YEREMIA 38:22 - KITAB NU TUMPU ALLA LELE MA'IMAI'

²² Tinoangkumo apaa na anu pinotoa aijo', aijo'mo to bou-boune iwi-iwi' anu daagi' kiijo' ilaigan nu tomundo' Yehuda sinabatakonmo ka' binoa hi to miamian anu ko pangkatnyo ikalaja'an Babel. Hau-haunyo lumajang aha notataemo, ‘I tomundo' ingakalanmo nu to soba-sobatnyo anu mompahakona hondo, ka' kinuasanmo nu aha. Uuka aiya salatan tengkenyo tinongkelejutmo i uno nu hensek, aha iwi-iwi' tinolosule'mo.’ ”

YEREMIA 38:22 ပူးပေါင်းရင်းမြစ်များ

AYUB 6:15

Panyo belemiu to sanga-sangalungku, madi'mo opalesaya ka' otaha'imani. Belemiu sumomo kaunyo anu no'otimo na ueenyo, de ujan madi'mo toho' tudun mae.

MAZMUR 41:9

Aha notatae, “Panyakitnyo tinadokmo hondo, ia madi'mo bisa po ule' mobula.”

MAZMUR 69:14

Panyo aku binalado'amo hi Belento o, Tumpu, o, Tumpu taami mae na aku i sa'angu' na tempo anu ma'ima'. Tulungi mae na aku kalana kalibosan nu Belento anu daka' hondo, ka' kalana kanonongan nu Belento.

MAZMUR 69:2

Posalamatakon mae na aku, o, Tumpu, kalana uee noliba'mo tinoka-tokamo i gogohongku.

YESAYA 42:17

Mian anu palesayamo hi patong nu pilogot, ka' mongakuimo ia salaku tumpu nu aha, saidi' mae o, alumo ka' mule' opopo ambangmo.”

YEREMIA 13:21

Daagi' apaa na anu otaloakon nu belemiu, de to mia-mian anu binaumo nu belemiu salaku sangalu nu belemiu, mompatundu'mo ka' mongkuasaimo belemiu? Memang belemiu mongoa'imo sakit susumo boune anu mohampeakon anak.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 27:14

Boli mompotombihing to nabi-nabi anu montewa belento Tomundo' tundu' hi tomundo' nu Babel, kalana aha mongakalimo belento Tomundo'.

YEREMIA 27:15

Aha nompoto'i tukoonyo nu aha, aha binasisik nompake atas sanggo nu Tumpu, panyo aha baleko'. Posi Tumpu ahi' na nontaloakon tukoo-Nyo Ia madi' ahi' nonsai mae aha. Kalana aijo' Nu ga'a-ga'atakonmo ka' mompateimo i Tomundo' tiba to nabi-nabi anu binaleko'mo hi Tomundo'.”

YEREMIA 38:19

Tinaaman i tomundo', “Ku kabuhuk na to mia-mian sangko bansanto anu nopalaimo namba naninggalum hi aha mian nu Babel. Boli-boli dumo aku obee'mo hi aha ka' osakisamo.”

YEREMIA 38:21

Panyo de belento Tomundo' madi' ahi' tundu', saba' Tumpu nompotoamo hi belengku apaa na anu saidi' mae jadi.

YEREMIA 41:10

Lapas aijo' i Ismael nohakopmo to lalangkoyang anak nu tomundo' ka' iwi-iwi' na mian anu daagi' i Mizpa anu binee'mo i Nebuzaradan da nu jagai i Gedalya. I Ismael nomboamo aha tiba ia hingga-hinggat nambamo i daerah Amon.

YEREMIA 43:6

To momo'ane, to bou-boune, to ana-anak, ka' to lalangkoyang anak nu tomundo' anu binee'mo i Nebukadnezar da nu jagai i Gedalya tibamo aku ka' i Barukh, iwi-iwi' binoamo i Mesir.

YEREMIA 46:21

Ka' mule' to sulu-suludadu anu sola' nu tamboi madi'mo noko ala nombau apa-apaa sumomo ahi' anak nu sapi' anu talalomo nolompo'. Aha madi'mo noko ala nontinjohakon. Iwi-iwi' ninsusule'mo ka' nopalaimo da salamat. Sinaa pohukumanmo aha tinokamo; tempo'nyomo na aha nu tuda'imo mae nu balaa'.

YEREMIA 46:5

Panyo Aku, Tumpu nontoamo aha ninsusule'mo mae kalana nabuhukmo. To sulu-suludadu nu aha pinatundu'mo mae ka' nopalaimo mae kalana nabuhukmo madi'mo daagi' nonsiloi hiku.

YEREMIA 6:12

Laigan nu aha obee'mo hi aha mian sangga'at, sumo aijo' mule' ale' tiba bengkele' nu aha. Mian anu jojoong ilipu' aiya Ku hukumo.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

MOHAANGI 1:13

Lengkat mae i langit tinudunakon-Nyomo mae na apu nompapui toka-toka' i uno nu butongku. Pinokona-Nyo na so'o i ahopku, sahingga aku kinonanyomo ka' notua'mo. Lantas pinojohoknyomo na aku ola sausa'ku, na nongoa'i sansala kopinnyo sansina-sinaa.

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MOHAANGI 5:11

To bou-boune i Sion pinasala'mo nu mian ka' to lalangkoyang ikampung-kampung Yehuda lewa'mo binia-biangakon.

MIKHA 7:5

Boli mompalesaya anu mompaha ohani laigan nu belemiu, boli montaha'imani sangko sangalu nu belemiu. Obala'ingati na belemiu motatae, mau mule' anu mohongo posi bengkele' nu belemiu.