YEREMIA 38:14 - KITAB NU TUMPU ALLA LELE MA'IMAI'

¹⁴ Daagi' kinosansinaan sangga'at, i Tomundo' Zedekia nompalentahmo mian da momboa aku mangadap hi ia i sabatan daka' anu ko totolu'nyo i Laigan nu Tumpu. Ia notataemo mae hi belengku, “Aku mompokilawamo hi beleyum ka' beleyum tionyo ahi' montaami mae nu pontaami anu sahondo-hondonyo. Boli ko anu opohowini.”

YEREMIA 38:14 ပူးပေါင်းရင်းမြစ်များ

2 SAMUEL 14:18

Tinaaman i tomundo', “Daagi ko anu ku pokilawa hi beleyum, soba taami mae hodi-hodi'.” “Soba poto'i mae kita Tuanku,” na koonyo nu boune aijo'.

1 TOMU-TOMUNDO' 10:5

mosia na ia mongatun anu ko pangkatnyo mokalaja i laigan nu tomundo' ka' mule' pibaju' nu aha anu pokakana na buhitnyo, ka' laigan kajojoongan nu aha. Ia nontoamo kaanon ka' anu o inum tinatuakon, mosia na to pangga-panggalima mokalaja i bau-bauon, ka' iwi-iwi' na koloban anu osombahkon i Salomo hi Laigan nu Tumpu. Tomundo' boune nu lipu' Syeba salatan nontoamo aijo' iwi-iwi', binangangmo ka' naha unda'anmo.

1 TOMU-TOMUNDO' 22:16

Tinaaman i Ahab, “De beleyum motatae hi belengku i uno sanggo nu Tumpu, yo poto'imo mae ahi' apaa na anu memang totu'u. Te pimpianje na aku mompokinde'i beleyum i han susumo aiya?”

2 TOMU-TOMUNDO' 16:18

Lantas da bau pongala kinyonyoa nu tomundo' Asyur, binongkanmo i Ahas na salipi' nu tomundo' anu kiijo' i Laigan nu Tumpu, ka' tumban pinsoopan anu ola samata-mata i tomundo' na minsoop i kiijo' pinimpi'mo i Ahas.

2 TAWARIKH 18:15

Tinaaman i Ahab, “De beleyum nompoto'i mae sumo itina' hi belengku koonyo nu beleyum i uno nu sanggo nu Tumpu yo poto'i mae ahi' apaa sabenannyo na anu sahondo-hondonyo. Pimpianje na beleyum ku pokinde'i i han anu sumo aijo'?”

YEREMIA 15:11

O Tumpu de aku madi' ahi' nompojalan pakalaja'anku na'i-na'ima' ka' madi' ahi' nontinjohi sampobali' i ahop nu Belento tempo'nyo aha nohumpakmo balaa' ka' kasusa'an, yo bakasmo da pinongkutuki mae nu mian haha aijo' totu-totu'u jadimo mae. (

YEREMIA 37:17

Lapas aijo' i Tomundo' Zedekia nompalentahmo mian da momboa aku mangadap hi ia ilaigan nu tomundo'. Ikiijo' pinohowininyo na ia nompokilawa mae hi belengku pa' daagi' ko potuunon lengkat mae hi Tumpu. “Daagi',” na koongku. Lantas po ule' mule' aku notatae, belento “Tomundo' obee'mo hi tomundo' Babel”.

YEREMIA 42:20

aijo'mo belemiu nombaumo sa'angu' na kasala'an daka'. Pinoita nu belemiu da aku balado'a hi Tumpu Allah-nto guna belemiu, ka' belemiu binalajanji'mo montulutimo iwi-iwi' na anu pinoto'imo nu Tumpu.