YEREMIA 4:1 - KITAB NU TUMPU ALLA LELE MA'IMAI'

¹ Tumpu notatae, “O mian Israel, de belemiu mongka'oho' mae minsusule' hi beleng-Ku. Alin pe'e mae na pilogot anu Ku ka'ideki aijo', ka' tulu-tulutanmo ahi' hi beleng-Ku.

YEREMIA 4:1 ပူးပေါင်းရင်းမြစ်များ

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

2 TOMU-TOMUNDO' 23:13

Ka' suele mezbah haha aijo' anu i sasu kabete'an Yerusalem, i sasu salatan Bungkutnyo nu Ka'idekan i humimi'anmo. Mezbah haha aijo' binau i Tomundo' Salomo bau ponsomban to pilo-pilogot anu mahumimi' – aijo'mo Asytoret pilogot boune bansa Sidon, Kamos pilogot nu bansa Moab, tiba Milkom pilogot nu bansa Amon.

2 TOMU-TOMUNDO' 23:24

Mompojalan atulan haha aijo' anu tinulismo i uno nu kitab anu i humpak i Imam Daka' Hilkia kiijo' i Laigan nu Tumpu, iwi-iwi' na anu lewa' montunde' tominuat ka' anu lewa' montahi'i i laa'mo i Tomundo' Yosia da boli jojoong i Yerusalem ka' i songko-songko na Yehuda, lantas ia nongalinmo iwi-iwi' na pilogot ka' to bala-balang anu opake monsombah to pilo-pilogot.

2 TAWARIKH 15:8

Salatan i hongomo i Asa na potatae i Azarya anak i Obed aijo', binaanimo na kinyonyoanyo, pinaha alinnyomo na bapilogotan anu aijo' i lipu' Yehuda, ka' Benyamin tiba anu kiijo' i to kota-kota' anu pinatundu'nyomo anu aita' mae i bungkutnyo nu Efraim. Lantas pinoko ima'annyomo na mezbah nu Tumpu anu kiijo' i popasan nu Laigan nu Tumpu.

2 TAWARIKH 33:8

De mian nu Israel montuluti iwi-iwi' na palentah-ngKu ka montuluti to atu-atulan anu binee'mo i Musa posaihon-Ku aijo' hi aha, saba Aku madi' mompojohok aha olaa' da madi'mo jojoong i lipu' anu binee'kumo hi mompolee' nu aha.”

2 TAWARIKH 34:33

To pilo-pilogot anu toto henyu-henyu anu kiijo' i iwi-iwi na tampat anu minsoop da'erah nu Israel, iwi-iwi' ingideanmo i Tomundo Yosia. Lantas pinokemannyomo da iwi-iwi' na mian monsombahmo Tumpu, Tumpu Allah nu mompolee' nu aha. Sahingga tempo'nyo i Yosia daagi' tutuu', mian da'isan saja'mo sabole-bole tinulu-tulutan hi Tumpu.

YESAYA 31:6

Tumpu notataemo, “O, bansa Israel, belemiu madi'mo nohongo-hongo mae Aku ka' binaladosa'mo hi beleng-Ku. Panyo uuka aiya po ule'mo mae toka hi beleng-Ku!

YEREMIA 15:19

Tinaaman mae nu Tumpu, “De beleyum po ule'mo mae minsusule', Ku talimamo na beleyum. Beleyum po ule'mo timbali posaihon-Ku. De beleyum mombebakonmo hahan anu mingkaliangan ka' misa' ahi' ola anu madi' totu'u saba' beleyum timbali poule' jadi nabing-Ku. Aha to mian-mian toka mule' mae hi beleyum, ka' madi'mo palaluu' beleyum mamba hi aha.

YEREMIA 15:4

Ku pojadimo na bansa iwi-iwi' idunia aiya meatmo na montoa aha. Iwi-iwi' aijo' Ku pojadimo kalana palabuatan i Manasye anak mo'ane i Hizkia kiijo' i Yerusalem salatan ia jinadimo tomundo' nu aha Yehuda.”

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 25:5

Aha nompalentahmo belemiu da mompala'imo palabuatan nu belemiu anu ma'idek atina' ka' saja-saja'mo mombau dosa', da belemiu tataapmo jojoong ilipu' aiya anu binee'mo nu Tumpu hi belemiu ka' hi mompolee' nu belemiu salaku bau pusaka' nu belemiu.

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEREMIA 3:12

Tumpu nompalentahmo mae aku da mamba mompoto'i han aiya hi aha Israel: “O Israel anu madi' tulu-tulutan, pinsusule'mo mae hi beleng-Ku! Aku talalo hondo mongkalibosi ka' madi' saja'mo montambuha'i beleyum.

YEREMIA 3:14

Tumpu notatae, “O mian anu madi' tulu-tulutan pinsusule'mo mae hi beleng-Ku! Belemiu Akumo na tumpunyo. Aku mongalamo belemiu toto samian isa'angu' na kota' ka' mule' toto ua'aha isa'angu' na tulunan nu bansa ka' po ule'mo momboa belemiu i Puge'nyo nu Sion.

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 36:3

Ugaat mian nu Yehuda belentimo na mombau palabuatan anu ma'idek de aha mohongomo iwi-iwi' na balaa' anu Ku pokona hi aha. Sahingga ku ampunimo na dosa' tiba palabuatan nu aha ma'i-ma'idek aijo'.”

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 7:5

Bali'imo na jalan nu kantumuu'an nu belemiu tiba kalakuan nu belemiu. Obau ahi' na ka adilan hi samian ka' toka mule' hi samian.

YEREMIA 7:7

De belemiu mombali'imo jalan nu kantumuu'an nu belemiu tiba kalakuan nu belemiu ka' mule' madi'mo mombau iwi-iwi' aijo', Ku pobee'mo na belemiu tataap jojoong ilipu' aiya anu binee'-Kumo salaku tano' pusaka' hi mompolee' nu beleyum.

YEHEZKIEL 11:18

De aha minsusule'mo mae, iwi-iwi' na pilogot anu mahumimi' ka' okahegati tionyo ahi' nu alin nu aha na anu ingalamo nu aha.

YEHEZKIEL 18:13

Ia momposaboli mian panyo mongala bunganyo Pa' mian anu sumo aijo' opotumuu'? Tantu madi'! Kalana ia nombaumo iwi-iwi' na palabuatan anu ma'idek ka' anu okahegati aijo' jadi ia tionyo silaka! Ia silaka kalana posi palabuatannyo ahi'.

YEHEZKIEL 43:9

Panyo otampu'uni uuka aiya aha tionyo ahi' bolimo daagi' monsombah pilogot ka' molalinmo ahi' bangke' nu to tomu-tomundo' nu aha. Lapas aijo' Aku jojoongmo ahi' itotonga' nu aha sampe toka sidu-sidutu'.”

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

HOSEA 7:16

Aha lasaja mombatuki topilo pilogot anu madi kokuasa apa-apaa. Aha madi bisa otahaimani sumo panah anu madi mayontok. To tana tanaas nu aha la saja motatae sombong. Mokanyo aitu aha tionyo opatei nu bajak ka nu kokojoi nu tomia mian nu Mesir.”

YOËL 2:12

Tumpu notatae, “Panyo uuka aiya pinsusule'mo mae hi beleng-Ku ka' totu-totu'unyomo ahi' na kinyonyoa, ka' bapuasa'mo, tumando' ka' humangmo.

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.

PO'ULE' INGULIT 27:15

Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

PO'ULE' INGULIT 4:30

De belemiu nutokai nu balaa' aijo' iwi-iwi' ka' belemiu i uno nu kasusa'an, saba' belemiu minsusule'mo hi Tumpu Allah nu belemiu ka' tulu-tulutanmo hi Ia.

YOSUA 24:14

“Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.

TO MIA-MIAN KOPIAN 10:16

Lapas aijo' ingalinmo nu aha iwi-iwi' na patong bapilogotan, lantas nonsombahmo Tumpu Allah. Sahingga Tumpu Allah nolibosmo na nontoa aha i uno nu kasansala'an aijo'.

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”