YEREMIA 39:4 - KITAB NU TUMPU ALLA LELE MA'IMAI'

⁴ Salatan tinoamo i Tomundo' Zedekia tiba iwi-iwi' na suludadunyo, iwi-iwi' na anu jinadimo aijo' aha binala usahamo nopalai namba i Bangka'nyo nu Yordan pihi-pihi aijo'. Aha nontulumo jalan anu monsahak taman anu kiijo' ilaigan nu tomundo', lantas nosabatmo nontulu sabatan daka' anu mompahaguntang tiba ohua' na pagan mesen itampat aijo'.

YEREMIA 39:4 ပူးပေါင်းရင်းမြစ်များ

2 TAWARIKH 32:5

Lantas i tomundo nompokopianimo kota da mahoson, pagannyo mesen pinokopianan, nompotinjomo laigan anu toto tangka-tangkas aita' i pagan mesen ka' mule' nombau sangga'at i sambiha'nyo nu kota. Ka' mule pinokopianannyomo na benteng anu binaumo i tano' anu tinambun sasu kabete'an i bahagian kota Yerusalem anu momonanyomo binau. Ia mule' nompalentahmo da mombau talombo' ka' kanta oponjoo'.

YESAYA 22:11

belemiu mombaumo ahi' kolam i uno nu kota'ka' o'iliakonmo ahi' mokiijo' na ueenyo lengkat mae ikolam pini-pininmo. Panyo belemiu madi' mompalahatikan Tumpu Allah anu pininmo na nontanga'i iwi-iwi' aijo' ka' anu nompotuka'mo kalaja aijo' sahingga jinadimo.

YESAYA 22:3

Iwi-iwi' na talenga' nu belemiu nopalaimo ka' ihakopmo padahan aha ma'isa pe'e kino kasampatan nompeletakon pana' nu aha. Iwi-iwi' na mian anu toto hoso-hoson atina' hi belemiu ihakopmo suele maumo ahi' aha nopalaimo jo'o-jo'on.

YESAYA 29:2

Panyo nu potokamo mae nu Tumpu na balaa' hi kota' aijo' sahingga mian molokihismo ka' mompele-pele'mo. Songko-songko na kota' aijo' sumomo ahi' mezbah anu kahomo baso'.

YEREMIA 32:4

ka' i Tomundo' Zedekia madi'mo daagi' luput. Ia obee'mo hi tomundo' Babel, ka' mangadapmo hi tomundo aijo' ka' mosi basale'mo tiba ia.

YEREMIA 32:5

Lapas mae i Zedekia oboamo i Babel ka' jojoongmo kiijo' mae sampe ia Ku hukumo. Maumo ahi' ia mahampatemo mongewa Babel ia madi' ahi' untung. Aku, Tumpu notataemo.”

YEHEZKIEL 12:12

I uno nu pikat tomundo' nu aha monsimbumo balunannyo ibekoannyo lantas mambamo. To mia-mian mombolo'imo pagan mesen da bau posabatannyo. Ia mongkukubimo matanyo sahingga madi'mo montoa-toa jalan anu nu tului.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

AMOS 2:14

Anu talalo hondo malia' na mopadeka', madi'mo ko ala mopalai; anu mahoson madi'mo mahoson. Ka' mian anu baani madi'mo noko posi posalamat butongnyo.

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.