponsegotinyo ka' pohoson na pontotolinyo!

YEREMIA 12:11

Ya, tinoang-Kumo na aha nompojadi lipu'-Ku tampat anu iliingmo hondo ka' nonsusa'imo kinyonyoang-Ku. Iwi-iwi' madi'mo ko anu nongkalesang, madi'mo ko anu nompalahatikan.

YEREMIA 17:18

O'amalakon da anu mololoi' mae ka' anu momposansala' mae aku, nu popo ambangmo nu Belento ka' nu popo buhukmo hondo nu Belento. Panyo boli ahi' mombau sumo aijo' hi belengku, o Tumpu. Potokamo mae na balaa' hi aha sampe aha hansunmo ahi' silaka iwi-iwi.

YEREMIA 4:21

Sampe toka hipian na aku tionyo monsakisi mian mahampate taha-tahahumo? Sampe toka hipian na tionyo aku mohongo onyi' nu tolompet anu talalomo na onyi'nyo?

YEREMIA 4:27

Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)

YEREMIA 4:6

Potiju' na jalan mamba i Sion, puge'nyo nu Tumpu, palia-lia'mo popalai boli ola momohokot. Tumpu mompotokamo mae balaa' ka' kahansunan anu daka' hondo lengkat mae isasu utara.

YEREMIA 9:18

Mian nu Yehuda notataemo, “Pokaumo na aha da sampamo monyanyiakon nyanyian anu onyanyi de ko anumo silaka, da kita iwi-iwi' mohongo, da lumelepmo mae na lolu'to mohumpisi gagisingto.”

MOHAANGI 3:47

kami tinuda'an nu kasansala'an ka' kahansunan, ka' tinumuu'mo i uno nu balaa' ka' kabuhukan.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

IMAMAT 26:18

De lapasmo na mongoa'i hukuman aijo' iwi-iwi', belemiu ma'isa ahi' montuluti Aku, hukuman nu belemiu Ku paka tuangimo lipat pimpitun.

IMAMAT 26:21

De belemiu tataap panggaga hi beleng-Ku ka' madi'mo montuluti Aku, saba' hukuman nu belemiu Ku paka tuangimo mule' lipat pimpitun.

IMAMAT 26:24

saba' Ku dokemo na belemiu ka' mohukumo belemiu pimpitun lipat lebemo maboat molingkudui anu uuka mae momona.

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

HABAKUK 3:7

Tinoangku na mian da'isan nu aha Kusyan tinokanmo nu buhuk, ka' aha mian nu Midian ilakatnyomo.

NOMBILANGMO 16:21

“Pala'i na mian haha aijo'; Ku pateimo na aha uuka aiya.”

NOMBILANGMO 16:45

“Lako' pala'i na mian haha atina'. Ku silakaimo na aha i tampat atina'!” Ua-ua'aha aijo' tinolodadupumo ka' nonsombah

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;