YEREMIA 38:18 - KITAB NU TUMPU ALLA LELE MA'IMAI'

¹⁸ Panyo de beleyum madi' ahi' tundu', saba' kota' aiya nu kuasaimo ahi' nu aha Babel. Nu papumo nu aha sampe motanggot ka' suele beleyum madi'mo daagi' tumuu'.”

YEREMIA 38:18 ပူးပေါင်းရင်းမြစ်များ

2 TOMU-TOMUNDO' 24:12

Lantas i tomundo' Yoyakhin tiba tinanyo, to ana-anaknyo, to sulu-suludadunyo anu toto tangka-tangkas na pangkatnyo tiba to mia-mian anu ko pangkatnyo i Laigan nu tomundo' tinulutmo hi Nebukadnezar. Lantas i Yoyakhin i hakopmo ka' binoamo. Han aijo' jinadi i taun ko ualu'nyomo na i Nebukadnezar nompalentah.

YEREMIA 21:10

Noko tantukan-Kumo da mohansunimo kota' aiya ka' madi'mo daagi' mongkalibosi ia. Kota' aiya obee'mo hi tomundo' Babel; da nu papuimo sampe motanggotmo ingko-ingkot. Aku, Tumpu, notataemo.”

YEREMIA 27:8

Bansa kabai kalaja'an anu madi' ka'oho tondu' hi Nebukadnezar saidi' mae Ku hukumo nu pahampatean, kasusa'an i anu okaan, tiba panyakit anu molele, sampe bansa aijo' ahennyo tondu'mo hi ia.

YEREMIA 37:8

Lantas aha mian nu Babel tokamo mule' mae ka' montumbuhimo kota' aiya ka' mompatundu'mo ka' mompapuimo.

YEREMIA 38:23

Po ule' mule' aku notatae, “Iwi-iwi' na anak tiba bengkele' nu belento Tomundo' osabatakonmo ka' oboamo hi aha Babel. Belento Tomundo' madi'mo daagi' nupotumuu' nu aha. Belento Tomundo' nu hakopmo i tomundo' Babel, ka' kota' aiya opapumo sampe motanggot.”

YEREMIA 39:3

ka' Yerusalem pinatundu'mo. Jadi iwi-iwi' na mian anu kopangkatnyo hi tomundo' Babel tinokamo mae ka' lako'mo sinumuhang i Sabatan Daka' anu i Totonga'nyo. Anu aijo' hi aha daagi' ko i Nergal Sarezer, i Samgar Nebo, i Sarsekim anu mongkapalai auan nu laigan nu tomundo', i Nergal Sarezer Rabmag tiba to sulu-suludadu sangga'at.

YEREMIA 39:8

Hau-haunyo nombau aijo' aha mian nu Babel nompapumo laigan nu tomundo' tiba sinin na laigan nu aha mian da'isan ka' nohobo'akonmo ingko-ingkot na pagan mesen nu kota' Yerusalem.

YEHEZKIEL 12:13

Panyo buani'-Ku, Ku buani'akonmo bau pohakop ia. Lantas ku boamo na ia ikota' Babel ka' ikiijo' mae ia silakamo padahan madi' montoa kota' aijo'.

YEHEZKIEL 17:15

Panyo i tomundo' Yehuda notomuhukmo ka' nonsaimo mian namba i Mesir da mohumpak ajahan tiba mule' suludadu manjoo'. Pa' usaha aijo' nu humpak ahi'? Pa' ia opojohokmo ahi' da mopalai? Madi' bisa na ia molanggai palajanjian ka' madi' mohumpak hukuman!