YEREMIA 39:2 - KITAB NU TUMPU ALLA LELE MA'IMAI'

² Itanggan osio' bitu'on kino osio'nyomo, bitu'on kino opatnyomo, taun kinosampulu'nyomo ka' sa'angu' na i Tomundo' Zedekia nompalentah, pagan mesen nu kota' ihobo'akonmo nu sampobali',

YEREMIA 39:2 ပူးပေါင်းရင်းမြစ်များ

YEREMIA 1:3

Lapas aijo' Tumpu saja'mo notatae hi ia, lengkat pe'e tempo'nyo i Yoyakim anak i Yosia nompalentah sampe tinoka itaun kinosampulu'nyomo ka' sa'angu' na i Zedekia anak i Yosia nompalentah. Itaunmo aijo' bitu'onnyo anu kino olima'nyomo na mian anu jojoong i Yerusalem binoamo itampat pinompojoongan.

YEREMIA 32:1

Kakona itaun kinosampulu'nyomo na Zedekia tomundo' nu Yehuda nompalentah kakona mule' itaunmo kinosampulu'nyomo ka' ualu' na i Nebukadnezar tomundo' nu Babel nompalentah, Tumpu notataemo mae hi belengku,

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

YEREMIA 37:8

Lantas aha mian nu Babel tokamo mule' mae ka' montumbuhimo kota' aiya ka' mompatundu'mo ka' mompapuimo.

YEREMIA 5:10

Ku saimo na sampobalinyo da nu ideimo nu aha na ale' nu anggur nu aha, panyo madi' ahi' da mohopu'imo aha. Ku palentahmo na sampobali'nyo aijo' da montutu'i panga' nua anggur nu aha kalana panga'nyo haha aijo' misa' anung-Ku.

YEHEZKIEL 33:21

Itanggan olima' bitu'on kinosampulu'nyomo ka' taun kinosampulu'nyomo ka' ohua' tempo'nyo kami ihakop ka' binoa, samian anu noko popalai mae lengkat i Yerusalem tinokamo ka' nompoto'imo hi belengku tukoonyo kota' aijo' pinatundu'mo.

YEHEZKIEL 4:3

Soba ala na kuhon besak; ka' pokoko na kuhon besak aijo' i olot nu beleyum tiba kota' Yerusalem, o'anggap au' aitu kuhon besak aijo' sa'angu' na pimpi' besak. Lapas aijo' ahopimo na kota' aijo' au'aitu beleyumo ahi' na montumbuhi. Aijo'mo na timbali sa'angu' na ibalat kona hi aha bansa Israel.

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

ZEFANYA 1:10

Isinaa aijo', “Sumo aijo' na koonyo nu Tumpu saidi' mae ohongoje na haang i Sabatan daka' Ikan. Lewo' nu tando' saidi' mae ohongomo lengkat mae ikampung anu sala'je binau ka' onyi' nu anu mohobo' daka' hondo kahongoanmo mae lengkat i iwi-iwi na puge'nyo.

ZAKHARIA 8:19

“Puasa' anu obau nu belemiu toka i bitu'on ko opatnyo, ko olima'nyo, ko popitu'nyo tiba ko sampulu'nyomo timbalimo sinaa anu olame'akon ka' obau bila-bilahi, ka' timbali kasanangan nu mian anu jojoong i Yehuda. Ka'ima'i na kahondoan tiba kadamean!”