YEREMIA 4:10 - KITAB NU TUMPU ALLA LELE MA'IMAI'

¹⁰ Lantas aku notataemo, “Tumpu Anu Matangkas na Kuasanyo, Belento nongakalimo mian nu Yehuda tiba mian anu jojoong i Yerusalem! Belento notataemo, koonto saidi' mae ko kadameanmo, padahan uuka aiya nyawa mami opateimo nu bajak.”

YEREMIA 4:10 ပူးပေါင်းရင်းမြစ်များ

NOSABATMO 5:22

Lantas i Musa po'ule'mo nangadap hi Tumpu ka' notatae, “O Tumpu, kadaka' bansa Israel talalomo Nu bau ide-idek sumo aiya? Kadaka' Belento nonsaimo mae aku no uuka mae?

NOSABATMO 9:14

Uuka aiya Aku mompotokamo balaa' misa' ola hi aha mian anu ko pangkatnyo ka' hi layat, panyo suele hi belento, da nusumbu' nu belento taalu' madi' ko anu moko ala mompokakanai Aku i songko-songko na dunia.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 63:17

O, Tumpu kadaka' Nu pojohokmo mae na kami sala' na palabuatan mami? Kadaka' Belento mompobakasmo kinyonyoa mami sahingga kami madi'mo mongkabuhuk Belento? Pinsusule'mo mae, o'inau' ahi' na to posa-posaihon nu Belento O, inau' ahi' mae na mian anu palesayamo hi Belento anu Belentomo na tumpunyo.

YEREMIA 1:6

Aku nontaamimo, “O Tumpu Anu Matangkas Na Kuasanyo, aku madi' peletan na motatae kalana aku daagi' anak.”

YEREMIA 23:17

Kona hi to mia-mian anu madi' ka'oho' mompotombihing potataeng-Ku, aha saja' montaloakon, ‘Belemiu salamatmo.’ Ka' hi toto samian anu panggaga hondo aha montaloakon, ‘Beleyum madi' mule' mohumpak balaa'.’ ”

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

YEREMIA 4:18

O Yehuda posi beleyumo na nompotoka mae balaa' aijo' hi posi butong nu beleyum. Bau-baunyo nu kantumuu'an nu beleyum tiba palabuatan-palabuatan nu beleyum nonsaduakonmo iwi-iwi' na kansalasala'an aijo' anu nonsusukmo kinyonyoa nu beleyum.

YEREMIA 5:12

Mian anu palesayamo hi Tumpu nontaloakonmo han anu madi' totu'u hi Tumpu. Aha nontaloakon, “Ah, Ia madi' mule' mombau apa-apaa. Kita madi' mule' nu kona nu balaa' ka' madi' mule' monta'up pahampatean kabai kasusa'an i anu okaan.

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 8:11

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah madi' mule' mongkuka,’ aha notatae, ‘iwi-iwi' ma'ima' ka' madi' ko anu mompoposia'.’ Padahan madi' ahi' sumo aijo'.

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

YEHEZKIEL 11:13

Hau-haunyo aku montaloakon potatae aijo', monti-montiik ahi' i Pelaca notua'mo ka' sinilakamo. Sahingga aku mule' tinolodadupumo nonsombah ka' notatae daka-daka', “Ibeh Tumpu Anu Matangkas na Kuasanyo! Pa' iwi-iwi' na Israel anu tinon tuha' aiya nu pateimo nu Belento?”

ROMA 1:24

Mokonyo aitu Tumpu nompojohokmo aha nukuasai nu anu okamilui nu kinyonyoa nu aha da mombau anu mahenyu, sahingga aha mombau anu to ide-idek kona hi sangko mian.

ROMA 1:26

Kalana mian nombaumo anu sumo aijo', sahingga Tumpu Allah nompojohokmo aha mombatuki napisu nu aha anu moko ambang. To boboune nu aha madi'mo mongka'ima'i to momo'ane nu aha susumo ahi' biasanyo hi mian, panyo mongka'ima'imo bubuu' sangko boune.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.