YEREMIA 39:5 - KITAB NU TUMPU ALLA LELE MA'IMAI'

⁵ Panyo suludadu nu Babel nololoi'mo aha ka' nohakopmo i Zedekia i hatanyo nu Yerikho. Lantas ia binoamo hi Tomundo' Nebukadnezar ikota' Ribla idaerah Hamat, lantas binee'anmo hukuman mate.

YEREMIA 39:5 ပူးပေါင်းရင်းမြစ်များ

2 SAMUEL 8:9

I Tomundo' Tou anu kiijo' mae i Hamat nohongomo lele nu aha suludadu i Hadadezer iwi-iwi' pinatundu'mo i Daud.

2 TOMU-TOMUNDO' 17:24

Salaku pinombolosi mian nu Israel anu binoamo nokiijo' ka' pinojoongmo kiijo' mae, i tomundo' nu Asyur nompojoongmo mian i kota' Samaria haha aijo' anu lengkat mae i Babel, Kuta, Awa, Hamat, ka' Sefarwaim. Mian haha aijo' nonjojoongimo kota' haha aijo' ka' tinataapmo i kiijo'.

2 TOMU-TOMUNDO' 23:33

I Yoahas madi'mo nompalentah salatan i Nekho tomundo nu Mesir nohakopmo ia kiijo' mae i Ribla i da'erah Hamat, ka' binoamo nu aha ka' nompakisamo Yehuda nombayan hasin hi ia konjoo'nyo 3.400 kilogram na salaka tiba 34 kilogram na mosoni'.

2 TOMU-TOMUNDO' 25:6

Lapas aijo' i Tomundo' Zedekia binoamo hi Tomundo' Nebukadnezar i kota' Ribla, lantas pinokonanmo hukuman.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

YESAYA 22:3

Iwi-iwi' na talenga' nu belemiu nopalaimo ka' ihakopmo padahan aha ma'isa pe'e kino kasampatan nompeletakon pana' nu aha. Iwi-iwi' na mian anu toto hoso-hoson atina' hi belemiu ihakopmo suele maumo ahi' aha nopalaimo jo'o-jo'on.

YEREMIA 21:7

Beleyum tiba aha mian anu kopangkatnyo ka' mule' anu madi' silaka i uno nu pahampatean, kasusa'an i anu okaan, tiba panyakit anu molele, iwi-iwi' Ku pojohokmo da nu hakop i Tomundo' Nebukadnezar tibamo sinin na sampobali' nu belemiu anu kahanda'mo mompatei belemiu. Nu pateimo i Nebukadnezar na belemiu iwi-iwi' madi'mo daagi' ko ampunnyo ka' mule' madi'mo daagi' kokalibosan. Aku, Tumpu notataemo.”

YEREMIA 24:8

Panyo i Zedekia tomundo' nu aha Yehuda tibamo aha mian anu ko pangkatnyo ka' anu ohani hi ia, ka' mule' tuha'nyo nu mian Yerusalem anu sinatataapnyo ilipu' aiya kabai nolalinmo namba i Mesir, aha iwi-iwi' Ku baumo susumo bua' nu kau' ara anu toto mahu-mahutak aiya, anu madi'mo timbali okaan. Aku, Tumpu notataemo.

YEREMIA 38:18

Panyo de beleyum madi' ahi' tundu', saba' kota' aiya nu kuasaimo ahi' nu aha Babel. Nu papumo nu aha sampe motanggot ka' suele beleyum madi'mo daagi' tumuu'.”

YEREMIA 38:23

Po ule' mule' aku notatae, “Iwi-iwi' na anak tiba bengkele' nu belento Tomundo' osabatakonmo ka' oboamo hi aha Babel. Belento Tomundo' madi'mo daagi' nupotumuu' nu aha. Belento Tomundo' nu hakopmo i tomundo' Babel, ka' kota' aiya opapumo sampe motanggot.”

YEREMIA 4:12

panyo mombun anu makansang hondo anu toka mae atas palentah nu Tumpu da mombee'imo hukuman hi aha mian anu palesayamo hi Ia.

YEREMIA 44:30

I Hofra tomundo' nu aha Mesir Ku bee'mo hi sampobali' nu aha anu ko kahanda'mo mompatei ia, susumo Aku nombee'mo i Zedekia tomundo' nu aha Yehuda hi Nebukadnezar tomundo' nu aha Babel, sampobali'nyo kokokahanda'mo mompatei ia aijo'.”

YEREMIA 49:23

Sumo uuka na koo-Nyo nu Tumpu na aha Damsyik. “Mian anu jojoong ikota' Hamat tiba Arpad binata-batamo ka' nangada'mo bau nu buhuk kalana nohongomo lele anu madi' ma'ima'. Kinyonyoa nu aha kinalangkabutmo ka' madi'mo tinenda susumo bokon nu ambai.

MOHAANGI 1:3

Mian anu jojoong i Yehuda nompala'imo lipu'nyo kalana binotuananmo ka' talalomo sinansala. Uuka aiya aha jijojoongmo i to bansa-bansa madi'mo ko tampat anu pohumpakan kadamean ka' kasanangan. Sampobali' nontumbuhimo aha tempo'nyo aha sinansalamo.

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

YEHEZKIEL 23:24

Aha tokamo mae montumbuhi beleyum lengkat mae isasu utara, suludadu nu aha manjoo' hondo tiba kareta-kareta anu bau pahampate, ka' mule' kareta-kareta anu momboa mantu. Kanta tiba songko anu ko aja' na mongkukubi aha de aha montumbuhimo beleyum. Ku pojohokmo na aha da mombee'imo hukuman hi beleyum susumo koonyo nu atulan nu aha.

HABAKUK 1:7

Iyaya mae aha mompopo buhukmo; Aha takabun hondo madi' montalima iwi-iwi' na atulan, kasuali anu sosok tiba pongka'oho' nu aha.

NOMBILANGMO 13:21

Sahingga nambamo na mian haha aijo' i sasu utara ka' nondoyonimo ima-ima' lipu' aijo' tinampu'unan pe'e lengkat i padang bola Zin sasu selatan lantas nokiijo'mo sasu utara tinoka i kota Rehob, koko jalan mokiijo' i Hamat.

YOSUA 13:5

ka' mule' da'erah nu bansa Gebal, ka' iwi-iwi' na da'erah Libanon mompatui sasu kabete'an, lengkat mae i Baal-Gad sasu selatan Bungkutnyo nu Hermon, lau-laus mompatui toka-toka i jalan anu mamba i Hamat.

YOSUA 4:13

Iwi-iwi' 40.000 na to momo'ane anu ko toongon bau pahampate ka' hau-haunyomo mosadia mahampate. I ahop nu Tumpu, aha notaapmo namba i hatanyo koko Yerikho.

YOSUA 5:10

Hau-haunyo aha binakemahmo i hatanyo nu Gilgal madi'mo majo'on lengkat i Yerikho, aha mian nu Israel nolame'akonmo Paskah mamalom tanggal sampulu' ka' opat i bitu'on aijo'.

TO MIA-MIAN KOPIAN 3:3

Aha bansa-bansa anu daagi' jinojoong i lipu' aijo', aijo'mo: bansa anu jojoong i olima' na kota Anu aha mian Filistin, iwi-iwi' na bansa Kana'an, bansa Sidon tiba bansa Hewi anu jojoong i bungkutnyo nu Libanon, lengkat pe'e mae i Bungkutnyo nu Baal-Hermon toka-toka i jalan anu mamba i Hamat.